प्रकाशितवाक्य 5:9 - सादरी नवाँ नियम

⁹ आउर उमन इ नवाँ गीत गावेक लगलैं: “तोंय इ किताब के लेवेक आउर इकर मोहर के खोलेक केर लायक अहिस, काले कि तोंय बलि होई के अपन लोहू से हरेक गोतर, भाषा, आदमीमन, आउर जाइत में से परमेश्‍वर केर लगिन आदमीमन के कीन लेई हिस।

प्रकाशितवाक्य 5:9 Iomraidhean Croise

मत्ती 20:28

काले कि मोंय आदमी केर बेटा इकर लगिन नी आय हों कि मोर एगो महान राजा लेखे सेवा-सुसइर कराल जाई। मगर इकर लगिन आय हों कि मोंय खुद दोसर मनक सेवा-सुसइर करमूँ आउर ढेइर मनक पापमन से छुटकारा लगिन अपन जान देई देमूँ।”

मत्ती 26:28

काले कि इ अंगूर केर रस मोर करार केर उ लोहू हेके, जे ढेइर आदमी मनक पापमन केर क्षमा लगिन बहाल जायला।

खास चेलामन केर काम 20:28

से लगिन तोहरे खुद केर आउर उ दल केर रखवाली करा जेकर लगिन पवितर आत्मा तोहरे के अगुवा चुइन हे, ताकि तोहरे परमेश्‍वर केर कलीसिया केर देखभाल करबा, जेके उ अपन बेटा केर लोहू देई के कीन लेई हे।

1 कुरिनथियनमन 6:20

परमेश्‍वर तोहरे के दाम देई के कीन लेई हे, से लगिन अपन काया से परमेश्‍वर केर महिमा करा।

1 कुरिनथियनमन 7:23

परमेश्‍वर तोहरेमन के दाम देई के कीन लेई हे, आदमीमन केर धांगर ना बना मगर परमेश्‍वर केर धांगर बना।

इफिसियनमन 1:7

हमरे के परमेश्‍वर केर ढेइर किरपा से यीशु मसीह केर लोहू बहाएक केर चलते छुटकारा मिल हे, मतलब पापमन केर क्षमा मिल हे।

इफिसियनमन 5:19

आउर आपस में आराधना आउर महिमागान आउर आत्मिक गीत गाते रहा, आउर अपन-अपन मन में प्रभु केर सामने गाते आउर बजाते रहा।

कुलुसियनमन 1:14

जेकर में हमरे के उकर लोहू से छुटकारा मतलब पापमन केर क्षमा मिलेला।

कुलुसियनमन 1:23

अगर तोहरेमन केर बिसवास यीशु मसीह उपरे पोक्ता बनल रही, उ घर केर जइसन जे एगो मजबूत नेव केर उपरे खड़ा रहेला, आउर उ आसरा के नी छोड़बा जे शुभ समाचार उपरे बिसवास करेक से तोहरे के मिल हे, जेकर परचार आकाश केर हेंठे गोटा दुनिया में सोउब मनवा केर माझे करल जाय हे, आउर मोंय पौलुस ओहे शुभ समाचार केर परचार करोना।

तीतुस 2:14

जे खुद के हमर लगिन बलिदान काइर देलक, आउर हमरे के सोउब रकम केर अधरम से छुटकारा देलक आउर शुद्ध काइर के हमरे के अपन लगिन खास आदमी बनाय लेलक, जे भला काम करेक लगिन पूरा पुरी तेयार रहोक।

इब्रानीमन 11:14

उमन एइसन गोइठ गोठियायना जेकर से पता चलेला कि उमन एइसन देस केर अधिकारी होवेक केर आसरा में अहैं, जे उमन केर अपन होवी।

2 पतरस 2:1

जे लेखे ढेइर समय पहिले इसराइलीमन केर माझे परमेश्‍वर केर संदेश के बताएक वाला झूठा आदमीमन रहैं, ओहे लेखे तोहर माझे हों झूठा उपदेस देवेक वालामन होबैं, उमन झूठा गेयानमन के चुप हें से फैलाय देबैं, जे आदमीमन के मसीह में बिसवास करेक से रोइक देवी। उ झूठा गेयान के पढ़ाएक वालामन मसीह के अपन मालिक मानेक से हों मना काइर देबैं। जे उमन केर मालिक हेके आउर उमन के पाप केर शक्ति से छुटकारा देई हे। इ लेखे उमन खुद के नाश काइर देबैं।

