प्रकाशितवाक्य 8:5 - सादरी नवाँ नियम

⁵ इकर पाछे स्वरगदूत धूपदानी लेई के उकर में बेदी केर आइग भरलक आउर धरती में उझइल देलक। जेकर से बदरी गरजेक, आउर शबद, आउर बिजलीमन चमकेक, आउर भूंईडोल आवेक लगलक।

प्रकाशितवाक्य 8:5 Iomraidhean Croise

मत्ती 24:7

काले कि एक जाइत केर आदमीमन दोसर जाइत केर उपरे हमला करबैं आउर एक देस केर आदमीमन दोसर देस केर आदमीमन से लड़बैं आउर जगा-जगा अकाल होवी आउर भूंईडोल होवी।

लूका 12:49

“मोंय दुनिया में आइग लगाएक आय हों, आउर मोंय केतना चाहाथों कि इ एखनेहें सुलइग जातक!

खास चेलामन केर काम 16:26

एतने में अचका बड़का भूंईडोल होलक, हिंयाँ तक कि जेहेल घर केर नेव हिल गेलक। तुरते सोउब दुरा खुइल गेलक आउर सोउब केर बंधन खुइल गेलक।

खास चेलामन केर काम 4:31

उ मनक इ प्रार्थना सिरात हें उ घर जेकर में उमन जमा रहैं हिल गेलक आउर सोउबमन पवितर आत्मा से भाइर गेलैं आउर उमन परमेश्‍वर केर बचन साहस से सुनाएक लगलैं।

प्रकाशितवाक्य 11:13

फिन ओहे बेरा एक बड़का भूंईडोल आलक, आउर नगर केर दसवाँ हिस्सा गिर गेलक। उ भूंईडोल से सात हजार आदमीमन मोइर गेलैं, आउर जे बचलैं उमन डराय गेलैं आउर स्वरग केर परमेश्‍वर केर महिमा करलैं।

प्रकाशितवाक्य 11:19

तब परमेश्‍वर केर जे मन्दिर स्वरग में अहे, उ खोलल गेलक, आउर उकर मन्दिर में उकर करार केर बक्सा दिसलक। आउर बिजलीमन, आवाजमन आउर बदरी केर गरजेक केर आवाज आउर भूंईडोल होलक आउर भारी ओला गिरलक।

प्रकाशितवाक्य 4:5

उ सिंहासन में से बिजली आउर गरजेक केर आवाज निकलाथे आउर सिंहासन केर भीरे आइग केर सात गो दीया बराथे, उमन परमेश्‍वर केर सात आत्मामन हेकैं।

प्रकाशितवाक्य 6:12

आउर जब मेमना छठवाँ मोहर खोललक, तो ओहे बेरा एक बड़का भूंईडोल आलक, आउर बेइर कम्बरा नियर करिया आउर पूरा चाँद लोहू नियर लाल होई गेलक।

प्रकाशितवाक्य 8:3

फिन एक आउर स्वरगदूत धूप जलाएक लगिन सोना केर कटोरा लेई के आलक, आउर बेदी ठिना ठड़ाय गेलक। उकर ठिना सोना केर एगो धूपदानी रहे। आउर उके ढेइर धूप देवल गेलक कि सोउब पवितर आदमीमन केर प्रार्थनामन केर संगे सोना केर उ बेदी में, जे सिंहासन केर सामने अहे चढ़ाओक।