प्रकाशितवाक्य 8:10 - सादरी नवाँ नियम

¹⁰ फिन तीसरा स्वरगदूत तुरही फुँकलक। इकर से आकाश से मशाल नियर बरते एगो बड़का तइरगन गिरलक। उ तइरगन एक तिहाई नदीमन आउर पानी केर सोतामन में गिरलक।

प्रकाशितवाक्य 8:10 Iomraidhean Croise

मत्ती 25:1

यीशु आगे कहलक, “जब मोंय आदमी केर बेटा घूइर आमूँ, तब स्वरग केर राइज उ दस कुँवारीमन केर जइसन होवी, जेमन अपन-अपन दीया लेई के दूल्हा से भेंट करेक लगिन उकर बिहा में जाएक ले निकललैं।

लूका 10:18

यीशु उमन से कहलक, “जब भूतमन तोहर आगया मानलैं, तो मोंय शैतान के अचका बिजली नियर स्वरग से हेंठे गिरते देखलों।

यहूदा 1:13

जइसन समुदर केर खतरनाक लहरामन गंदा झाग बनायना, तइसनेहें इमन लज्जा वाला काम करैना। उमन थोरेक तइरगनमन नियर अहैं जे एक सोझ डहर में नी चलैना, उमन सही डहर नी देखायना। प्रभु उमन लगिन एगो ठाँव रखाथे जे पूरा रीति से अंधार अहे, जहाँ उमन के सोउब दिन लगिन रहेक पड़ी।

प्रकाशितवाक्य 1:20

उ सात तइरगनमन केर भेद, जेमन के तोंय मोर भतखाइया हाँथ में देइख रहिस, आउर उ सात गो दीया रखेक केर खूँटा केर भेद: उ सात तइरगनमन सातों कलीसियामन केर दूत हेकैं, आउर उ सात दीया खूँटा सात कलीसियामन हेकैं।”

प्रकाशितवाक्य 12:4

उकर पूँइछ आकाश केर एक तिहाई तइरगनमन के खींच के धरती में फेइक देलक। उ अजगर उ जनाना केर भीरे ठड़ालक, जे छउवा जनम देवेक केर बाथा में रहे ताकि छउवा केर जनमते हें उके लील जाओक।

प्रकाशितवाक्य 14:7

आउर उ जोर से कहलक, “परमेश्‍वर से डरावा आउर उकर महिमा करा। काले कि उकर फैसला करेक केर बेरा आय पोंहइच हे, आउर उकर आराधना करा, जे स्वरग आउर धरती आउर समुदर आउर पानी केर सोता सिरजालक।”

प्रकाशितवाक्य 16:4

तीसरा स्वरगदूत अपन कटोरा के नदीमन में आउर पानी केर सोतामन में उझइल देलक, आउर उमन लोहू बाइन गेलक।

प्रकाशितवाक्य 6:13

आउर आकाश केर तइरगनमन धरती में एइसन गिरलैं जइसन बड़का आँधी से हिल के अंजीर केर गाँछ में से कच्चा फार झरेला।

प्रकाशितवाक्य 8:7

जइसन हें पहला स्वरगदूत तुरही फुँकलक, तइसनेहें लोहू से मिलल बरफ आउर आइग दिसेक लगलक, आउर उमन के हेंठे धरती में उझलल गेलक। जेकर से धरती केर एक तिहाई हिस्सा पोइड़ के भसम होई गेलक आउर एक तिहाई गाँछमन पोइड़ के भसम होई गेलक आउर सोउब हरियार घास हों पोइड़ के भसम होई गेलक।

प्रकाशितवाक्य 9:1

जब पाँचवाँ स्वरगदूत तुरही फुँकलक तो मोंय आकाश से धरती उपरे एगो तइरगन के गिरते देखलों, आउर उके बेथाह गढ़हा केर कुंजी देवल गेलक।

प्रकाशितवाक्य 9:15

उ चाइरो दूतमन के खोइल देवल गेलक जे ओहे बेरा, आउर ओहे दिन, आउर महिना आउर बरिस लगिन आदमीमन केर एक तिहाई हिस्सा के माइर मोराएक ले तेयार करल जाय रहैं।

प्रकाशितवाक्य 9:18

इ तीनों बिपइत मतलब आइग, धुंगिया आउर गंधक से जे घोड़ामन केर मुँह से निकलत रहे, आदमीमन केर एक तिहाई हिस्सा के माइर मोराल गेलक।