प्रकाशितवाक्य 6:9 - सादरी नवाँ नियम

⁹ आउर जब मेमना पाँचवाँ मोहर खोललक तो मोंय बेदी केर हेंठे उ मनक प्राण के देखलों, जे परमेश्‍वर केर बचन केर परचार करेक केर खातिर आउर उ गवाही केर खातिर कि यीशु हमर प्रभु हेके, जे उमन देई रहैं, माइर मोराल जाय रहैं।

प्रकाशितवाक्य 6:9 Iomraidhean Croise

यूहन्ना 16:2

उमन तोहरेमन के यहूदी मनक प्रार्थना घरमन में से निकलाय देबैं, हिंयाँ तक कि उ समय आवाथे, जब तोहरेमन के मोराएक वालामन इ बुझबैं कि उमन परमेश्‍वर केर सेवा कराथैं।

2 कुरिनथियनमन 5:8

इ लगिन हमरे निसचिंत रहिला आउर जब हमरे मोरब तो काया से अलग होई के, प्रभु केर संगे अपन घर में रहेक आउर हें बेस समझिला।

फिलिप्पियनमन 1:23

मोंय दुयो केर माझे असमंजस में अहों; जीव तो चाहेला कि मोइर के मसीह ठिना जाय के रहमूँ, काले कि इ ढेइर हें बेस हेके।

फिलिप्पियनमन 2:17

जब मोंय तोहरेमन के शुभ समाचार सुनालों, तो तोहरेमन प्रभु यीशु उपरे बिसवास करला आउर उकर सेवा लगिन अपने आप के बलिदान काइर देला। से लगिन अगर मोके शुभ समाचार सुनाएक खातिर माइर मोराय हों देवल जाय फिन भी मोंय खुश अहों आउर तोहर संगे खुश रहमूँ।

2 तीमुथियुस 1:8

इ लगिन दोसरमन के हमर यीशु मसीह केर बारे में बताएक से ना लजाबे, आउर ना हें तोके इ गोइठ से लजाएक चाही कि मोंय उकर सेवा करेक केर चलते जेहेल में अहों। बल्कि तोके उ शक्ति केर इस्तेमाल करेक चाही जे शक्ति के परमेश्‍वर तोके देवेला, आउर शुभ समाचार सुनाएक केर खातिर मोंय जे दुःख सहाथों उकर में तोंय मोर साथ दे।

2 तीमुथियुस 4:6

मोंय तोके इ आगयामन के देवाथों काले कि परमेश्‍वर केर लगिन मोर जिंदगी आउर काम सिराएक वाला अहे, आउर मोंय जानोना कि मोंय जल्दी हें मोरेक वाला अहों।

इब्रानीमन 12:23

तोहरेमन परमेश्‍वर केर पहिलौठा संतानमन केर सभा आउर कलीसिया में आय हा, जेमन केर नाँव स्वरग में लिखल अहे, उमन स्वरग में धरमी केर आत्मा हेकैं, आउर अब उमन के सिद्ध बनाल जाय हे, तोहरेमन हों खुद परमेश्‍वर ठिना आय हा, जे सोउब कुछ केर फैसला करेक वाला हाकिम हेके।

प्रकाशितवाक्य 1:2

यूहन्ना उ सोउब गोइठमन के लिखलक जे उके देखाल जाय रहे, मतलब परमेश्‍वर केर बटले देवल बचन आउर उ सोउब कुछ, जेके यीशु मसीह कइह रहे।

प्रकाशितवाक्य 1:9

मोंय यूहन्ना जे तोहर संगी बिसवासी आउर मसीह केर लगिन दुःख सहेक में, आउर आबा परमेश्‍वर केर राइज में, आउर धीरज केर संगे उ दुःखमन के सहेक में तोहर संगी हेकों, जे उ आदमीमन उपरे आवेला जेमन केर रिश्ता उकर संगे अहे। मोके पतमुस टापू में कैदी बनाय के भेइज देवल जाय रहे। काले कि मोंय आबा परमेश्‍वर केर बचन के परचार काइर रहों आउर यीशु केर सच्चा संदेश के बताय रहों।

प्रकाशितवाक्य 14:18

फिन एक आउर स्वरगदूत जेके आइग उपरे अधिकार रहे, बेदी में से निकललक, आउर उकर से जेकर ठिना चोखा हँसुआ रहे, जोर से कहलक, “अपन चोखा हँसुआ चलाय के धरती केर अंगूर केर गुच्छा काइट ले, काले कि उकर अंगूर पाइक चुइक हे।”

प्रकाशितवाक्य 16:7

फिन मोंय बेदी से इ गोइठ सुनलों, “हाँ, हे सर्वशक्तिमान प्रभु परमेश्‍वर, तोर फैसला ठीक आउर सच्चा अहे।”

प्रकाशितवाक्य 19:10

तब मोंय उकर पाँव केर भीरे निहइर के माथा टेकलो आउर उकर आराधना करलों। उ मोर से कहलक, “देख, एइसन ना कर, मोंय तोर आउर तोर भाईमन केर संगी दास हेकों, जे यीशु केर गवाही देवेक में स्थिर अहैं। परमेश्‍वर केर हें आराधना कर। काले कि यीशु केर गवाही भविष्यवाणी केर आत्मा हेके।”

प्रकाशितवाक्य 2:13

मोंय इ तो जानोना कि तोंय हूवाँ रहिसला जहाँ शैतान केर सिंहासन अहे, आउर तोंय मोर नाँव में स्थिर रहिसला। तोंय मोर उपरे बिसवास करेक से उ दिनमन में हों पिछे नी हटले, जेकर में मोर बिसवास लायक गवाह अन्तिपास, तोहर माझे उ ठाँव में मोराल गेलक जहाँ शैतान रहेला।

प्रकाशितवाक्य 20:4

फिन मोंय थोरेक सिंहासन देखलों। उ मनक उपरे थोरेक आदमीमन बाइठ रहैं। आउर उमन के फैसला करेक केर अधिकार देवल गेलक। मोंय उमन केर आत्मामन के हों देखलों, जेमन केर मूँड़ यीशु केर गवाही देवेक आउर परमेश्‍वर केर बचन केर परचार केर खातिर काटल जाय रहे, आउर जेमन ना तो उ खूंखार जानवर केर, आउर ना उकर मूर्ति केर पूजा काइर रहैं, आउर ना उकर छाप अपन माथा आउर हाँथ उपरे लेई रहैं। उमन जिंदा होई के मसीह केर संगे हजार बरिस तक राइज करते रहलैं।

प्रकाशितवाक्य 8:3

फिन एक आउर स्वरगदूत धूप जलाएक लगिन सोना केर कटोरा लेई के आलक, आउर बेदी ठिना ठड़ाय गेलक। उकर ठिना सोना केर एगो धूपदानी रहे। आउर उके ढेइर धूप देवल गेलक कि सोउब पवितर आदमीमन केर प्रार्थनामन केर संगे सोना केर उ बेदी में, जे सिंहासन केर सामने अहे चढ़ाओक।

प्रकाशितवाक्य 9:13

जब छठवाँ स्वरगदूत तुरही फुँकलक तो सोना केर बेदी जे परमेश्‍वर केर सामने अहे, उकर सींगमन में से मोंय एइसन आवाज सुनलों,