1 यूहन्ना 1:7

मगर, अगर जइसन परमेश्‍वर इंजोत में अहे, तइसनेहें हमरे हों इंजोत में चलब, तो उकर से मिलल रहिला आउर उकर बेटा यीशु मसीह केर किमती लोहू हमरे के सोउब पापमन से शुद्ध करेला।

1 यूहन्ना 2:2

ओहे हमर पापमन केर मुक्ति लगिन खुद के बलिदान काइर देलक आउर सिरिफ हमरे केर पाप लगिन निहीं, मगर गोटा दुनिया केर आदमीमन केर पाप लगिन बलिदान काइर देलक।

प्रकाशितवाक्य 10:11

तब मोर से इ कहल गेलक, “तोके ढेइर आदमीमन आउर जाइतमन, भाषामन, आउर राजामन केर बारे में फिन भविष्यवाणी करेक होवी।”

प्रकाशितवाक्य 11:9

आउर सोउब आदमीमन आउर गोतरमन आउर भाषामन आउर सोउब जाइत केर आदमीमन उमन केर लाश के साढ़े तीन दिन तक देखते रहबैं आउर उमन केर लाश के कबर में रखेक नी देबैं।

प्रकाशितवाक्य 13:7

आउर उ जानवर के एहो अधिकार देवल गेलक कि पवितर आदमीमन से लड़ोक आउर उ मनक उपरे जीत पाओक आउर उके हर एक गोतर, हर एक आदमीमन, हर एक भाषा आउर हर एक जाइत केर उपरे अधिकार देवल गेलक।

प्रकाशितवाक्य 13:8

धरती केर उपरे रहेक वाला सोउब आदमीमन राक्षस केर पूजा करेक लगलैं। सिरिफ ओहेमन उकर पूजा नी करलैं, जेमन केर नाँव दुनिया केर सिरजन होवेक से पहिलेहें से जिंदगी केर किताब में लिखल जाय रहे। इ जिंदगी केर किताब उ मेमना केर किताब हेके, जेके बलिदान केर रूप में माइर देवल जाय रहे।

प्रकाशितवाक्य 14:6

फिन मोंय एक आउर स्वरगदूत के आकाश केर माझे में उड़ते देखलों, जेकर ठिना धरती केर रहेक वाला आदमीमन केर हर एक जाइत, गोतर, भाषा आउर आदमीमन के सुनाएक लगिन जुग-जुग केर शुभ समाचार रहे।

प्रकाशितवाक्य 15:3

आउर उमन परमेश्‍वर केर सेवक मूसा केर द्वारा मेमना केर बारे में गावल गीत गाय-गाय के कहत रहैं, “हे सर्वशक्तिमान प्रभु परमेश्‍वर, तोर काम महान आउर अदभुत अहे, हे जुग-जुग केर राजा, तोर चाल ठीक आउर सच्चा अहे।

प्रकाशितवाक्य 17:15

फिन उ मोर से कहलक, “जे ढेइर पानी तोंय देखले, जेकर उपरे बेश्या बाइठ हे, उ पानी तो आदमीमन, भीड़, जाइतमन आउर भाषामन हेकैं।

प्रकाशितवाक्य 4:11

“हे हमर प्रभु आउर परमेश्‍वर, तोंय हें महिमा आउर आदर आउर शक्ति केर लायक अहिस, काले कि तोंय हें सोउब चीजमन के सिरजाले आउर उमन तोर हें चाह से रहे, आउर सिरजाल गेलक।”

प्रकाशितवाक्य 5:12

उमन ऊँचा शबद से कहत रहैं, “धाइन अहे उ मेमना जेके माइर मोराल जाय रहे। उ महिमा केर लायक अहे। उकर अधिकार महान अहे। उकर गेयान गहरा अहे। उ ढेइर शक्तिशाली अहे। आउर उ ढेइर धनवान अहे। आवा, हमरे उकर आदर आउर महिमा करब।”

प्रकाशितवाक्य 5:6

तब मोंय उ सिंहासन आउर चाइरो जीवमन आउर उ मुखियामन केर माझे, एगो मेमना के ठड़ाल देखलों। उ बलि करल मेमना नियर रहे। उकर सात गो सींग आउर सात गो आँइख रहे, इ परमेश्‍वर केर सातों आत्मामन हेकैं, जे समूचा धरती में भेजल जाय हैं।