प्रकाशितवाक्य 8:8 - सादरी नवाँ नियम

⁸ फिन दूसरा स्वरगदूत तुरही फूकलक, तो आइग नियर बरते एगो बड़का पहार समुदर में साजल गेलक आउर समुदर केर एक तिहाई हिस्सा लोहू बाइन गेलक।

प्रकाशितवाक्य 8:8 Iomraidhean Croise

मरकुस 11:23

मोंय तोर से सच कहाथों कि जे केऊ इ पहार से इ कही कि तोंय उखइर के समुदर में जाय गिर, आउर अपन मन में शंका नी करी, मगर इ बिसवास करी कि जे मोंय कहाथों उ पूरा होवी, तो परमेश्‍वर उकर लगिन ओहे करी।

प्रकाशितवाक्य 11:6

उमन के अधिकार अहे कि आकाश के बंद करोक, ताकि उमन केर भविष्यवाणी केर दिन में पानी ना बरसोक। उमन के सोउब पानी उपरे अधिकार अहे कि उके लोहू बनाओक आउर जब-जब चाहबैं तब-तब धरती में हर रकम केर बिपइत के लानोक।

प्रकाशितवाक्य 12:4

उकर पूँइछ आकाश केर एक तिहाई तइरगनमन के खींच के धरती में फेइक देलक। उ अजगर उ जनाना केर भीरे ठड़ालक, जे छउवा जनम देवेक केर बाथा में रहे ताकि छउवा केर जनमते हें उके लील जाओक।

प्रकाशितवाक्य 8:7

जइसन हें पहला स्वरगदूत तुरही फुँकलक, तइसनेहें लोहू से मिलल बरफ आउर आइग दिसेक लगलक, आउर उमन के हेंठे धरती में उझलल गेलक। जेकर से धरती केर एक तिहाई हिस्सा पोइड़ के भसम होई गेलक आउर एक तिहाई गाँछमन पोइड़ के भसम होई गेलक आउर सोउब हरियार घास हों पोइड़ के भसम होई गेलक।

प्रकाशितवाक्य 9:15

उ चाइरो दूतमन के खोइल देवल गेलक जे ओहे बेरा, आउर ओहे दिन, आउर महिना आउर बरिस लगिन आदमीमन केर एक तिहाई हिस्सा के माइर मोराएक ले तेयार करल जाय रहैं।

प्रकाशितवाक्य 9:18

इ तीनों बिपइत मतलब आइग, धुंगिया आउर गंधक से जे घोड़ामन केर मुँह से निकलत रहे, आदमीमन केर एक तिहाई हिस्सा के माइर मोराल गेलक।