प्रकाशितवाक्य 6:11 - सादरी नवाँ नियम

¹¹ आउर उमन में से हरेक के चरका लुगा देवल गेलक आउर उमन से कहल गेलक कि थोरेक देरी आउर धीरज धरा, जब तक कि तोहर संगी सेवकमन आउर भाई-बहिन केर हिसाब पूरा नी होई जाई, जे उमन केर नियर माइर मोराल जाएक अहैं।

प्रकाशितवाक्य 6:11 Iomraidhean Croise

मत्ती 10:21

उ बेरा जे आदमीमन मोर उपरे बिसवास नी करैना, उमन अपनेहें भाईमन के जे मोर उपरे बिसवास करैना धरुवाय के मरुवाय देबैं। आउर आबामन हों अपन बेटामन संगे एइसनेहें करबैं आउर छउवा पुतामन हों अपन आयो-आबा केर बिरोध में उठबैं आउर उमन के मरुवाबैं।

लूका 15:22

मगर आबा अपन धांगरमन से कहलक, ‘झट सुन बेस से बेस लुगा लाइन के इके पिंधावा, आउर इकर हाँथ में अंगठी आउर गोड़ में जूता पिंधावा।

यूहन्ना 16:2

उमन तोहरेमन के यहूदी मनक प्रार्थना घरमन में से निकलाय देबैं, हिंयाँ तक कि उ समय आवाथे, जब तोहरेमन के मोराएक वालामन इ बुझबैं कि उमन परमेश्‍वर केर सेवा कराथैं।

खास चेलामन केर काम 20:24

मगर मोके अपन प्राण से कोनों मोह-माया नखे, मोंय तो सिरिफ उ सेवकाई के पूरा करेक चाहाथों, जेके प्रभु यीशु मसीह मोके जिम्मा देई हे, मतलब परमेश्‍वर केर किरपा केर शुभ समाचार के सच्चाई से परचार करमूँ।

2 थिस्सलुनीकियनमन 1:7

आउर तोहरेमन जे दुःख पावाला, परमेश्‍वर तोहरे के चैन देवी आउर हमरे के हों देवी, इ सोउब तब होवी जब प्रभु यीशु अपन स्वरगदूतमन केर संगे, धधकते आइग केर माझे स्वरग से दिस्तार होवी।

2 तीमुथियुस 4:7

मोंय यीशु मसीह केर सेवा करेक में कड़ा मेहनइत काइर हों, जेके करेक लगिन यीशु मसीह मोके देई रहे, मोंय आखरी समय तक बिसवास में बनल अहों।

इब्रानीमन 11:40

काले कि परमेश्‍वर ठिना ना सिरिफ उमन लगिन, मगर हमर लगिन हों बढ़ियाँ योजना अहे, परमेश्‍वर उमन के हमरे केर संगे सिद्ध बनाएक चाहेला।

इब्रानीमन 12:23

तोहरेमन परमेश्‍वर केर पहिलौठा संतानमन केर सभा आउर कलीसिया में आय हा, जेमन केर नाँव स्वरग में लिखल अहे, उमन स्वरग में धरमी केर आत्मा हेकैं, आउर अब उमन के सिद्ध बनाल जाय हे, तोहरेमन हों खुद परमेश्‍वर ठिना आय हा, जे सोउब कुछ केर फैसला करेक वाला हाकिम हेके।

इब्रानीमन 4:10

काले कि अगर एगो आदमी आराम केर ठाँव में जायला, तो उ अपन समूचा काममन के पूरा काइर के आराम करेला, ठीक जइसन परमेश्‍वर अपन समूचा काम के पूरा काइर के आराम करलक।

प्रकाशितवाक्य 10:6

आउर जे जुग-जुग जिंदा अहे, आउर जे स्वरग के आउर जे कुछ उकर में अहे, आउर धरती के आउर जे कुछ उकर में अहे, आउर समुदर के आउर जे कुछ उकर में अहे, उ सोउब के सिरजालक, उकरे किरिया खाय के कहलक, “अब तो आउर देरी नी होवी।

प्रकाशितवाक्य 13:15

उके उ जानवर केर मूर्ति के जिंदा करेक केर शक्ति देवल गेलक, ताकि जानवर केर मूर्ति बोलेक लगोक आउर जेतना आदमीमन उ जानवर केर मूर्ति केर पूजा नी करबैं उमन के माइर मोराओक।

प्रकाशितवाक्य 14:13

फिन मोंय स्वरग से इ आवाज के इ कहते सुनलों, “लीख: धाइन हेकैं उ मुरदामन, जे अब से प्रभु में बिसवास करते मोरायना।” पवितर आत्मा कहेला, “हाँ, काले कि उमन अपन सोउब मेहनइत से आराम पाबैं, आउर उमन केर काम उमन केर संगे होई लेवेला।”

प्रकाशितवाक्य 17:6

मोंय उ जनाना के पवितर आदमीमन केर लोहू आउर यीशु केर गवाहमन केर लोहू पियेक से मातल देखलों। उके देइख के मोंय ताजुब होई गेलों।

प्रकाशितवाक्य 7:14

मोंय उके जबाब देलों, “हे मालिक, तोंय हें जानिसला।” उ मोर से कहलक, “इमन उमन हेकैं, जे उ बड़का दुःख में से निकइल के आय हैं, इमन अपन-अपन लुगा के मेमना केर लोहू में धोई के चरका काइर हैं।

प्रकाशितवाक्य 7:9

इकर पाछे मोंय देखलों कि मोर सामने एगो बड़का भीड़ ठड़ाल अहे, जेमन केर हिसाब केऊ करेक नी पारत रहैं। इ भीड़ में हरेक जाइत, हरेक गोतर, हरेक आदमीमन, आउर हरेक भाषा केर आदमीमन अहैं। उमन उ सिंहासन आउर उ मेमना केर सामने ठड़ाल अहैं। उमन चरका लुगा पिंधल अहैं आउर उमन अपन हाँथमन में खिजूर केर डाइर लेवल अहैं।