प्रकाशितवाक्य 9:21 - सादरी नवाँ नियम

²¹ उमन अपन करल हत्यामन, जादू-टोना, ब्यभिचार आउर चोरी करेक से मन नी फिरालैं।

प्रकाशितवाक्य 9:21 Iomraidhean Croise

मत्ती 15:19

काले कि बुरा बिचार, हत्या, दोसर जनाना केर संग संबंध बनाएक, ब्यभिचार, चोरी, झूठा गवाही आउर निंदा आदमी केर मन से हें निकलेला।

2 कुरिनथियनमन 12:21

कहीं एइसन ना होवोक कि जब मोंय फिन से तोहरे ठिना घूइर आमूँ, तो मोर परमेश्‍वर मोके अपमान करी। आउर मोके ढेइरमन लगिन शोक करेक पड़ी, जेमन पहिले पाप काइर रहैं, आउर गंदा काम, ब्यभिचार आउर लाज केर काम से मन नी फिरालैं।

गलातियनमन 5:20

मूर्ति पूजा, जादू-टोना, बैर, झगरा, हिसिंगा, खीस, बिरोध, अनबन, एक दोसर से जलन,

प्रकाशितवाक्य 13:13

उ बड़का-बड़का चमत्कार केर चिन्हा देखात रहे, हिंयाँ तक कि आदमीमन केर सामने स्वरग से धरती में आइग बरसाय देवत रहे।

प्रकाशितवाक्य 13:15

उके उ जानवर केर मूर्ति के जिंदा करेक केर शक्ति देवल गेलक, ताकि जानवर केर मूर्ति बोलेक लगोक आउर जेतना आदमीमन उ जानवर केर मूर्ति केर पूजा नी करबैं उमन के माइर मोराओक।

प्रकाशितवाक्य 13:7

आउर उ जानवर के एहो अधिकार देवल गेलक कि पवितर आदमीमन से लड़ोक आउर उ मनक उपरे जीत पाओक आउर उके हर एक गोतर, हर एक आदमीमन, हर एक भाषा आउर हर एक जाइत केर उपरे अधिकार देवल गेलक।

प्रकाशितवाक्य 14:8

फिन इकर पाछे एक आउर दूसरा स्वरगदूत इ कहते आलक, “नाश होई गेलक, उ महान देस बेबीलोन नाश होई गेलक, जे अपन ब्यभिचार केर कड़ुवा नशा सोउब जाइत केर आदमीमन के पियाय हे।”

प्रकाशितवाक्य 16:6

काले कि उमन पवितर आदमीमन आउर परमेश्‍वर केर संदेश के बताएक वालामन केर लोहू बहाय रहैं, आउर तोंय उमन के लोहू पियाले, काले कि उमन एहे लायक अहैं।”

प्रकाशितवाक्य 17:2

जेकर संगे धरती केर राजामन ब्यभिचार करलैं, आउर धरती केर रहेक वाला आदमीमन उकर ब्यभिचार केर नशा से माइत जाय रहैं।”

प्रकाशितवाक्य 17:4

इ जनाना बैगनी आउर लाल रंग केर लुगा पिंधल रहे, आउर सोना आउर ढेइर किमती मणि आउर मोतीमन से सिंगराल रहे। आउर उकर हाँथ में एक सोना केर कटोरा रहे, जे घिनघिना चीजमन से आउर उकर ब्यभिचार केर अशुद्ध चीजमन से भरल रहे।

प्रकाशितवाक्य 17:5

उकर माथा उपरे एक नाँव लिखल रहे जेकर मतलब लुकल रहे। इ लेखे रहे, “महान देस बेबीलोन धरती केर बेश्यामन आउर घिनघिना चीजमन केर आयो।”

प्रकाशितवाक्य 18:3

काले कि उकर ब्यभिचार केर कड़ुवा नशा से सोउब जाइत केर आदमीमन गिर गेलैं, आउर धरती केर राजामन उकर संगे ब्यभिचार काइर रहैं, आउर धरती केर बेपारीमन उकर भोग-बिलास केर भरपूरी केर खातिर धनवान होई रहैं।”

प्रकाशितवाक्य 19:2

काले कि उकर फैसला सच्चा आउर ठीक अहे। उ बड़का बेश्या केर जे अपन ब्यभिचार से धरती के भ्रष्ट करत रहे, फैसला करलक, आउर उकर से अपन सेवकमन केर लोहू केर पलटा लेई हे।”

प्रकाशितवाक्य 21:8

मगर डरपोकमन, अबिसवासीमन, घिनघिना काम करेक वालामन, आउर हत्यारामन, ब्यभिचारीमन, ओझामन, मूर्ति पूजा करेक वालामन आउर सोउब झूठा आदमीमन केर हिस्सा उ झील में मिली, जे आइग आउर गंधक से बरते रहेला: इ दूसरा माउत हेके।”

प्रकाशितवाक्य 22:15

मगर अपवितरमन, ओझामन, ब्यभिचारीमन, हत्यारामन, मूर्ति पूजा करेक वालामन, हरेक झूठ के चाहेक वालामन आउर झूठ बनाएक वालामन बाहरे रहबैं।

प्रकाशितवाक्य 9:20

आउर बचल आदमीमन जे उ बिपइतमन से नी मोइर रहैं अपन हाँथमन केर बुरा काममन के करेक नी छोड़लैं। उमन भूत-प्रेतमन आउर, सोना, चाँदी, पीतल, पखना आउर काठ केर बनाल मूर्तिमन केर पूजा करेक नी छोड़लैं, जेमन ना देखेक पारैना, ना सुनेक पारैना आउर ना हें चलेक पारैना।