प्रकाशितवाक्य 7:9 - सादरी नवाँ नियम

⁹ इकर पाछे मोंय देखलों कि मोर सामने एगो बड़का भीड़ ठड़ाल अहे, जेमन केर हिसाब केऊ करेक नी पारत रहैं। इ भीड़ में हरेक जाइत, हरेक गोतर, हरेक आदमीमन, आउर हरेक भाषा केर आदमीमन अहैं। उमन उ सिंहासन आउर उ मेमना केर सामने ठड़ाल अहैं। उमन चरका लुगा पिंधल अहैं आउर उमन अपन हाँथमन में खिजूर केर डाइर लेवल अहैं।

प्रकाशितवाक्य 7:9 Iomraidhean Croise

लूका 12:1

एतनेहें में हजारो आदमी मनक भीड़ जमा होई गेलक, हिंयाँ तक कि आदमीमन ढेकला-ढेकली होवेक लगलैं, तब यीशु सोउब से आगे अपन चेलामन से कहेक लगलक, “फरीसी दल केर आदमी मनक कपट से सावधान रहबा।

लूका 21:36

से लगिन जागते रहा आउर सोउब बेरा प्रार्थना करते रहा, जेकर से तोहरेमन इ सोउब आवेक वाला बिपइतमन से बचेक आउर मोंय आदमी केर बेटा केर सामने ठड़ाएक केर लायक बनेक पारबा।”

यूहन्ना 12:13

तो उमन खिजूर केर डाइर लेई के उकर स्वागत करेक लगिन निकललैं। आउर उमन इ नारा लगात रहैं, “परमेश्‍वर केर स्तुति होवोक, धाइन अहे उ, जे प्रभु केर नाँव से आवेला! धाइन अहे इसराइल केर राजा।”

रोमानियनमन 11:25

हे बिसवासी भाईमन, मोंय चाहोना कि तोहरेमन इ भेद के बुझा, ताकि तोहरे खुद में घमंड ना करबा, थोरेक इसराइलीमन कठोर मन वाला अहैं, इ कठोर बनल रहेक तब तक रही, जब तक कि परजाइत आदमीमन केर मसीह में बिसवास करेक केर गिनती पूरा नी होवी।

इफिसियनमन 6:13

इ लगिन परमेश्‍वर केर सोउब हँथियार के धाइर के तेयार रहा, ताकि जब बुरा दिन आवी तो जे कोनों करेक पराई उके करल पाछे तोहरेमन मजबूती से स्थिर रहेक पारबा।

इब्रानीमन 11:12

अब्राहम एतइ बूढ़ा रहे कि उ मोरेक वाला रहे, मगर उ आकाश केर तइरगनमन आउर समुदर किनारे केर बालू नियर अनगिनइत बंश जनमालक।

इब्रानीमन 12:22

मगर तोहरेमन सिय्योन पहार ठिना आय हा, जहाँ स्वरग केर यरुशलेम अहे, आउर जे जिंदा परमेश्‍वर केर नगर हेके, जहाँ लाखो स्वरगदूतमन खुशी मनायना।

प्रकाशितवाक्य 11:15

जब सातवाँ दूत तुरही फुँकलक, तो स्वरग में से जोर से रकम-रकम केर आवाज इ कहते सुनाई देलक, “दुनिया केर राइज हमर प्रभु केर आउर उकर मसीह केर होई गेलक आउर उ जुग-जुग राइज करी।”

प्रकाशितवाक्य 22:3

हूवाँ कोनों रकम केर श्राप नी होवी। परमेश्‍वर आउर मेमना केर सिंहासन उ नगर में बनल रही। आउर उकर सेवकमन उकर आराधना करबैं।

प्रकाशितवाक्य 3:18

से लगिन मोंय तोके सलहा देवोना कि आइग केर भट्ठी में धिपाय के शुद्ध करल सोना मोर से कीन ले कि तोंय धनी होई जाबे, आउर चरका लुगा लेई ले कि पिंध के तोके अपन नंगापन केर लज्जा ना होवोक, आउर अपन आँइखमन में लगाएक लगिन सुरमा ले कि तोंय देखेक पारबे।

प्रकाशितवाक्य 4:4

उ सिंहासन केर चाइरो बटे चोबीस गो सिंहासन अहे आउर उ सिंहासनमन में चोबीस मुखियामन चरका लुगा पिंध के बइठल अहैं, आउर उ मनक मूँड़ उपरे सोना केर मुकुट अहे।

प्रकाशितवाक्य 5:11

आउर जब मोंय देखलों तो उ सिंहासन आउर उ जीवमन आउर उ मुखियामन केर चाइरो बटे ढेइर स्वरग दूतमन केर शबद सुनलों, जेमन केर हिसाब लाखो आउर करोड़ो केर रहे।

प्रकाशितवाक्य 5:9

आउर उमन इ नवाँ गीत गावेक लगलैं: “तोंय इ किताब के लेवेक आउर इकर मोहर के खोलेक केर लायक अहिस, काले कि तोंय बलि होई के अपन लोहू से हरेक गोतर, भाषा, आदमीमन, आउर जाइत में से परमेश्‍वर केर लगिन आदमीमन के कीन लेई हिस।

प्रकाशितवाक्य 6:11

आउर उमन में से हरेक के चरका लुगा देवल गेलक आउर उमन से कहल गेलक कि थोरेक देरी आउर धीरज धरा, जब तक कि तोहर संगी सेवकमन आउर भाई-बहिन केर हिसाब पूरा नी होई जाई, जे उमन केर नियर माइर मोराल जाएक अहैं।

प्रकाशितवाक्य 7:8

जबूलून केर गोतर में से बारह हजार, यूसुफ केर गोतर में से बारह हजार आउर बिन्यामीन केर गोतर में से बारह हजार आदमीमन केर उपरे मोहर लगालक।