प्रकाशितवाक्य 4:6 - सादरी नवाँ नियम

⁶ आउर उ सिंहासन केर भीरे काँच नियर आर-पार दिसेक वाला सफा समुदर नियर अहे। आउर सिंहासन केर माझे आउर सिंहासन केर चाइरो बटे चाइर गो जीव देखलों, जेमन केर आगे-पिछे आँइख हें आँइख अहे।

प्रकाशितवाक्य 4:6 Iomraidhean Croise

प्रकाशितवाक्य 14:3

उमन सिंहासन केर सामने आउर चाइरो जीवमन आउर मुखियामन केर सामने, एक नवाँ गीत गावत रहैं। उ एक लाख चौवालीस हजार आदमीमन के छोइड़ जेमन के धरती में से कीन लेवल जाय रहे, केऊ आउर उ गीत के नी सिखेक पारत रहैं।

प्रकाशितवाक्य 15:2

तब मोंय आइग मिलाल काँच नियर एगो समुदर देखलों, आउर जेमन उ जानवर उपरे, उकर मूर्ति उपरे, आउर उकर नाँव केर अंक उपरे जीत पाय रहैं, उमन के उ काँच केर समुदर भीरे परमेश्‍वर केर बीना बाजामन के लेई के ठड़ाल देखलों।

प्रकाशितवाक्य 15:7

तब उ चाइरो जीवमन में से एगो, उ सातों स्वरगदूतमन के सात सोना केर कटोरा देलक, जे जुग-जुग जिंदा परमेश्‍वर केर परकोप से भरल रहे।

प्रकाशितवाक्य 19:4

तब चोबिसो मुखियामन आउर चाइरो जीवमन सिंहासन में बइठल परमेश्‍वर केर सामने झुइक के माथा टेकलैं आउर उकर आराधना करते गावेक लगलैं, “आमीन! हाल्लेलूयाह”

प्रकाशितवाक्य 21:11

परमेश्‍वर केर महिमा उकर में रहे, आउर उकर तेज रोशनी बिल्लौर केर जइसन मतलब यशब नाँव केर ढेइर किमती पखना नियर चमकत रहे आउर काँच नियर सफा रहे।

प्रकाशितवाक्य 21:18

नगर केर घेरा यशब रतन केर बनल रहे आउर नगर एइसन शुद्ध सोना केर रहे, जे सफा काँच केर नियर रहे।

प्रकाशितवाक्य 21:21

बारहों फाटक, बारह मोतीमन केर रहे, एक-एक फाटक, एक-एक मोती केर बनाल रहे। आउर नगर केर सड़क सफा काँच नियर शुद्ध सोना केर रहे।

प्रकाशितवाक्य 22:1

तब स्वरगदूत मोके एगो नदी देखालक, जे जीवन केर पानी केर नदी रहे। उ नदी बिल्लौर मतलब साफ काँच केर नियर चमकत रहे। इ नदी परमेश्‍वर आउर मेमना केर सिंहासन से बहत रहे।

प्रकाशितवाक्य 4:4

उ सिंहासन केर चाइरो बटे चोबीस गो सिंहासन अहे आउर उ सिंहासनमन में चोबीस मुखियामन चरका लुगा पिंध के बइठल अहैं, आउर उ मनक मूँड़ उपरे सोना केर मुकुट अहे।

प्रकाशितवाक्य 5:11

आउर जब मोंय देखलों तो उ सिंहासन आउर उ जीवमन आउर उ मुखियामन केर चाइरो बटे ढेइर स्वरग दूतमन केर शबद सुनलों, जेमन केर हिसाब लाखो आउर करोड़ो केर रहे।

प्रकाशितवाक्य 5:14

आउर चाइरो जीवमन आमीन कहलैं, आउर मुखियामन झुइक के माथा टेकलैं आउर भक्ति करलैं।

प्रकाशितवाक्य 5:6

तब मोंय उ सिंहासन आउर चाइरो जीवमन आउर उ मुखियामन केर माझे, एगो मेमना के ठड़ाल देखलों। उ बलि करल मेमना नियर रहे। उकर सात गो सींग आउर सात गो आँइख रहे, इ परमेश्‍वर केर सातों आत्मामन हेकैं, जे समूचा धरती में भेजल जाय हैं।

प्रकाशितवाक्य 5:8

जब उ किताब लेई लेलक, तो उ चाइरो जीव आउर चोबिसो मुखियामन उ मेमना केर सामने गिर के प्रणाम करलैं आउर उमन में से हर एक केर हाँथ में बीना-बाजा आउर धूप से भरल सोना केर कटोरा रहे, जे पवितर आदमीमन केर प्रार्थनामन हेके।

प्रकाशितवाक्य 6:1

फिन मोंय देखलों कि मेमना उ सात गो मोहरमन में से एगो के खोललक, सेहे बेरा उ चाइरो जीवमन में से एगो के मोंय बदरी घिड़केक जइसन ऊँचा आवाज में इ कहते सुनलों, “आव!”

प्रकाशितवाक्य 6:6

आउर मोंय चाइरो जीवमन केर माझे में से एगो आवाज के इ कहते सुनलों, “एक दिन केर मजूरी केर बदली में एक दिन खाएक केर गोहोम आउर एक दिन केर मजूरी केर बदली में तीन दिन खाएक केर जौ किनेक केर बराबइर होवी। मगर जैतून तेल आउर अंगूर केर रस केर भाव नी बदली।”

प्रकाशितवाक्य 7:11

आउर सोउब स्वरगदूत, उ सिंहासन आउर मुखियामन आउर चाइरो जीवमन केर चाइरो बटे ठड़ाल अहैं, फिन उमन सिंहासन केर सामने झुइक के माथा टेकलैं आउर परमेश्‍वर केर आराधना करलैं।

प्रकाशितवाक्य 7:17

काले कि मेमना, जे सिंहासन केर माझे में अहे, उमन केर रखवाली करी आउर उमन के जीवन रुपी पानी केर सोता ठिना लेई जाई, आउर परमेश्‍वर उ मनक आँइख से सोउब आँसू के पोंइछ देवी।”