प्रकाशितवाक्य 5:8 - सादरी नवाँ नियम

⁸ जब उ किताब लेई लेलक, तो उ चाइरो जीव आउर चोबिसो मुखियामन उ मेमना केर सामने गिर के प्रणाम करलैं आउर उमन में से हर एक केर हाँथ में बीना-बाजा आउर धूप से भरल सोना केर कटोरा रहे, जे पवितर आदमीमन केर प्रार्थनामन हेके।

प्रकाशितवाक्य 5:8 Iomraidhean Croise

यूहन्ना 1:29

दूसरा दिन यूहन्ना यीशु के अपन बटे आते देइख के कहलक, “देखा, इ परमेश्‍वर केर मेमना हेके, जे खुद के बलिदान काइर के दुनिया केर पाप के उठाय लेवी।

यूहन्ना 5:23

से लगिन जे लेखे आदमीमन आबा परमेश्‍वर के माइन देवैना, तइसनेहें मोके हों माइन देवोक। जे मोके माइन नी देवेला, उ आबा परमेश्‍वर के हों माइन नी देवेला, जे मोके भेइज हे।

इब्रानीमन 1:6

आउर इकर से पहिले कि परमेश्‍वर अपन पहिलौठा बेटा के दुनिया में भेजलक, उ कहेला, “परमेश्‍वर केर सोउब स्वरगदूतमन उकर आराधना करबैं।”

प्रकाशितवाक्य 13:8

धरती केर उपरे रहेक वाला सोउब आदमीमन राक्षस केर पूजा करेक लगलैं। सिरिफ ओहेमन उकर पूजा नी करलैं, जेमन केर नाँव दुनिया केर सिरजन होवेक से पहिलेहें से जिंदगी केर किताब में लिखल जाय रहे। इ जिंदगी केर किताब उ मेमना केर किताब हेके, जेके बलिदान केर रूप में माइर देवल जाय रहे।

प्रकाशितवाक्य 15:2

तब मोंय आइग मिलाल काँच नियर एगो समुदर देखलों, आउर जेमन उ जानवर उपरे, उकर मूर्ति उपरे, आउर उकर नाँव केर अंक उपरे जीत पाय रहैं, उमन के उ काँच केर समुदर भीरे परमेश्‍वर केर बीना बाजामन के लेई के ठड़ाल देखलों।

प्रकाशितवाक्य 15:7

तब उ चाइरो जीवमन में से एगो, उ सातों स्वरगदूतमन के सात सोना केर कटोरा देलक, जे जुग-जुग जिंदा परमेश्‍वर केर परकोप से भरल रहे।

प्रकाशितवाक्य 19:4

तब चोबिसो मुखियामन आउर चाइरो जीवमन सिंहासन में बइठल परमेश्‍वर केर सामने झुइक के माथा टेकलैं आउर उकर आराधना करते गावेक लगलैं, “आमीन! हाल्लेलूयाह”

प्रकाशितवाक्य 4:10

तब चोबिसो मुखियामन सिंहासन में बइठेक वाला केर सामने गिरबैं आउर उकर जे जुग-जुग जिंदा अहे, भक्ति करबैं आउर उमन अपन-अपन मुकुट सिंहासन केर सामने इ कहते डाइल देबैं:

प्रकाशितवाक्य 4:4

उ सिंहासन केर चाइरो बटे चोबीस गो सिंहासन अहे आउर उ सिंहासनमन में चोबीस मुखियामन चरका लुगा पिंध के बइठल अहैं, आउर उ मनक मूँड़ उपरे सोना केर मुकुट अहे।

प्रकाशितवाक्य 4:6

आउर उ सिंहासन केर भीरे काँच नियर आर-पार दिसेक वाला सफा समुदर नियर अहे। आउर सिंहासन केर माझे आउर सिंहासन केर चाइरो बटे चाइर गो जीव देखलों, जेमन केर आगे-पिछे आँइख हें आँइख अहे।

प्रकाशितवाक्य 4:8

आउर चाइरो जीवमन केर छाव-छाव गो पाँइख अहे, आउर चाइरो बटे आउर भीतरे आँइख हें आँइख अहे आउर उमन राइत दिन बिना आराम लेवल इ कहते रहैना, “पवितर, पवितर, पवितर, प्रभु परमेश्‍वर सर्वशक्तिमान, जे रहे, आउर जे अहे आउर जे आवेक वाला अहे।”

प्रकाशितवाक्य 5:11

आउर जब मोंय देखलों तो उ सिंहासन आउर उ जीवमन आउर उ मुखियामन केर चाइरो बटे ढेइर स्वरग दूतमन केर शबद सुनलों, जेमन केर हिसाब लाखो आउर करोड़ो केर रहे।

प्रकाशितवाक्य 5:12

उमन ऊँचा शबद से कहत रहैं, “धाइन अहे उ मेमना जेके माइर मोराल जाय रहे। उ महिमा केर लायक अहे। उकर अधिकार महान अहे। उकर गेयान गहरा अहे। उ ढेइर शक्तिशाली अहे। आउर उ ढेइर धनवान अहे। आवा, हमरे उकर आदर आउर महिमा करब।”

प्रकाशितवाक्य 5:14

आउर चाइरो जीवमन आमीन कहलैं, आउर मुखियामन झुइक के माथा टेकलैं आउर भक्ति करलैं।

प्रकाशितवाक्य 5:6

तब मोंय उ सिंहासन आउर चाइरो जीवमन आउर उ मुखियामन केर माझे, एगो मेमना के ठड़ाल देखलों। उ बलि करल मेमना नियर रहे। उकर सात गो सींग आउर सात गो आँइख रहे, इ परमेश्‍वर केर सातों आत्मामन हेकैं, जे समूचा धरती में भेजल जाय हैं।

प्रकाशितवाक्य 6:1

फिन मोंय देखलों कि मेमना उ सात गो मोहरमन में से एगो के खोललक, सेहे बेरा उ चाइरो जीवमन में से एगो के मोंय बदरी घिड़केक जइसन ऊँचा आवाज में इ कहते सुनलों, “आव!”