प्रकाशितवाक्य 6:7 - सादरी नवाँ नियम

⁷ आउर जब मेमना चौथा मोहर खोललक तो मोंय चौथा जीव केर आवाज इ कहते सुनलों, “आव!”

प्रकाशितवाक्य 6:7 Iomraidhean Croise

मत्ती 27:66

उमन सिपाहीमन के अपन संगे लेई के गेलैं, आउर कबर केर दुरा में सील माइर के उके बंद काइर देलैं आउर थोरेक सिपाहीमन के पहरादारी करेक लगिन हूवाँ छोइड़ देलैं, ताकि केऊ दुरा केर पखना के अपन ठाँव से ना हटाओक।

प्रकाशितवाक्य 4:7

आउर पहिला जीव सिंह नियर अहे, दूसरा जीव बछरु नियर अहे, तीसरा जीव केर मुँह आदमी केर नियर अहे, आउर चौथा जीव उड़ते उकाब नियर अहे।

प्रकाशितवाक्य 6:1

फिन मोंय देखलों कि मेमना उ सात गो मोहरमन में से एगो के खोललक, सेहे बेरा उ चाइरो जीवमन में से एगो के मोंय बदरी घिड़केक जइसन ऊँचा आवाज में इ कहते सुनलों, “आव!”

प्रकाशितवाक्य 6:3

आउर जब मेमना दूसरा मोहर खोललक, तो मोंय दूसरा जीव के इ कहते सुनलों, “आव!”

प्रकाशितवाक्य 6:5

आउर जब मेमना तीसरा मोहर खोललक, तो मोंय तीसरा जीव के इ कहते सुनलों, “आव!” आउर मोंय नजइर उठाय के देखलों, तो मोर आँइख केर सामने एक करिया घोड़ा अहे, आउर उकर में जे बाइठ हे उकर हाँथ में एगो तराजू अहे।