प्रकाशितवाक्य 6:10 - सादरी नवाँ नियम

¹⁰ आउर उमन जोर से आवाज देई के कहलैं, “हे मालिक, तोंय पवितर आउर सच्चा हेकिस। तोंय कब तक फैसला नी करबे? आउर धरती में रहेक वाला आदमीमन से हमर लोहू केर पलटा केखन तक नी लेबे?”

प्रकाशितवाक्य 6:10 Iomraidhean Croise

लूका 2:29

“हे परमप्रधान प्रभु, अब तोंय अपन दास के अपन बचन केर मोताबिक शांति से मोरेक दे,

लूका 21:22

काले कि इ सजा देवेक केर एइसन दिन होवी, जेकर से पवितर किताब में लिखल सोउब गोइठमन पूरा होई जाई।

रोमानियनमन 12:19

हे दुलार भाई बहिनमन बदला ना लेवा, मगर परमेश्‍वर के दंड देवेक केर मोका देवा, काले कि पवितर किताब में लिखल अहे प्रभु कहेला, “बदला लेवेक मोर काम हेके।”

इब्रानीमन 12:24

तोहरेमन यीशु ठिना आय हा, जे नवाँ करार में परमेश्‍वर से आदमीमन के मिलाएक लगिन बलिदान होलक आउर अपन लोहू से आदमीमन केर पाप के क्षमा करलक, यीशु केर लोहू हाबील केर लोहू नियर न्याय करेक केर माँग करेक वाला निहीं, बल्कि पाप क्षमा केर बारे में बतायला।

2 पतरस 2:1

जे लेखे ढेइर समय पहिले इसराइलीमन केर माझे परमेश्‍वर केर संदेश के बताएक वाला झूठा आदमीमन रहैं, ओहे लेखे तोहर माझे हों झूठा उपदेस देवेक वालामन होबैं, उमन झूठा गेयानमन के चुप हें से फैलाय देबैं, जे आदमीमन के मसीह में बिसवास करेक से रोइक देवी। उ झूठा गेयान के पढ़ाएक वालामन मसीह के अपन मालिक मानेक से हों मना काइर देबैं। जे उमन केर मालिक हेके आउर उमन के पाप केर शक्ति से छुटकारा देई हे। इ लेखे उमन खुद के नाश काइर देबैं।

प्रकाशितवाक्य 11:18

परजाइत आदमीमन तोर से खिसाल अहैं, काले कि बेरा आय पोंहइच हे कि तोंय अपन खीस के देखाबे, आउर उ बेरा हों आय पोंहइच हे कि मोरलमन केर फैसला करल जाओक, आउर तोर संदेश के बताएक वाला तोर सेवकमन आउर पवितर आदमीमन के आउर उ छोट बाड़मन के जे तोर नाँव से डरायना, इनाम देवल जाओक आउर धरती के बिगड़ाएक वालामन के नाश करल जाओक।”

प्रकाशितवाक्य 18:20

हे स्वरग आउर हे पवितर आदमीमन, आउर चुनल खास चेलामन आउर परमेश्‍वर केर संदेश के बताएक वाला आदमीमन खुशी मनावा, काले कि परमेश्‍वर फैसला काइर के उकर से तोहर पलटा लेई हे।

प्रकाशितवाक्य 18:24

आउर परमेश्‍वर केर संदेश के बताएक वालामन आउर पवितर आदमीमन, आउर धरती में माइर मोराल सोउब आदमीमन केर लोहू महान नगर बेबीलोन में पावल गेलक।”

प्रकाशितवाक्य 19:2

काले कि उकर फैसला सच्चा आउर ठीक अहे। उ बड़का बेश्या केर जे अपन ब्यभिचार से धरती के भ्रष्ट करत रहे, फैसला करलक, आउर उकर से अपन सेवकमन केर लोहू केर पलटा लेई हे।”

प्रकाशितवाक्य 3:10

काले कि तोंय मोर धीरजरूपी आगया केर पालन काइर हिस, से लगिन मोंय हों तोके परीक्षा केर उ बेरा बचाय रखमूँ, जे धरती में रहेक वाला आदमीमन के परखेक लगिन गोटा दुनिया में आवेक वाला अहे।

प्रकाशितवाक्य 3:7

आउर फिलदिलफिया शहर केर कलीसिया केर स्वरगदूत के इ संदेश लीख: मोंय ओहे हेकों जे पवितर आउर सच्चा हेके, आउर जे दाऊद केर कुंजी रखेला। आउर मोर खोलल के केऊ बंद नी करेक पारी आउर बंद करल के केऊ खोलेक नी पारी। मोंय तोके जे कहाथों उके सुन: