प्रकाशितवाक्य 7:4 - सादरी नवाँ नियम

⁴ जेमन केर उपरे मोहर लगाल गेलक, मोंय उमन केर हिसाब सुनलों। उमन केर हिसाब एक लाख चौवालीस हजार रहे आउर उमन इसराइल केर बारह गोतर में से रहैं।

प्रकाशितवाक्य 7:4 Iomraidhean Croise

मत्ती 19:28

यीशु उमन से कहलक, “मोंय तोहर से सच कहाथों कि नवाँ जुग में जब मोंय आदमी केर बेटा अपन महिमा केर सिंहासन में बइठमूँ, तो तोहरेमन जे मोर पिछे होई लेई हा, बारह गो सिंहासन में बाइठ के इसराइल केर बारहों गोतरमन केर न्याय करबा।

लूका 14:22

धांगर जाय के तइसनेहें आदमीमन के बतालक, फिन घूइर आय के मालिक से कहलक, ‘हे मालिक, जइसन तोंय कइह रहिस, तइसनेहें मोंय करलों, मगर भोज घर में आउर हें ठाँव बचल अहे।’

लूका 22:30

ताकि तोहरेमन मोर राइज में मोर टेबुल में खाबा-पीबा आउर बारह गो सिंहासन में बाइठ के इसराइल केर बारहों गोतरमन केर न्याय करबा।”

खास चेलामन केर काम 26:7

इ ओहे करार हेके, जेकर पूरा होवेक केर आसरा में हमर बारहों गोतर केर आदमीमन दिन राइत पूरा सच्चाई केर साथ परमेश्‍वर केर भक्ति करते आवाथैं। हे राजा, एहे आसरा केर चलते यहूदी अगुवामन मोर उपरे दोष लगाथैं।”

रोमानियनमन 9:27

आउर परमेश्‍वर केर संदेश के बताएक वाला यशायाह इसराइलीमन केर बारे में हकाय के कहेला, “चाहे इसराइली आदमीमन केर गिनती समुदर किनारे केर बालू नियर ढेइर अहे, फिन भी उमन थोरहें बाचबैं।

याकूब 1:1

इ चिट्ठी मोंय याकूब बटले हेके, मोंय परमेश्‍वर आउर प्रभु यीशु मसीह केर सेवक हेकों। इ चिट्ठी के मोंय उ बारह गोतरमन केर नाँव से लिखाथों, जेमन गोटा दुनिया में तितिर-बितिर होई के रहैना। मोर बटले तोहरेमन के जोहार।

प्रकाशितवाक्य 14:1

उकर पाछे मोंय नजइर उठाय के देखलों, उ मेमना सिय्योन पहार उपरे ठड़ाल अहे। उकर संगे एक लाख चौवालीस हजार आदमीमन अहैं, जे मनक माथा में उकर आउर उकर आबा केर नाँव लिखल अहे।

प्रकाशितवाक्य 14:3

उमन सिंहासन केर सामने आउर चाइरो जीवमन आउर मुखियामन केर सामने, एक नवाँ गीत गावत रहैं। उ एक लाख चौवालीस हजार आदमीमन के छोइड़ जेमन के धरती में से कीन लेवल जाय रहे, केऊ आउर उ गीत के नी सिखेक पारत रहैं।

प्रकाशितवाक्य 7:5

स्वरग दूतमन हर एक गोतर में से बारह हजार आदमीमन उपरे मोहर लगालैं: यहूदा केर गोतर में से बारह हजार, रूबेन केर गोतर में से बारह हजार, गाद केर गोतर में से बारह हजार,

प्रकाशितवाक्य 9:16

उमन केर फौज मनक सवारीमन केर हिसाब बीस करोड़ रहे, मोंय उमन केर गिनती सुनलों।