प्रकाशितवाक्य 8:12 - सादरी नवाँ नियम

¹² फिन चौथा स्वरगदूत तुरही फुँकलक। इकर से बेइर केर एक तिहाई हिस्सा आउर चाँद केर एक तिहाई हिस्सा आउर तइरगनमन केर एक तिहाई हिस्सा में बिपइत आलक। जेकर से उमन केर एक तिहाई हिस्सा अंधार होई गेलक। आउर दिन केर एक तिहाई हिस्सा में इंजोत नी रहे, एहे लेखे एक तिहाई राइत हों अंधार में डूइब गेलक।

प्रकाशितवाक्य 8:12 Iomraidhean Croise

मत्ती 24:29

जब इ दुःख तकलीफ केर बेरा बीत जाई। तब बेइर अंधार होई जाई आउर चाँद इंजोत नी देवी। आउर आकाश से तइरगनमन गिरेक लगबैं: आउर आकाश केर शक्तिमन के हिलाल जाई

मत्ती 27:45

दिन केर बारह बजे से लेई के तीन बजे तक गोटा धरती अंधार होई गेलक।

मरकुस 13:24

जब इ दुःख तकलीफ केर बेरा बीत जाई, तब ‘बेइर अंधार होई जाई आउर चाँद इंजोत नी देवी।

मरकुस 15:33

आउर दिन केर बारह बजे से लेई के तीन बजे तक गोटा धरती में अंधार होई गेलक।

लूका 21:25

बेइर, चाँद आउर तइरगनमन में चिन्हा दिस्तार होवी, समुदर केर गरजेक आउर लहरामन केर हिलकोरा से दुनिया केर सोउब देस केर आदमीमन घबराय जबैं आउर उ मनक उपरे भयानक बिपइत आवी।

खास चेलामन केर काम 2:20

प्रभु केर दिन आवेक से पहिले बेइर अंधार आउर चाँद लोहू होई जाई। उ दिन महान आउर तेज चमक केर दिन होवी।

2 कुरिनथियनमन 4:4

आउर उ अबिसवासीमन नी बुझैना, जे मनक बुद्धि के इ दुनिया केर ईश्‍वर शैतान अंधरा काइर देई हे, ताकि उमन मसीह केर महिमा केर बारे में आवेक वाला शुभ समाचार केर इंजोत के देखेक नी पारबैं, जे परमेश्‍वर कइसन अहे इके देखायला।

प्रकाशितवाक्य 12:4

उकर पूँइछ आकाश केर एक तिहाई तइरगनमन के खींच के धरती में फेइक देलक। उ अजगर उ जनाना केर भीरे ठड़ालक, जे छउवा जनम देवेक केर बाथा में रहे ताकि छउवा केर जनमते हें उके लील जाओक।

प्रकाशितवाक्य 16:10

पाँचवाँ स्वरगदूत अपन कटोरा उ जानवर केर सिंहासन उपरे उझइल देलक आउर उकर राइज में अंधार होई गेलक आउर आदमीमन बाथा केर मारे अपन-अपन जीभ के चाबाएक लगलैं।

प्रकाशितवाक्य 6:12

आउर जब मेमना छठवाँ मोहर खोललक, तो ओहे बेरा एक बड़का भूंईडोल आलक, आउर बेइर कम्बरा नियर करिया आउर पूरा चाँद लोहू नियर लाल होई गेलक।

प्रकाशितवाक्य 9:15

उ चाइरो दूतमन के खोइल देवल गेलक जे ओहे बेरा, आउर ओहे दिन, आउर महिना आउर बरिस लगिन आदमीमन केर एक तिहाई हिस्सा के माइर मोराएक ले तेयार करल जाय रहैं।

प्रकाशितवाक्य 9:18

इ तीनों बिपइत मतलब आइग, धुंगिया आउर गंधक से जे घोड़ामन केर मुँह से निकलत रहे, आदमीमन केर एक तिहाई हिस्सा के माइर मोराल गेलक।