प्रकाशितवाक्य 7:2 - सादरी नवाँ नियम

² फिन मोंय एक आउर स्वरगदूत के जिंदा परमेश्‍वर केर मोहर लेवल पूरब से उपरे बटे आते देखलों, उ चाइरो स्वरग दूतमन से जेमन के उ धरती आउर समुदर केर हानि करेक केर अधिकार देई रहे, ऊँचा आवाज से कहलक,

प्रकाशितवाक्य 7:2 Iomraidhean Croise

मत्ती 16:16

सिमोन पतरस जबाब देलक, “तोंय जिंदा परमेश्‍वर केर बेटा मसीह हेकिस।”

मत्ती 26:63

मगर यीशु चुप रहलक। तब यहूदी महापुरोहित यीशु से पूछलक, “मोंय तोके जिंदा परमेश्‍वर केर किरिया खाय के कहाथों कि अगर तोंय परमेश्‍वर केर बेटा मसीह हेकिस, तो मोर से कइह दे।”

यूहन्ना 6:27

नाश होवेक वाला भोजन लगिन मेहनइत ना करा, मगर उ भोजन लगिन मेहनइत करा, जे जुग-जुग केर जिंदगी तक बनल रहेला, जेके मोंय आदमी केर बेटा तोहरेमन के देमूँ, काले कि मोके आबा परमेश्‍वर एइसन करेक केर अधिकार देई हे।”

इफिसियनमन 1:13

आउर जब तोहरे हों छुटकारा केर शुभ समाचार के सुनला आउर यीशु मसीह उपरे बिसवास करला, तो परमेश्‍वर तोहरे के पवितर आत्मा के देलक। जेके उ अपन आदमीमन के देवेक केर करार काइर रहे। पवितर आत्मा तोहरे उपरे एगो छाप नियर अहे जे इ बतायला कि तोहरे परमेश्‍वर केर हेका।

इफिसियनमन 4:30

आउर परमेश्‍वर केर पवितर आत्मा के अपन काममन से दुःख ना देवा, जे तोहरे के इ बतायला कि परमेश्‍वर तोहरे के छुटकारा देई हे। जे तोहर उपरे एगो छाप नियर अहे।

1थिस्सलुनीकियनमन 1:9

काले कि उमन खुद हें दोसरमन के बतायना कि जब हमरे तोहर ठिना आली तो तोहरेमन कइसन हमरे केर स्वागत करला। आउर तोहरे कइसन मूर्तिमन से दूर होई के परमेश्‍वर बटे घुरला, ताकि जिंदा आउर सच्चा परमेश्‍वर केर सेवा करबा।

2 तीमुथियुस 2:19

फिन भी परमेश्‍वर केर आदमीमन एगो नेव नियर अहैं, जे नी हिलेला। उ नेव उपरे इ लिखल रहेला, “प्रभु जानेला कि उकर आदमीमन केमन हेकैं” आउर एहो जानेला “जे केऊ परमेश्‍वर केर आराधना करेला उके बुराई करेक नी चाही।”

इब्रानीमन 12:22

मगर तोहरेमन सिय्योन पहार ठिना आय हा, जहाँ स्वरग केर यरुशलेम अहे, आउर जे जिंदा परमेश्‍वर केर नगर हेके, जहाँ लाखो स्वरगदूतमन खुशी मनायना।

प्रकाशितवाक्य 1:3

धाइन हेके उ, जे इ भविष्यवाणी केर बचन के पढ़ेला, आउर उमन, जेमन सुनैना आउर इकर में लिखल गोइठमन के मानैना, काले कि समय भीरे अहे।

प्रकाशितवाक्य 10:1

फिन मोंय एगो आउर शक्तिशाली स्वरगदूत के बदरी से घेराल स्वरग से उतरते देखलों। उकर मूँड़ उपरे बदरी केर धनुष रहे। उकर मुँह बेइर नियर चमकत रहे आउर उकर गोड़ आइग केर खंभा नियर रहे।

प्रकाशितवाक्य 10:4

जब सातों गरजेक केर शबद सुनाएक बंद होलक, तो मोंय लिखेक हें वाला रहों, मगर मोंय स्वरग से एक आवाज के इ कहते सुनलों, “जे गोइठमन के तोंय उ सात गरजेक वालामन से सुइन हिस, उके मन हें में रख, आउर ना लीख।”

प्रकाशितवाक्य 16:12

छठवाँ स्वरगदूत अपन कटोरा बड़का नदी फरात में उझइल देलक आउर उकर पानी सूइख गेलक, ताकि पूरब दिशा केर राजामन लगिन डहर तेयार होई जाओक।

प्रकाशितवाक्य 5:2

फिन मोंय एगो बलवान स्वरगदूत के देखलों जे ऊँचा शबद से इ परचार करत रहे, “इ किताब के खोलेक आउर उकर मोहर के तोरेक केर लायक के अहे?”

प्रकाशितवाक्य 8:3

फिन एक आउर स्वरगदूत धूप जलाएक लगिन सोना केर कटोरा लेई के आलक, आउर बेदी ठिना ठड़ाय गेलक। उकर ठिना सोना केर एगो धूपदानी रहे। आउर उके ढेइर धूप देवल गेलक कि सोउब पवितर आदमीमन केर प्रार्थनामन केर संगे सोना केर उ बेदी में, जे सिंहासन केर सामने अहे चढ़ाओक।

प्रकाशितवाक्य 9:14

जइसन कि केऊ, उ छठवाँ स्वरगदूत से जेकर ठिना तुरही रहे, कहाथे, “उ चाइरो स्वरग दूतमन के जे बड़का नदी फरात ठिना बाँधल अहैं, खोइल दे।”

प्रकाशितवाक्य 9:4

आउर उमन से कहल गेलक कि ना धरती केर घास के, ना कोनों हरियार बुदा, ना कोनों गाँछ के हानि पोंहचाबा, सिरिफ उ आदमीमन के जे मनक माथा में परमेश्‍वर केर मोहर नी लाइग हे।