प्रकाशितवाक्य 6:12 - सादरी नवाँ नियम

¹² आउर जब मेमना छठवाँ मोहर खोललक, तो ओहे बेरा एक बड़का भूंईडोल आलक, आउर बेइर कम्बरा नियर करिया आउर पूरा चाँद लोहू नियर लाल होई गेलक।

प्रकाशितवाक्य 6:12 Iomraidhean Croise

मत्ती 11:21

“हाय खुराजीन नगर केर आदमीमन! हाय बैतसैदा गाँव केर आदमीमन! जे चमत्कार केर काम तोहर माझे करल गेलक, अगर उ काममन के सूर आउर सैदा नगर केर आदमीमन केर माझे करल जातक, तो हूवाँ केर आदमीमन टाट लुगा ओइढ़ के, आउर अपन काया में राख के मखाय लेतैं, इ देखाएक लगिन कि उमन पाप करेक छोइड़ देलैं।

मत्ती 24:29

जब इ दुःख तकलीफ केर बेरा बीत जाई। तब बेइर अंधार होई जाई आउर चाँद इंजोत नी देवी। आउर आकाश से तइरगनमन गिरेक लगबैं: आउर आकाश केर शक्तिमन के हिलाल जाई

मत्ती 24:7

काले कि एक जाइत केर आदमीमन दोसर जाइत केर उपरे हमला करबैं आउर एक देस केर आदमीमन दोसर देस केर आदमीमन से लड़बैं आउर जगा-जगा अकाल होवी आउर भूंईडोल होवी।

मत्ती 27:45

दिन केर बारह बजे से लेई के तीन बजे तक गोटा धरती अंधार होई गेलक।

मत्ती 27:54

तब सूबेदार जे सौ सिपाही मनक अधिकारी रहे आउर उकर संगे जेमन यीशु केर पहरा देवत रहैं, भूंईडोल आउर जे कोनों होई रहे, उके देइख के खूब डराय गेलैं आउर कहलैं, “सचमुच, इ परमेश्‍वर केर बेटा रहे।”

मत्ती 28:2

ओहे बेरा अचका एगो बड़का भूंईडोल होलक आउर प्रभु केर एगो दूत स्वरग से उतरलक आउर कबर ठिना आय के दुरा केर पखना के लुढ़काय देलक, आउर उकर उपरे बाइठ गेलक।

मरकुस 15:33

आउर दिन केर बारह बजे से लेई के तीन बजे तक गोटा धरती में अंधार होई गेलक।

प्रकाशितवाक्य 11:13

फिन ओहे बेरा एक बड़का भूंईडोल आलक, आउर नगर केर दसवाँ हिस्सा गिर गेलक। उ भूंईडोल से सात हजार आदमीमन मोइर गेलैं, आउर जे बचलैं उमन डराय गेलैं आउर स्वरग केर परमेश्‍वर केर महिमा करलैं।

प्रकाशितवाक्य 16:18

तब तुरते बिजलीमन चमकलक, आउर गड़गड़ाहट आउर बदरी केर गरजेक सुनालक, आउर एगो एइसन बड़का भूंईडोल आलक कि जब से आदमी केर सिरजन धरती में होलक, तब से एइसन बड़का भूंईडोल कहियो नी होई रहे।

प्रकाशितवाक्य 16:8

चौथा स्वरगदूत अपन कटोरा बेइर उपरे उझइल देलक, आउर उके आदमीमन के आइग से झुलसाय देवेक केर अधिकार देवल गेलक।

प्रकाशितवाक्य 8:12

फिन चौथा स्वरगदूत तुरही फुँकलक। इकर से बेइर केर एक तिहाई हिस्सा आउर चाँद केर एक तिहाई हिस्सा आउर तइरगनमन केर एक तिहाई हिस्सा में बिपइत आलक। जेकर से उमन केर एक तिहाई हिस्सा अंधार होई गेलक। आउर दिन केर एक तिहाई हिस्सा में इंजोत नी रहे, एहे लेखे एक तिहाई राइत हों अंधार में डूइब गेलक।

प्रकाशितवाक्य 8:5

इकर पाछे स्वरगदूत धूपदानी लेई के उकर में बेदी केर आइग भरलक आउर धरती में उझइल देलक। जेकर से बदरी गरजेक, आउर शबद, आउर बिजलीमन चमकेक, आउर भूंईडोल आवेक लगलक।