प्रकाशितवाक्य 7:13 - सादरी नवाँ नियम

¹³ एहे बेरा उ मुखियामन में से केऊ मोर से कहलक, “इ चरका लुगा पिंधल आदमीमन केमन हेकैं? आउर कहाँ से आय हैं?”

प्रकाशितवाक्य 7:13 Iomraidhean Croise

यूहन्ना 7:28

तब यीशु यहूदी मनक मंदिर में उपदेस देते जोर से कहलक, “तोहरेमन मोके जानाला आउर एहो जानाला कि मोंय कहाँ से आय हों। मोंय अपन इच्छा से नी आय हों। जे मोके भेइज हे उ सच्चा हेके आउर तोहरेमन उके नी जानाला।

खास चेलामन केर काम 3:12

इ देइख के पतरस आदमीमन से कहलक, “हे इसराइली आदमीमन, तोहरे इ आदमी के काले इ लेखे देखाथा, आउर तोहरे हमरे बटे काले टकटकाय के देखाथा कि हमरे हें अपन शक्ति या भक्ति से इके चलेक-फिरेक लायक बनाय देली।

प्रकाशितवाक्य 3:4

मगर हाँ, सरदीस शहर में तोर हिंयाँ थोरेक एइसन आदमीमन अहैं, जेमन अपन-अपन लुगा के अशुद्ध नी करलैं, उमन चरका लुगा पिंधल मोर संगे घूमबैं, काले कि उमन इ लाएक अहैं।

प्रकाशितवाक्य 4:10

तब चोबिसो मुखियामन सिंहासन में बइठेक वाला केर सामने गिरबैं आउर उकर जे जुग-जुग जिंदा अहे, भक्ति करबैं आउर उमन अपन-अपन मुकुट सिंहासन केर सामने इ कहते डाइल देबैं:

प्रकाशितवाक्य 4:4

उ सिंहासन केर चाइरो बटे चोबीस गो सिंहासन अहे आउर उ सिंहासनमन में चोबीस मुखियामन चरका लुगा पिंध के बइठल अहैं, आउर उ मनक मूँड़ उपरे सोना केर मुकुट अहे।

प्रकाशितवाक्य 5:11

आउर जब मोंय देखलों तो उ सिंहासन आउर उ जीवमन आउर उ मुखियामन केर चाइरो बटे ढेइर स्वरग दूतमन केर शबद सुनलों, जेमन केर हिसाब लाखो आउर करोड़ो केर रहे।

प्रकाशितवाक्य 5:5

तब उ मुखियामन में से एगो मोर से कहलक, “ना काँद, देख, यहूदा केर गोतर केर उ सिंह, जे दाऊद केर बंश हेके, उ किताब के खोलेक आउर उकर सातों मोहर तोरेक लगिन जीत पाय हे।”

प्रकाशितवाक्य 7:9

इकर पाछे मोंय देखलों कि मोर सामने एगो बड़का भीड़ ठड़ाल अहे, जेमन केर हिसाब केऊ करेक नी पारत रहैं। इ भीड़ में हरेक जाइत, हरेक गोतर, हरेक आदमीमन, आउर हरेक भाषा केर आदमीमन अहैं। उमन उ सिंहासन आउर उ मेमना केर सामने ठड़ाल अहैं। उमन चरका लुगा पिंधल अहैं आउर उमन अपन हाँथमन में खिजूर केर डाइर लेवल अहैं।