प्रकाशितवाक्य 3:8 - सादरी नवाँ नियम

⁸ मोंय तोर काममन के जानोना, देख, मोंय तोर सामने एगो दुरा खोइल के राइख हों, जेके केऊ बंद करेक नी पारी, तोर शक्ति थोरेसन तो अहे, फिन भी तोंय मोर बचन केर पालन काइर हिस आउर मोर नाँव केर इंकार नी करले।

प्रकाशितवाक्य 3:8 Iomraidhean Croise

लूका 12:9

मगर आदमीमन केर सामने जे मोके इंकार करी, तो मोंय हों परमेश्‍वर केर स्वरगदूत मनक सामने उके अपन चेला मानेक से इंकार करमूँ।

यूहन्ना 15:20

जे गोइठ मोंय तोहरेमन के बताय रहों, उके याइद करा। धांगर अपन मालिक से बाड़ नी होवेला, अगर उमन मोके, जे मालिक हेकों सतालैं, तो तोहरेमन के हों सताबैं। अगर उमन मोर बचन के माइन हैं, तो तोहर बचन के हों मानबैं।

यूहन्ना 17:6

तोंय जे आदमीमन के दुनिया केर आदमीमन में से चुइन के मोके देले। उमन के मोंय बतालों कि तोंय के हेकिस, उमन तोर रहैं आउर तोंय उमन के मोके देले आउर उमन तोर बचन के माइन लेई हैं।

खास चेलामन केर काम 14:27

हूवाँ पोंहइच के उमन कलीसिया केर आदमीमन के जमा करलैं आउर बतालैं कि परमेश्‍वर हमर संगे होई के कइसन बड़का-बड़का काम काइर हे! आउर उ कइसन परजाइत आदमीमन लगिन यीशु मसीह केर उपरे बिसवास करेक लगिन दुरा खोइल देई हे।

1 कुरिनथियनमन 16:9

काले कि हिंयाँ प्रभु केर सेवा करेक लगिन मोर ठिना एगो बढ़ियाँ मोका अहे, जबकि ढेइर आदमीमन मोर बिरोध में अहैं।

2 कुरिनथियनमन 2:12

आउर जब मोंय मसीह केर शुभ समाचार सुनाएक ले त्रोआस नगर में आलों, तब प्रभु मोके शुभ समाचार सुनाएक लगिन बढ़ियाँ मोका देलक।

फिलिप्पियनमन 4:13

यीशु मसीह, जे मोके शक्ति देवेला, उकर द्वारा मोंय सोउब कुछ करेक पारोना।

कुलुसियनमन 4:3

आउर इकर संगे हें संगे हमर लगिन हों प्रार्थना करते रहा कि परमेश्‍वर हमर लगिन बचन परचार करेक ले एइसन दुरा खोइल देवोक कि हमरे मसीह केर उ भेद केर बखाइन करेक पारब, जेकर चलते मोंय एखन जेहेल में अहों।

1 तीमुथियुस 5:8

अगर केऊ अपन रिश्तेदारमन केर मदइत नी करी आउर खास काइर के अपन परिवार केर जरुरत के पूरा नी करी, तो उ बिसवास से भटइक जाय हे, आउर अबिसवासी से हों बुरा बाइन जाय हे।

2 तीमुथियुस 4:7

मोंय यीशु मसीह केर सेवा करेक में कड़ा मेहनइत काइर हों, जेके करेक लगिन यीशु मसीह मोके देई रहे, मोंय आखरी समय तक बिसवास में बनल अहों।

यहूदा 1:4

काले कि थोरेक आदमीमन जे यीशु मसीह में बिसवास करेक केर देखावा करैना उमन तोहर माझे आय मिल हैं, उमन परमेश्‍वर के नी मानैना आउर गलत शिक्षा देवैना कि परमेश्‍वर अपन किरपा से हमरे केर पापमन के क्षमा काइर देवेला, एहे लगिन हमरे गलत काम में जिंदगी जियेक पारिला। उमन यीशु मसीह के इनकार करैना जे हमर एके गो मालिक आउर प्रभु हेके। ढेइर समय पहिले पवितर किताब में लिखल जाय रहे कि परमेश्‍वर एइसन आदमीमन के सजा देवी।

प्रकाशितवाक्य 2:13

मोंय इ तो जानोना कि तोंय हूवाँ रहिसला जहाँ शैतान केर सिंहासन अहे, आउर तोंय मोर नाँव में स्थिर रहिसला। तोंय मोर उपरे बिसवास करेक से उ दिनमन में हों पिछे नी हटले, जेकर में मोर बिसवास लायक गवाह अन्तिपास, तोहर माझे उ ठाँव में मोराल गेलक जहाँ शैतान रहेला।

प्रकाशितवाक्य 2:2

मोंय तोर काम, मेहनइत आउर तोर धीरज के जानोना। मोंय एहो जानोना कि तोंय बुरा आदमीमन के देखेक नी पारिसला। जे खुद के खास चेला कहैना मगर उमन ना लगैं, उमन के तोंय परइख के झूठा पाले।

प्रकाशितवाक्य 22:7

यीशु कहलक, “देख, मोंय जल्दी आवेक वाला अहों! धाइन अहे उ, जे इ किताब केर भविष्यवाणी केर गोइठमन के मानेला।”

प्रकाशितवाक्य 3:1

सरदीस शहर केर कलीसिया केर स्वरगदूत के इ संदेश लीख: मोंय ओहे हेकों जेकर ठिना परमेश्‍वर केर सात गो आत्मा आउर सात गो तइरगन अहैं। मोंय तोके जे कहाथों उके सुन: मोंय तोर काममन के जानोना कि तोंय जिंदा तो कहाइसला, मगर मोरल अहिस।

प्रकाशितवाक्य 3:10

काले कि तोंय मोर धीरजरूपी आगया केर पालन काइर हिस, से लगिन मोंय हों तोके परीक्षा केर उ बेरा बचाय रखमूँ, जे धरती में रहेक वाला आदमीमन के परखेक लगिन गोटा दुनिया में आवेक वाला अहे।

प्रकाशितवाक्य 3:15

मोंय तोर काममन के जानोना कि तोंय ना तो ठंढा हेकिस आउर ना गरम: भला होतक कि तोंय ठंढा या गरम होते।

प्रकाशितवाक्य 3:7

आउर फिलदिलफिया शहर केर कलीसिया केर स्वरगदूत के इ संदेश लीख: मोंय ओहे हेकों जे पवितर आउर सच्चा हेके, आउर जे दाऊद केर कुंजी रखेला। आउर मोर खोलल के केऊ बंद नी करेक पारी आउर बंद करल के केऊ खोलेक नी पारी। मोंय तोके जे कहाथों उके सुन: