प्रकाशितवाक्य 8:2 - सादरी नवाँ नियम

² तब मोंय उ सातों स्वरगदूतमन के देखलों, जे परमेश्‍वर केर सामने ठड़ाल रहैना, आउर उमन के सात गो तुरही देवल गेलक।

प्रकाशितवाक्य 8:2 Iomraidhean Croise

मत्ती 18:10

देखा, तोहरेमन इ छोटमन में से केखो तुच्छ ना मानबा, काले कि मोंय तोहर से कहाथों, स्वरग में उ मनक दूतमन मोर स्वरगीय आबा केर भीरे सोउब बेरा रहैना।

मत्ती 24:31

आउर मोंय अपन दूतमन के जोर से तुरही बजाते भेजमूँ, आउर उमन आकाश केर इ छोर से उ छोर तक, चाइरो दिशा से मोर चुनल आदमीमन के जमा करबैं।

लूका 1:19

स्वरगदूत उके जबाब देलक, “मोंय जिब्राईल स्वरगदूत हेकों, जे परमेश्‍वर केर भीरे ठड़ाय रहोना। आउर परमेश्‍वर मोके तोर से गोठियाएक आउर तोके इ शुभ समाचार सुनाएक लगिन भेइज हे।

लूका 21:36

से लगिन जागते रहा आउर सोउब बेरा प्रार्थना करते रहा, जेकर से तोहरेमन इ सोउब आवेक वाला बिपइतमन से बचेक आउर मोंय आदमी केर बेटा केर सामने ठड़ाएक केर लायक बनेक पारबा।”

1थिस्सलुनीकियनमन 4:16

काले कि प्रभु यीशु खुद हें स्वरग से उतरी उ समय आदमीमन यीशु के ऊँचा आवाज से आदेश देते सुनबैं, आउर प्रधान दूत जोर से बोली, आउर परमेश्‍वर केर तुरही फूँकल जाई, आउर जेमन मसीह में बिसवास काइर के मोइर हैं, उमन पहिले जी उठबैं।

प्रकाशितवाक्य 1:4

इ चिट्ठी मोंय यूहन्ना केर बटले हेके, जेके मोंय आसिया परदेस केर सातों कलीसिया केर आदमीमन के लिखाथों। मोंय प्रार्थना कराथों कि तोहरे सोउबमन के परमेश्‍वर बटले किरपा आउर शांति मिलते रहोक। उ जे अहे, आउर जे रहे, आउर जे आवेक वाला अहे, आउर उ सात आत्मामन बटले, जेमन उकर सिंहासन केर भीरे अहैं।

प्रकाशितवाक्य 11:15

जब सातवाँ दूत तुरही फुँकलक, तो स्वरग में से जोर से रकम-रकम केर आवाज इ कहते सुनाई देलक, “दुनिया केर राइज हमर प्रभु केर आउर उकर मसीह केर होई गेलक आउर उ जुग-जुग राइज करी।”

प्रकाशितवाक्य 15:1

मोंय स्वरग में एगो आउर महान आउर अदभुत चिन्हा देखलों। मोंय देखलों कि सात गो स्वरगदूतमन अहैं जेमन ठिना सातों आखरी बिपइतमन रहे। इ आखरी बिपइत रहे, काले कि इमन केर संगे परमेश्‍वर केर परकोप हों पूरा होई जाई।

प्रकाशितवाक्य 16:1

उकर पाछे मोंय मंदिर में केखो उ सातों स्वरगदूतमन से जोर से इ कहते सुनलों, “जावा, परमेश्‍वर केर परकोप केर सातों कटोरा के धरती केर आदमीमन उपरे उझइल देवा।”

प्रकाशितवाक्य 8:13

जब मोंय फिन देखलों तो आकाश केर माझे में एगो उकाब चरई के उड़ते आउर जोर से इ कहते सुनलों, “उ तीन गो स्वरगदूतमन केर तुरही केर शबदमन केर खातिर जेमन केर फुँकेक एखन बचल अहे, धरती केर रहेक वालामन उपरे हाय! हाय! हाय!”

प्रकाशितवाक्य 8:6

फिन उ सातों स्वरगदूत जेमन ठिना सात गो तुरही रहे, उमन अपन-अपन तुरही फुँकेक लगिन तेयार होलैं।

प्रकाशितवाक्य 9:1

जब पाँचवाँ स्वरगदूत तुरही फुँकलक तो मोंय आकाश से धरती उपरे एगो तइरगन के गिरते देखलों, आउर उके बेथाह गढ़हा केर कुंजी देवल गेलक।