प्रकाशितवाक्य 5:6 - सादरी नवाँ नियम

⁶ तब मोंय उ सिंहासन आउर चाइरो जीवमन आउर उ मुखियामन केर माझे, एगो मेमना के ठड़ाल देखलों। उ बलि करल मेमना नियर रहे। उकर सात गो सींग आउर सात गो आँइख रहे, इ परमेश्‍वर केर सातों आत्मामन हेकैं, जे समूचा धरती में भेजल जाय हैं।

प्रकाशितवाक्य 5:6 Iomraidhean Croise

लूका 1:69

आउर अपन सेवक राजा दाऊद केर घराना में हमर छुटकारा लगिन एगो बलवान के भेइज हे,

यूहन्ना 1:29

दूसरा दिन यूहन्ना यीशु के अपन बटे आते देइख के कहलक, “देखा, इ परमेश्‍वर केर मेमना हेके, जे खुद के बलिदान काइर के दुनिया केर पाप के उठाय लेवी।

यूहन्ना 1:36

उ यीशु के जाते देइख के कहलक, “देखा, एहे परमेश्‍वर केर मेमना हेके।”

खास चेलामन केर काम 8:32

पवितर किताब केर जे पाठ के उ पढ़त रहे, उ इ रहे कि उ भेड़ी नियर मोराय जाएक लगिन पोंहचाल गेलक, आउर जइसन मेमना अपन ऊन कतरेक वालामन केर आगे चुपचाप रहेला, तइसनेहें जब आदमीमन उके दुःख देलैं, तब ओहो अपन मुँह नी खोललक।

प्रकाशितवाक्य 1:4

इ चिट्ठी मोंय यूहन्ना केर बटले हेके, जेके मोंय आसिया परदेस केर सातों कलीसिया केर आदमीमन के लिखाथों। मोंय प्रार्थना कराथों कि तोहरे सोउबमन के परमेश्‍वर बटले किरपा आउर शांति मिलते रहोक। उ जे अहे, आउर जे रहे, आउर जे आवेक वाला अहे, आउर उ सात आत्मामन बटले, जेमन उकर सिंहासन केर भीरे अहैं।

प्रकाशितवाक्य 12:11

आउर उमन मेमना केर लोहू केर खातिर आउर अपन गवाही केर बचन केर खातिर, उकर उपरे जीत पालैं, आउर उमन अपन प्राण केर मोह छोइड़ के माउत के अपनाय लेलैं।

प्रकाशितवाक्य 13:8

धरती केर उपरे रहेक वाला सोउब आदमीमन राक्षस केर पूजा करेक लगलैं। सिरिफ ओहेमन उकर पूजा नी करलैं, जेमन केर नाँव दुनिया केर सिरजन होवेक से पहिलेहें से जिंदगी केर किताब में लिखल जाय रहे। इ जिंदगी केर किताब उ मेमना केर किताब हेके, जेके बलिदान केर रूप में माइर देवल जाय रहे।

प्रकाशितवाक्य 14:1

उकर पाछे मोंय नजइर उठाय के देखलों, उ मेमना सिय्योन पहार उपरे ठड़ाल अहे। उकर संगे एक लाख चौवालीस हजार आदमीमन अहैं, जे मनक माथा में उकर आउर उकर आबा केर नाँव लिखल अहे।

प्रकाशितवाक्य 17:14

इमन मेमना से लड़बैं, आउर मेमना उमन केर उपरे जीत जाई, काले कि उ प्रभुमन केर प्रभु आउर राजामन केर राजा हेके आउर जेमन बोलाल आउर चुनाल अहैं, आउर उकर परती बिसवास लायक अहैं, आउर उमन उकर संगे अहैं, उमन हों जीत जबैं।”

प्रकाशितवाक्य 21:22

मोंय उकर में कोनों मंदिर के नी देखलों, काले कि सर्वशक्तिमान प्रभु परमेश्‍वर आउर मेमना हें उकर मंदिर हेकैं।

प्रकाशितवाक्य 21:23

उ नगर में बेइर आउर चाँद केर इंजोत केर दरकार नखे, काले कि परमेश्‍वर केर तेज रोशनी से उकर में इंजोत होवाथे, आउर मेमना उकर दीया हेके।

प्रकाशितवाक्य 22:1

तब स्वरगदूत मोके एगो नदी देखालक, जे जीवन केर पानी केर नदी रहे। उ नदी बिल्लौर मतलब साफ काँच केर नियर चमकत रहे। इ नदी परमेश्‍वर आउर मेमना केर सिंहासन से बहत रहे।

प्रकाशितवाक्य 22:3

हूवाँ कोनों रकम केर श्राप नी होवी। परमेश्‍वर आउर मेमना केर सिंहासन उ नगर में बनल रही। आउर उकर सेवकमन उकर आराधना करबैं।

प्रकाशितवाक्य 4:8

आउर चाइरो जीवमन केर छाव-छाव गो पाँइख अहे, आउर चाइरो बटे आउर भीतरे आँइख हें आँइख अहे आउर उमन राइत दिन बिना आराम लेवल इ कहते रहैना, “पवितर, पवितर, पवितर, प्रभु परमेश्‍वर सर्वशक्तिमान, जे रहे, आउर जे अहे आउर जे आवेक वाला अहे।”

प्रकाशितवाक्य 5:11

आउर जब मोंय देखलों तो उ सिंहासन आउर उ जीवमन आउर उ मुखियामन केर चाइरो बटे ढेइर स्वरग दूतमन केर शबद सुनलों, जेमन केर हिसाब लाखो आउर करोड़ो केर रहे।

प्रकाशितवाक्य 5:12

उमन ऊँचा शबद से कहत रहैं, “धाइन अहे उ मेमना जेके माइर मोराल जाय रहे। उ महिमा केर लायक अहे। उकर अधिकार महान अहे। उकर गेयान गहरा अहे। उ ढेइर शक्तिशाली अहे। आउर उ ढेइर धनवान अहे। आवा, हमरे उकर आदर आउर महिमा करब।”

प्रकाशितवाक्य 5:13

फिन मोंय स्वरग में, आउर धरती में आउर धरती केर हेंठे आउर समुदर केर सोउब सिरजाल चीजमन के आउर सोउब कुछ के जे उकर में अहे, इ कहते सुनलों, “जे सिंहासन में बाइठ हे, उकर आउर मेमना केर धन्यबाद, आदर आउर महिमा आउर राइज जुग-जुग रहोक।”

प्रकाशितवाक्य 5:14

आउर चाइरो जीवमन आमीन कहलैं, आउर मुखियामन झुइक के माथा टेकलैं आउर भक्ति करलैं।

प्रकाशितवाक्य 6:16

आउर पहारमन आउर चट्टाइनमन से कहेक लगलैं, “हमर उपरे गिर जा आउर हमरे के उकर मुँह से जे सिंहासन में बाइठ हे आउर मेमना केर खीस से लुकाय लेवा।