प्रकाशितवाक्य 8:3 - सादरी नवाँ नियम

³ फिन एक आउर स्वरगदूत धूप जलाएक लगिन सोना केर कटोरा लेई के आलक, आउर बेदी ठिना ठड़ाय गेलक। उकर ठिना सोना केर एगो धूपदानी रहे। आउर उके ढेइर धूप देवल गेलक कि सोउब पवितर आदमीमन केर प्रार्थनामन केर संगे सोना केर उ बेदी में, जे सिंहासन केर सामने अहे चढ़ाओक।

प्रकाशितवाक्य 8:3 Iomraidhean Croise

लूका 1:10

आउर धूप जलाएक केर बेरा आदमीमन केर सोउब मंडली बाहरे मंदिर केर अंगना में प्रार्थना करत रहैं।

रोमानियनमन 8:34

आउर केऊ हमरे के दंड देवेक नी पारी, काले कि यीशु मसीह हमर लगिन मोरलक आउर फिन मोरलमन में से जी उइठ के परमेश्‍वर केर भतखाइया आरा बाइठ हे, आउर हमर लगिन प्रार्थना हों कराथे।

इब्रानीमन 7:25

इ लगिन जेमन यीशु केर जरिया परमेश्‍वर ठिना आवैना, यीशु उमन के पूरा-पूरा बचाएक पारेला, काले कि उ उमन लगिन बिनती करेक ले जुग-जुग जिंदा अहे।

इब्रानीमन 9:4

इ कोठरी में धूप जलाएक वाला सोना केर बेदी रहे, आउर बाहरे भीतरे चाइरो बटे सोना केर लेप लगाल बकसा रहे, जेके करार केर बकसा कहल जात रहे। इकर भीतरे तीन चीज रहे, पहिला सोना केर एगो डिबा रहे जेकर में खास किसिम केर खाएक केर चीज रहे, जेके मन्ना कहल जात रहे, इकर में हारून केर लाठी हों रहे जेकर में पतइ नोगइज जाय रहे, आउर तीसरा चीज दूई गो पखना केर चेपटा पाटी रहे जेकर में परमेश्‍वर दस आगयामन के लीख रहे, आउर मूसा के देई रहे।

प्रकाशितवाक्य 10:1

फिन मोंय एगो आउर शक्तिशाली स्वरगदूत के बदरी से घेराल स्वरग से उतरते देखलों। उकर मूँड़ उपरे बदरी केर धनुष रहे। उकर मुँह बेइर नियर चमकत रहे आउर उकर गोड़ आइग केर खंभा नियर रहे।

प्रकाशितवाक्य 14:18

फिन एक आउर स्वरगदूत जेके आइग उपरे अधिकार रहे, बेदी में से निकललक, आउर उकर से जेकर ठिना चोखा हँसुआ रहे, जोर से कहलक, “अपन चोखा हँसुआ चलाय के धरती केर अंगूर केर गुच्छा काइट ले, काले कि उकर अंगूर पाइक चुइक हे।”

प्रकाशितवाक्य 5:8

जब उ किताब लेई लेलक, तो उ चाइरो जीव आउर चोबिसो मुखियामन उ मेमना केर सामने गिर के प्रणाम करलैं आउर उमन में से हर एक केर हाँथ में बीना-बाजा आउर धूप से भरल सोना केर कटोरा रहे, जे पवितर आदमीमन केर प्रार्थनामन हेके।

प्रकाशितवाक्य 6:9

आउर जब मेमना पाँचवाँ मोहर खोललक तो मोंय बेदी केर हेंठे उ मनक प्राण के देखलों, जे परमेश्‍वर केर बचन केर परचार करेक केर खातिर आउर उ गवाही केर खातिर कि यीशु हमर प्रभु हेके, जे उमन देई रहैं, माइर मोराल जाय रहैं।

प्रकाशितवाक्य 7:2

फिन मोंय एक आउर स्वरगदूत के जिंदा परमेश्‍वर केर मोहर लेवल पूरब से उपरे बटे आते देखलों, उ चाइरो स्वरग दूतमन से जेमन के उ धरती आउर समुदर केर हानि करेक केर अधिकार देई रहे, ऊँचा आवाज से कहलक,

प्रकाशितवाक्य 8:4

तब स्वरगदूत केर हाँथ से धूप केर धुंगिया पवितर आदमीमन केर प्रार्थनामन केर संगे परमेश्‍वर केर भीरे पोंहइच गेलक।

प्रकाशितवाक्य 8:5

इकर पाछे स्वरगदूत धूपदानी लेई के उकर में बेदी केर आइग भरलक आउर धरती में उझइल देलक। जेकर से बदरी गरजेक, आउर शबद, आउर बिजलीमन चमकेक, आउर भूंईडोल आवेक लगलक।

प्रकाशितवाक्य 9:13

जब छठवाँ स्वरगदूत तुरही फुँकलक तो सोना केर बेदी जे परमेश्‍वर केर सामने अहे, उकर सींगमन में से मोंय एइसन आवाज सुनलों,