प्रकाशितवाक्य 4:1 - सादरी नवाँ नियम

¹ मोर इ गोइठमन के देखेक केर पाछे मोंय स्वरग में एगो दुरा खुलल देखलों। आउर ओहे आवाज जेके मोंय पहिले सुइन रहों दोबारा सुनलों, जे एगो तुरही केर आवाज जइसन रहे। उ मोर से कहलक, “हिंयाँ उपरे आय जा आउर मोंय उ गोइठमन के तोके देखामूँ, जेमन केर इ गोइठमन केर पाछे पूरा होवेक जरुरी अहे।”

प्रकाशितवाक्य 4:1 Iomraidhean Croise

मत्ती 3:16

आउर यीशु बपतिस्मा जल संस्कार लेई के तुरते पानी में से उपरे आलक, आउर उकर लगिन स्वरग खुइल गेलक, आउर उ परमेश्‍वर केर आत्मा के पेरवाँ केर रूप में उतरते आउर अपन उपरे आते देखलक।

मरकुस 1:10

आउर जब उ पानी से निकइल के उपरे आलक, तो तुरते स्वरग के खुलते आउर पवितर आत्मा के पेरवाँ केर रूप में अपन उपरे उतरते देखलक।

लूका 3:21

मगर यूहन्ना केर जेहेल घर में सजाल जाएक केर आगे, जब सोउब आदमीमन बपतिस्मा जल संस्कार लेलैं, तो यीशु हों बपतिस्मा जल संस्कार लेलक, आउर जइसनेहें उ प्रार्थना करत रहे, तब स्वरग खुइल गेलक।

यूहन्ना 16:13

मगर जब उ सच्चाई केर आत्मा आवी, तो उ परमेश्‍वर केर बारे में जे भी सच्चाई अहे, उके बुझेक में तोहरेमन केर मदइत करी। काले कि उ अपन बटे से नी कही, मगर जे कुछ परमेश्‍वर बटे से सुनी उखे कही, आउर तोहरेमन के आवेक वाला गोइठमन केर बारे में बताई।

खास चेलामन केर काम 10:11

उ देखलक कि स्वरग खुइल गेलक आउर एगो बासन बड़का चादर नियर चाइरो कोना से झूलते धरती बटे उतराथे।

खास चेलामन केर काम 7:56

आउर उमन से कहलक, “देखा, मोंय स्वरग के खुलल आउर आदमी केर बेटा के परमेश्‍वर केर भतखाइया आरा ठड़ाल देखाथों।”

प्रकाशितवाक्य 1:10

आराधना करेक केर दिन मोंय पवितर आत्मा से भाइर गेलों, आउर मोंय अपन पिछे तुरही नियर ऊँचा आवाज सुनलों।

प्रकाशितवाक्य 1:12

तब मोंय उके, जे मोर से कहत रहे, देखेक लगिन पिछे मुड़लों आउर मुइड़ के मोंय सोना केर सात गो दीया रखेक केर खूँटा देखलों।

प्रकाशितवाक्य 1:19

से लगिन जे गोइठमन तोंय देइख हिस आउर जे गोइठमन होवाथे आउर जे गोइठमन इकर पाछे होवेक वाला अहे, उ सोउब के लीख ले।

प्रकाशितवाक्य 11:12

फिन उमन के स्वरग से एक बड़का शबद सुनाई देलक, “हिंयाँ उपरे आवा!” इके सुइन के उमन बैरीमन केर देखते-देखते बदरी में से होई के स्वरग में उठाय लेवल गेलैं।

प्रकाशितवाक्य 11:19

तब परमेश्‍वर केर जे मन्दिर स्वरग में अहे, उ खोलल गेलक, आउर उकर मन्दिर में उकर करार केर बक्सा दिसलक। आउर बिजलीमन, आवाजमन आउर बदरी केर गरजेक केर आवाज आउर भूंईडोल होलक आउर भारी ओला गिरलक।

प्रकाशितवाक्य 16:17

आउर सातवाँ स्वरगदूत अपन कटोरा हवा में उझइल देलक, आउर परमेश्‍वर केर मंदिर केर सिंहासन से इ बड़का शबद सुनालक, “होई चुकलक!”

प्रकाशितवाक्य 19:11

फिन मोंय देखलों कि स्वरग खोलल अहे, हूवाँ मोर सामने एगो चरका घोड़ा रहे आउर उकर उपरे एक झन चढ़ल रहे, जे बिसवास लायक आउर सच्चा कहायला। उ जे गोइठ परमेश्‍वर केर नजइर में सही है उकर मोताबिक परमेश्‍वर केर दुश्मनमन केर बिरोध फैसला करेला आउर लड़ाई करेला।

प्रकाशितवाक्य 22:6

फिन उ मोर से कहलक, “इ गोइठमन बिसवास केर लायक आउर सच्चा हेके। प्रभु जे उकर संदेश के बताएक वालामन केर आत्मामन केर परमेश्‍वर हेके, अपन स्वरगदूत के इ लगिन भेजलक कि अपन सेवकमन के उ गोइठमन जेमन केर जल्दी पूरा होवेक जरुरी अहे, देखाओक।”