प्रकाशितवाक्य 5:13 - सादरी नवाँ नियम

¹³ फिन मोंय स्वरग में, आउर धरती में आउर धरती केर हेंठे आउर समुदर केर सोउब सिरजाल चीजमन के आउर सोउब कुछ के जे उकर में अहे, इ कहते सुनलों, “जे सिंहासन में बाइठ हे, उकर आउर मेमना केर धन्यबाद, आदर आउर महिमा आउर राइज जुग-जुग रहोक।”

प्रकाशितवाक्य 5:13 Iomraidhean Croise

मत्ती 6:13

आउर हमरे के परीक्षा में ना लान, मगर शैतान केर बहकाएक से बचाव, काले कि राइज आउर पराक्रम आउर महिमा सोउब बेरा तोर हें हेके। आमीन।

लूका 2:14

“स्वरग में परमेश्‍वर केर महिमा होवोक आउर धरती में उ आदमीमन के शांति मिलोक, जेमन से उ खुश अहे।”

यूहन्ना 1:29

दूसरा दिन यूहन्ना यीशु के अपन बटे आते देइख के कहलक, “देखा, इ परमेश्‍वर केर मेमना हेके, जे खुद के बलिदान काइर के दुनिया केर पाप के उठाय लेवी।

रोमानियनमन 11:36

काले कि सोउब कुछ उकरे बटे से आवेला, ओहे सोउब कुछ के बनाय हे, आउर उकरे लगिन सोउब कुछ अहे, उकरे महिमा जुग-जुग होते रहोक आमीन।

रोमानियनमन 16:27

एके गो बुद्धिमान परमेश्‍वर केर महिमा यीशु मसीह केर द्वारा जुग-जुग होते रहोक। आमीन।

रोमानियनमन 9:5

अब्राहम, इसहाक आउर याकूब उ मनक पुरखामन हेकैं, आउर मसीह खुद काया केर हिसाब से इसराइली रहे, सोउब केर उपरे राइज करेक वाला परमेश्‍वर केर महिमा जुग-जुग होते रहोक। आमीन।

इफिसियनमन 3:21

उकर महिमा कलीसिया में, आउर मसीह यीशु में पीढ़ी से पीढ़ी तक जुग-जुग होते रहोक। आमीन।

फिलिप्पियनमन 2:10

ताकि उके आदर देवेक लगिन जेमन स्वरग में आउर धरती में आउर जेमन धरती केर हेंठे अहैं; उमन सोउब यीशु केर नाँव से ठेहुना टेकोक।

कुलुसियनमन 1:23

अगर तोहरेमन केर बिसवास यीशु मसीह उपरे पोक्ता बनल रही, उ घर केर जइसन जे एगो मजबूत नेव केर उपरे खड़ा रहेला, आउर उ आसरा के नी छोड़बा जे शुभ समाचार उपरे बिसवास करेक से तोहरे के मिल हे, जेकर परचार आकाश केर हेंठे गोटा दुनिया में सोउब मनवा केर माझे करल जाय हे, आउर मोंय पौलुस ओहे शुभ समाचार केर परचार करोना।

1 तीमुथियुस 4:16

इकर बारे में सावधान रह कि तोंय कइसन रहिसला आउर का सिखाइसला, काले कि अगर एइसन करते रहबे, तो तोंय अपन आउर अपन सुनइयामन लगिन हों बचेक केर कारण होबे।

1 पतरस 4:11

उदाहरन लगिन अगर तोहर ठिना परचार करेक केर बरदान अहे, तो तोहरे के परमेश्‍वर केर संदेश केर परचार करेक चाही, अगर तोहर ठिना दोसर आदमीमन केर मदइत करेक केर बरदान अहे, तो इके तोहरे उ शक्ति केर साथ करा जेके परमेश्‍वर तोहरे के देवेला, तब जे कुछ हों तोहरे करबा, उकर से यीशु मसीह केर द्वारा परमेश्‍वर केर महिमा होवी। सोउब महिमा आउर शक्ति युग-युग लगिन उकरे हेके। आमीन।

1 पतरस 5:11

उ माइन पावेक केर लायक अहे, काले कि उकर शक्ति केर कोनों आखरी नखे। आमीन।

यहूदा 1:25

ओहे हमरे के यीशु मसीह जे कुछ हमरे लगिन काइर हे, उकर जरिया से छुटकारा देई हे। ओहे एक मात्र परमेश्‍वर हेके, उकरे ठिना महिमा, गौरव, पराक्रम आउर अधिकार शुरु से अहे, आउर एखन हो होवोक आउर जुग-जुग होते रहोक। आमीन।

प्रकाशितवाक्य 1:6

आउर हमरे के एगो राइज, आउर अपन आबा परमेश्‍वर केर लगिन पुरोहित हों बनाय देलक, उकरे हें महिमा आउर शक्ति जुग-जुग बनल रहोक। आमीन।

प्रकाशितवाक्य 13:8

धरती केर उपरे रहेक वाला सोउब आदमीमन राक्षस केर पूजा करेक लगलैं। सिरिफ ओहेमन उकर पूजा नी करलैं, जेमन केर नाँव दुनिया केर सिरजन होवेक से पहिलेहें से जिंदगी केर किताब में लिखल जाय रहे। इ जिंदगी केर किताब उ मेमना केर किताब हेके, जेके बलिदान केर रूप में माइर देवल जाय रहे।

प्रकाशितवाक्य 5:1

आउर जे सिंहासन में बाइठ रहे, मोंय उकर भतखाइया हाँथ में एगो किताब देखलों, जे भीतरे आउर बाहरे लिखल रहे, आउर उके सात गो मोहर लगाय के बंद करल जाय रहे।

प्रकाशितवाक्य 5:12

उमन ऊँचा शबद से कहत रहैं, “धाइन अहे उ मेमना जेके माइर मोराल जाय रहे। उ महिमा केर लायक अहे। उकर अधिकार महान अहे। उकर गेयान गहरा अहे। उ ढेइर शक्तिशाली अहे। आउर उ ढेइर धनवान अहे। आवा, हमरे उकर आदर आउर महिमा करब।”

प्रकाशितवाक्य 5:3

ना स्वरग में, ना धरती में, ना धरती केर हेंठे केऊ उ किताब के खोलेक या उकर उपरे नजइर करेक केर लायक निकललक।

प्रकाशितवाक्य 5:6

तब मोंय उ सिंहासन आउर चाइरो जीवमन आउर उ मुखियामन केर माझे, एगो मेमना के ठड़ाल देखलों। उ बलि करल मेमना नियर रहे। उकर सात गो सींग आउर सात गो आँइख रहे, इ परमेश्‍वर केर सातों आत्मामन हेकैं, जे समूचा धरती में भेजल जाय हैं।

प्रकाशितवाक्य 5:9

आउर उमन इ नवाँ गीत गावेक लगलैं: “तोंय इ किताब के लेवेक आउर इकर मोहर के खोलेक केर लायक अहिस, काले कि तोंय बलि होई के अपन लोहू से हरेक गोतर, भाषा, आदमीमन, आउर जाइत में से परमेश्‍वर केर लगिन आदमीमन के कीन लेई हिस।

प्रकाशितवाक्य 6:16

आउर पहारमन आउर चट्टाइनमन से कहेक लगलैं, “हमर उपरे गिर जा आउर हमरे के उकर मुँह से जे सिंहासन में बाइठ हे आउर मेमना केर खीस से लुकाय लेवा।