प्रकाशितवाक्य 3:3 - सादरी नवाँ नियम

³ से लगिन याइद कर कि तोंय कइसन गेयान पाले आउर सुइन रहिस, आउर उकर में बनल रह, आउर पाप करेक छोइड़ दे। आउर अगर तोंय सावधान नी रहबे तो मोंय चोर नियर आय जामूँ आउर तोंय नी जानेक पारबे कि कोन घड़ी तोर ठिना आय जामूँ।

प्रकाशितवाक्य 3:3 Iomraidhean Croise

मत्ती 25:13

से लगिन जागते रहा, काले कि तोहरेमन ना तो उ दिन के जानाला आउर ना उ बेरा के।

मरकुस 13:33

देखा, जागते रहा आउर प्रार्थना करते रहा, काले कि तोहरेमन नी जानाला कि इ बुरा दिन कहिया आवी।

मरकुस 13:36

एइसन ना होवोक कि मोंय अचका आय जामूँ आउर तोहरेमन के सुतल पामूँ।

1थिस्सलुनीकियनमन 5:2

काले कि तोहरेमन खुद ठीक जानाला कि जइसन चोर राइत के अचका आवेला, तइसनेहें प्रभु यीशु हों अचका आवेक वाला अहे।

1 तीमुथियुस 6:20

हे तीमुथियुस, पक्का काइर ले कि तोंय ओहे करिसला जेके परमेश्‍वर तोके जिम्मा देई हे, तोंय एइसन गोइठमन आउर शिक्षामन से दूर रह जे परमेश्‍वर केर सच्चा शिक्षा केर बिरोध करेला, जेके उमन गलत तरीका से गेयान कहैना।

2 तीमुथियुस 1:13

से लगिन उ सच्चा शिक्षा के याइद रख, जेके तोंय मोर से सुइन हिस, आउर इ सोउब तोंय बिसवास आउर प्रेम से काइर के नमूना बान, काले कि तोंय यीशु मसीह केर संगे जुड़ल अहिस।

इब्रानीमन 2:1

से लगिन हमरे के जे सिखाल जाय रहे, उकर पालन करेक लगिन बगरा सावधान होवेक केर जरुरत अहे, तब हमरे सच्चाई केर डहर से नी भटकब।

2 पतरस 1:13

आउर मोंय इके अपन लगिन ठीक समझोना कि जब तक मोंय जिंदा अहों, तब-तक मोंय तोहरे के इ गोइठमन के याइद दिवाते रहमूँ।

2 पतरस 3:1

हे दुलार बिसवासी भाई-बहिनमन, अब मोंय तोहरेमन के दूसरा बेर चिट्ठी लिखाथों, इ दुयो चिट्ठी के इ लगिन लीख हों ताकि जे गोइठमन के तोहरे पहिले से जानाला, उके दोबारा याइद दिवाय के तोहरे केर मन में शुद्ध बिचारमन के जगाएक पारमूँ।

2 पतरस 3:10

काले कि प्रभु पक्का घूइर आवी, उ अचका आय जाई जे नियर चोर अचका आवेला, उ बेरा आकाश में गरजेक केर आवाज सुनाई आउर आकाश लोप होई जाई। आकाश में सोउब कुछ, मतलब बेइर, चाँद आउर तइरगनमन पूरा रीति से जाइल जबैं। उ दिन परमेश्‍वर उ सोउब काममन के देखाई जेके आदमीमन काइर हैं, ताकि उमन केर फैसला करेक पारोक।

प्रकाशितवाक्य 16:15

उ भूतमन राजामन के आउर उमन केर सेनामन के उ ठाँव में जमा करलैं, जेके इब्रानी भाषा में हर-मगिदोन कहल जायला। एहे लगिन प्रभु यीशु कहलक, “सावधान! मोंय चोर नियर अचका आमूँ, धाइन हेके उ, जे जागते रहेला आउर अपन लुगा केर रखवाली करेला, ताकि उ नंगा ना फिरोक, आउर आदमीमन उकर नंगापन के ना देखोक।”

प्रकाशितवाक्य 2:25

मगर हाँ, जे तोहर ठिना अहे उके मोर आवेक तक थाइम रहा।

प्रकाशितवाक्य 2:5

से लगिन याइद कर कि तोंय कहाँ से गिर हिस, आउर तोंय पाप करेक छोइड़ दे आउर पहिले नियर काम कर। अगर तोंय पाप करेक नी छोड़बे, तो मोंय तोर ठिना आय के तोर दीया रखेक केर खूँटा के उकर ठाँव से हटाय देमूँ।

प्रकाशितवाक्य 22:7

यीशु कहलक, “देख, मोंय जल्दी आवेक वाला अहों! धाइन अहे उ, जे इ किताब केर भविष्यवाणी केर गोइठमन के मानेला।”

प्रकाशितवाक्य 3:11

मोंय जल्दी हें आवेक वाला अहों, जे गेयान तोर ठिना अहे, उकर में मजबूत बनल रह ताकि केऊ तोर मुकुट के लुटेक ना पारोक।

प्रकाशितवाक्य 3:19

मोंय जे-जे आदमीमन से प्रेम रखोना, उ सोउब के डाँटोना आउर दंड हों देवोना, से लगिन उत्साहित हो, आउर पाप करेक छोइड़ दे।

प्रकाशितवाक्य 3:2

से लगिन सावधान होई जा, तोर भीतरे जे मोर उपरे थोरेक बिसवास बाइच हे उके मजबूत कर, ताकि इ पूरा रीति से ना सिराय जाओक। काले कि मोंय तोर कोनों काम के अपन परमेश्‍वर केर भीरे पूरा नी पालों।