प्रकाशितवाक्य 4:4 - सादरी नवाँ नियम

⁴ उ सिंहासन केर चाइरो बटे चोबीस गो सिंहासन अहे आउर उ सिंहासनमन में चोबीस मुखियामन चरका लुगा पिंध के बइठल अहैं, आउर उ मनक मूँड़ उपरे सोना केर मुकुट अहे।

प्रकाशितवाक्य 4:4 Iomraidhean Croise

मत्ती 19:28

यीशु उमन से कहलक, “मोंय तोहर से सच कहाथों कि नवाँ जुग में जब मोंय आदमी केर बेटा अपन महिमा केर सिंहासन में बइठमूँ, तो तोहरेमन जे मोर पिछे होई लेई हा, बारह गो सिंहासन में बाइठ के इसराइल केर बारहों गोतरमन केर न्याय करबा।

लूका 22:30

ताकि तोहरेमन मोर राइज में मोर टेबुल में खाबा-पीबा आउर बारह गो सिंहासन में बाइठ के इसराइल केर बारहों गोतरमन केर न्याय करबा।”

2 तीमुथियुस 4:8

प्रभु मोर लगिन स्वरग में इनाम राइख हे, काले कि मोंय धारमिकता केर जिंदगी जी के उके खुश काइर हों, इ इनाम के हमर प्रभु यीशु मसीह जब उ घूइर आवी तब मोके देवी, जे धरमी आउर फैसला करेक वाला हाकिम हेके। आउर ना सिरिफ मोके भइर इनाम देवी, मगर उ सोउबमन के हों देवी जेमन उकर घूइर आवेक केर बे सबरी से आसरा देखाथैं।

प्रकाशितवाक्य 11:16

तब उ चोबिसो मुखियामन जे परमेश्‍वर केर सामने अपन-अपन सिंहासन में बाइठ रहैं, उमन निहइर के माथा टेकलैं आउर परमेश्‍वर केर आराधना करलैं।

प्रकाशितवाक्य 14:3

उमन सिंहासन केर सामने आउर चाइरो जीवमन आउर मुखियामन केर सामने, एक नवाँ गीत गावत रहैं। उ एक लाख चौवालीस हजार आदमीमन के छोइड़ जेमन के धरती में से कीन लेवल जाय रहे, केऊ आउर उ गीत के नी सिखेक पारत रहैं।

प्रकाशितवाक्य 19:14

स्वरग केर सेनामन चरका आउर शुद्ध मलमल केर लुगा पिंध रहैं आउर चरका घोड़ा उपरे बाइठ के उकर पिछे-पिछे चलत रहैं।

प्रकाशितवाक्य 19:4

तब चोबिसो मुखियामन आउर चाइरो जीवमन सिंहासन में बइठल परमेश्‍वर केर सामने झुइक के माथा टेकलैं आउर उकर आराधना करते गावेक लगलैं, “आमीन! हाल्लेलूयाह”

प्रकाशितवाक्य 2:10

जे दुःख तोके झेलेक होवी, उमन से ना डराव। काले कि देख, शैतान तोहर में से थोरेक आदमीमन के जेहेल घर में साजेक वाला अहे, ताकि तोहरेमन परखल जबा, आउर तोहरेमन के दस दिन तक दुःख उठाएक होवी। प्राण देवेक तक बिसवासी रहा, तो मोंय तोहरे के जिंदगी केर मुकुट देमूँ।

प्रकाशितवाक्य 20:4

फिन मोंय थोरेक सिंहासन देखलों। उ मनक उपरे थोरेक आदमीमन बाइठ रहैं। आउर उमन के फैसला करेक केर अधिकार देवल गेलक। मोंय उमन केर आत्मामन के हों देखलों, जेमन केर मूँड़ यीशु केर गवाही देवेक आउर परमेश्‍वर केर बचन केर परचार केर खातिर काटल जाय रहे, आउर जेमन ना तो उ खूंखार जानवर केर, आउर ना उकर मूर्ति केर पूजा काइर रहैं, आउर ना उकर छाप अपन माथा आउर हाँथ उपरे लेई रहैं। उमन जिंदा होई के मसीह केर संगे हजार बरिस तक राइज करते रहलैं।

