प्रकाशितवाक्य 9:1 - सादरी नवाँ नियम

¹ जब पाँचवाँ स्वरगदूत तुरही फुँकलक तो मोंय आकाश से धरती उपरे एगो तइरगन के गिरते देखलों, आउर उके बेथाह गढ़हा केर कुंजी देवल गेलक।

प्रकाशितवाक्य 9:1 Iomraidhean Croise

लूका 10:18

यीशु उमन से कहलक, “जब भूतमन तोहर आगया मानलैं, तो मोंय शैतान के अचका बिजली नियर स्वरग से हेंठे गिरते देखलों।

लूका 8:31

आउर उमन यीशु से बिनती करलैं कि हमरे के बेथाह गढ़हा में जाएक केर आगया ना दे।

रोमानियनमन 10:7

या अपन मन में इ ना कहबे, “केहर मरणलोक में नीचे उतरी मसीह के मुरदा में से जियाय के उपरे लानेक ले?”

प्रकाशितवाक्य 1:18

मोंय मोइर जाय रहों, आउर अब देख, मोंय जुग-जुग लगिन जिंदा अहों, आउर मरणलोक आउर अधोलोक केर कुंजी मोर हें ठिना अहे।

प्रकाशितवाक्य 1:20

उ सात तइरगनमन केर भेद, जेमन के तोंय मोर भतखाइया हाँथ में देइख रहिस, आउर उ सात गो दीया रखेक केर खूँटा केर भेद: उ सात तइरगनमन सातों कलीसियामन केर दूत हेकैं, आउर उ सात दीया खूँटा सात कलीसियामन हेकैं।”

प्रकाशितवाक्य 11:7

जब उमन अपन गवाही देई चुकबैं, तो उ जानवर जे बेथाह गढ़हा में से निकली, उमन से लइड़ के उमन के जीत जाई आउर उमन के माइर मोराई।

प्रकाशितवाक्य 17:8

जे जानवर तोंय देइख हिस, उ पहिले तो रहे, मगर अब नखे, मगर उ बेथाह गढ़हा से निकइल के आवी, सेहे बेरा उकर बिनाश होई जाई। आउर धरती केर रहेक वाला आदमीमन जेमन केर नाँव दुनिया केर सिरजेक बेरा से जिंदगी केर किताब में लिखल नखे, इ जानवर केर इ दशा देइख के कि पहिले रहे, आउर अब नखे आउर फिन आय जाई, ताजुब करबैं।

प्रकाशितवाक्य 20:1

इकर पाछे मोंय आकाश से एगो स्वरगदूत के स्वरग से उतरते देखलों। उकर हाँथ में बेथाह गढ़हा केर कुंजी आउर एगो बड़का सिकड़ रहे।

प्रकाशितवाक्य 20:10

आउर उमन के बहकाएक वाला शैतान आइग आउर गंधक केर उ झील में, जेकर में उ खूंखार जानवर आउर झूठा संदेश देवेक वाला आदमी हों होवी, साइज देवल जाई, आउर उमन जुग-जुग राइत दिन बाथा में तड़पते रहबैं।

प्रकाशितवाक्य 6:13

आउर आकाश केर तइरगनमन धरती में एइसन गिरलैं जइसन बड़का आँधी से हिल के अंजीर केर गाँछ में से कच्चा फार झरेला।

प्रकाशितवाक्य 8:10

फिन तीसरा स्वरगदूत तुरही फुँकलक। इकर से आकाश से मशाल नियर बरते एगो बड़का तइरगन गिरलक। उ तइरगन एक तिहाई नदीमन आउर पानी केर सोतामन में गिरलक।

प्रकाशितवाक्य 8:12

फिन चौथा स्वरगदूत तुरही फुँकलक। इकर से बेइर केर एक तिहाई हिस्सा आउर चाँद केर एक तिहाई हिस्सा आउर तइरगनमन केर एक तिहाई हिस्सा में बिपइत आलक। जेकर से उमन केर एक तिहाई हिस्सा अंधार होई गेलक। आउर दिन केर एक तिहाई हिस्सा में इंजोत नी रहे, एहे लेखे एक तिहाई राइत हों अंधार में डूइब गेलक।

प्रकाशितवाक्य 8:2

तब मोंय उ सातों स्वरगदूतमन के देखलों, जे परमेश्‍वर केर सामने ठड़ाल रहैना, आउर उमन के सात गो तुरही देवल गेलक।

प्रकाशितवाक्य 9:2

जब उ बेथाह गढ़हा के खोललक तब गढ़हा में से बड़का भट्ठी जइसन धुंगिया उठलक आउर उ गढ़हा केर धुंगिया से बेइर आउर आकाश अंधार होई गेलक।