प्रकाशितवाक्य 4:10 - सादरी नवाँ नियम

¹⁰ तब चोबिसो मुखियामन सिंहासन में बइठेक वाला केर सामने गिरबैं आउर उकर जे जुग-जुग जिंदा अहे, भक्ति करबैं आउर उमन अपन-अपन मुकुट सिंहासन केर सामने इ कहते डाइल देबैं:

प्रकाशितवाक्य 4:10 Iomraidhean Croise

मत्ती 2:11

जब उमन उ घर में पोंहइच के भीतरे गेलैं तो उ छउवा के उकर आयो मरियम केर संगे देखलैं आउर ठेहुना टेइक के उकर भक्ति करलैं। तब उमन अपन-अपन थैला खोइल के उके सोना, लोहबान आउर गंधरस के भेंट चढ़ालैं।

लूका 24:52

चेलामन यीशु केर आराधना करलैं आउर रिझे-रिझे यरुशलेम शहर घूइर गेलैं।

1 कुरिनथियनमन 15:10

मगर मोंय जे कुछ भी अहों परमेश्‍वर केर किरपा से अहों, आउर उकर किरपा मोर उपरे ढेइर बड़का काम करलक, आउर मोंय यीशु केर चुनल दोसर खास चेलामन से बाइढ़ के मेहनइत हों करलों। फिन भी इ मोर बटले निहीं, मगर परमेश्‍वर केर किरपा से होलक जे मोर उपरे रहे।

प्रकाशितवाक्य 10:6

आउर जे जुग-जुग जिंदा अहे, आउर जे स्वरग के आउर जे कुछ उकर में अहे, आउर धरती के आउर जे कुछ उकर में अहे, आउर समुदर के आउर जे कुछ उकर में अहे, उ सोउब के सिरजालक, उकरे किरिया खाय के कहलक, “अब तो आउर देरी नी होवी।

प्रकाशितवाक्य 11:16

तब उ चोबिसो मुखियामन जे परमेश्‍वर केर सामने अपन-अपन सिंहासन में बाइठ रहैं, उमन निहइर के माथा टेकलैं आउर परमेश्‍वर केर आराधना करलैं।

प्रकाशितवाक्य 15:4

हे प्रभु, के तोर से नी डराई आउर तोर नाँव केर महिमा नी करी? काले कि सिरिफ तोंय हें पवितर अहिस। सोउब जाइत केर आदमीमन आय के तोर भीरे आराधना करबैं, काले कि तोर फैसला केर काम दिस्तार होई जाय हे।”

प्रकाशितवाक्य 15:7

तब उ चाइरो जीवमन में से एगो, उ सातों स्वरगदूतमन के सात सोना केर कटोरा देलक, जे जुग-जुग जिंदा परमेश्‍वर केर परकोप से भरल रहे।

प्रकाशितवाक्य 19:4

तब चोबिसो मुखियामन आउर चाइरो जीवमन सिंहासन में बइठल परमेश्‍वर केर सामने झुइक के माथा टेकलैं आउर उकर आराधना करते गावेक लगलैं, “आमीन! हाल्लेलूयाह”

प्रकाशितवाक्य 4:2

आउर तुरते मोंय पवितर आत्मा से भाइर गेलों, आउर मोंय देखलों कि मोर सामने स्वरग में एगो सिंहासन अहे, आउर उ सिंहासन में केऊ बाइठ हे।

प्रकाशितवाक्य 4:4

उ सिंहासन केर चाइरो बटे चोबीस गो सिंहासन अहे आउर उ सिंहासनमन में चोबीस मुखियामन चरका लुगा पिंध के बइठल अहैं, आउर उ मनक मूँड़ उपरे सोना केर मुकुट अहे।

प्रकाशितवाक्य 4:9

जब उ जीवमन, उकर जे सिंहासन में बाइठ हे आउर जे जुग-जुग जिंदा अहे, महिमा आउर आदर आउर धन्यबाद करबैं,

प्रकाशितवाक्य 5:14

आउर चाइरो जीवमन आमीन कहलैं, आउर मुखियामन झुइक के माथा टेकलैं आउर भक्ति करलैं।

प्रकाशितवाक्य 5:8

जब उ किताब लेई लेलक, तो उ चाइरो जीव आउर चोबिसो मुखियामन उ मेमना केर सामने गिर के प्रणाम करलैं आउर उमन में से हर एक केर हाँथ में बीना-बाजा आउर धूप से भरल सोना केर कटोरा रहे, जे पवितर आदमीमन केर प्रार्थनामन हेके।

प्रकाशितवाक्य 7:11

आउर सोउब स्वरगदूत, उ सिंहासन आउर मुखियामन आउर चाइरो जीवमन केर चाइरो बटे ठड़ाल अहैं, फिन उमन सिंहासन केर सामने झुइक के माथा टेकलैं आउर परमेश्‍वर केर आराधना करलैं।