प्रकाशितवाक्य 3:18

से लगिन मोंय तोके सलहा देवोना कि आइग केर भट्ठी में धिपाय के शुद्ध करल सोना मोर से कीन ले कि तोंय धनी होई जाबे, आउर चरका लुगा लेई ले कि पिंध के तोके अपन नंगापन केर लज्जा ना होवोक, आउर अपन आँइखमन में लगाएक लगिन सुरमा ले कि तोंय देखेक पारबे।

प्रकाशितवाक्य 4:10

तब चोबिसो मुखियामन सिंहासन में बइठेक वाला केर सामने गिरबैं आउर उकर जे जुग-जुग जिंदा अहे, भक्ति करबैं आउर उमन अपन-अपन मुकुट सिंहासन केर सामने इ कहते डाइल देबैं:

प्रकाशितवाक्य 4:6

आउर उ सिंहासन केर भीरे काँच नियर आर-पार दिसेक वाला सफा समुदर नियर अहे। आउर सिंहासन केर माझे आउर सिंहासन केर चाइरो बटे चाइर गो जीव देखलों, जेमन केर आगे-पिछे आँइख हें आँइख अहे।

प्रकाशितवाक्य 5:11

आउर जब मोंय देखलों तो उ सिंहासन आउर उ जीवमन आउर उ मुखियामन केर चाइरो बटे ढेइर स्वरग दूतमन केर शबद सुनलों, जेमन केर हिसाब लाखो आउर करोड़ो केर रहे।

प्रकाशितवाक्य 5:14

आउर चाइरो जीवमन आमीन कहलैं, आउर मुखियामन झुइक के माथा टेकलैं आउर भक्ति करलैं।

प्रकाशितवाक्य 5:6

तब मोंय उ सिंहासन आउर चाइरो जीवमन आउर उ मुखियामन केर माझे, एगो मेमना के ठड़ाल देखलों। उ बलि करल मेमना नियर रहे। उकर सात गो सींग आउर सात गो आँइख रहे, इ परमेश्‍वर केर सातों आत्मामन हेकैं, जे समूचा धरती में भेजल जाय हैं।

प्रकाशितवाक्य 5:8

जब उ किताब लेई लेलक, तो उ चाइरो जीव आउर चोबिसो मुखियामन उ मेमना केर सामने गिर के प्रणाम करलैं आउर उमन में से हर एक केर हाँथ में बीना-बाजा आउर धूप से भरल सोना केर कटोरा रहे, जे पवितर आदमीमन केर प्रार्थनामन हेके।

प्रकाशितवाक्य 6:11

आउर उमन में से हरेक के चरका लुगा देवल गेलक आउर उमन से कहल गेलक कि थोरेक देरी आउर धीरज धरा, जब तक कि तोहर संगी सेवकमन आउर भाई-बहिन केर हिसाब पूरा नी होई जाई, जे उमन केर नियर माइर मोराल जाएक अहैं।

प्रकाशितवाक्य 7:11

आउर सोउब स्वरगदूत, उ सिंहासन आउर मुखियामन आउर चाइरो जीवमन केर चाइरो बटे ठड़ाल अहैं, फिन उमन सिंहासन केर सामने झुइक के माथा टेकलैं आउर परमेश्‍वर केर आराधना करलैं।

प्रकाशितवाक्य 7:9

इकर पाछे मोंय देखलों कि मोर सामने एगो बड़का भीड़ ठड़ाल अहे, जेमन केर हिसाब केऊ करेक नी पारत रहैं। इ भीड़ में हरेक जाइत, हरेक गोतर, हरेक आदमीमन, आउर हरेक भाषा केर आदमीमन अहैं। उमन उ सिंहासन आउर उ मेमना केर सामने ठड़ाल अहैं। उमन चरका लुगा पिंधल अहैं आउर उमन अपन हाँथमन में खिजूर केर डाइर लेवल अहैं।

प्रकाशितवाक्य 9:7

उ फेनगामन केर रूप में लड़ाई लगिन तेयार करल घोड़ामन नियर रहे, एइसन लगत रहे कि उमन केर मूँड़ उपरे सोना केर मुकुट रहे। उमन केर मुँह आदमीमन केर मुँह नियर रहे।