प्रकाशितवाक्य 6:8 - सादरी नवाँ नियम

⁸ आउर मोंय नजइर उठाय के देखलों, तो मोर आँइख केर सामने एक पीला रंग घोड़ा अहे आउर उकर में जे बाइठ हे, उकर नाँव माउत हेके: आउर मरणलोक उकर पिछे-पिछे अहे आउर उके धरती केर एक चौथाई हिस्सा में इ अधिकार देवल गेलक कि तलवाइर आउर अकाल आउर मरी आउर धरती केर जंगली जानवरमन केर द्वारा आदमीमन के माइर मोराओक।

प्रकाशितवाक्य 6:8 Iomraidhean Croise

मत्ती 11:23

हे कफरनहूम नगर केर आदमीमन, तोहरेमन सोचाला कि हमरे स्वरग राइज तक उठाल जाब, एइसन नी होवी, तोहरेमन तो नरक में फेइक देवल जबा। काले कि जे चमत्कार केर काम तोहर माझे करल जाय हे, अगर उ काममन के सदोम नगर में करल जाय रहतक, तो उ नगर आइज तक बनल रहतक।

मत्ती 24:7

काले कि एक जाइत केर आदमीमन दोसर जाइत केर उपरे हमला करबैं आउर एक देस केर आदमीमन दोसर देस केर आदमीमन से लड़बैं आउर जगा-जगा अकाल होवी आउर भूंईडोल होवी।

1 कुरिनथियनमन 15:55

हे माउत तोर जीत अब कहाँ अहे? हे माउत तोर बिष अब कहाँ अहे?”

प्रकाशितवाक्य 1:18

मोंय मोइर जाय रहों, आउर अब देख, मोंय जुग-जुग लगिन जिंदा अहों, आउर मरणलोक आउर अधोलोक केर कुंजी मोर हें ठिना अहे।

प्रकाशितवाक्य 12:4

उकर पूँइछ आकाश केर एक तिहाई तइरगनमन के खींच के धरती में फेइक देलक। उ अजगर उ जनाना केर भीरे ठड़ालक, जे छउवा जनम देवेक केर बाथा में रहे ताकि छउवा केर जनमते हें उके लील जाओक।

प्रकाशितवाक्य 9:15

उ चाइरो दूतमन के खोइल देवल गेलक जे ओहे बेरा, आउर ओहे दिन, आउर महिना आउर बरिस लगिन आदमीमन केर एक तिहाई हिस्सा के माइर मोराएक ले तेयार करल जाय रहैं।

प्रकाशितवाक्य 9:18

इ तीनों बिपइत मतलब आइग, धुंगिया आउर गंधक से जे घोड़ामन केर मुँह से निकलत रहे, आदमीमन केर एक तिहाई हिस्सा के माइर मोराल गेलक।