प्रकाशितवाक्य 3:21 - सादरी नवाँ नियम

²¹ जे जीत जाई, मोंय उके अपन संगे अपन सिंहासन में बइठामूँ, जइसन मोंय हों जीत के अपन आबा केर संगे उकर सिंहासन में बाइठ गेलों।

प्रकाशितवाक्य 3:21 Iomraidhean Croise

मत्ती 19:28

यीशु उमन से कहलक, “मोंय तोहर से सच कहाथों कि नवाँ जुग में जब मोंय आदमी केर बेटा अपन महिमा केर सिंहासन में बइठमूँ, तो तोहरेमन जे मोर पिछे होई लेई हा, बारह गो सिंहासन में बाइठ के इसराइल केर बारहों गोतरमन केर न्याय करबा।

मत्ती 25:21

उकर मालिक उकर से कहलक, ‘धाइन हे बेस आउर बिसवास लाएक धांगर, तोंय थोरेक धन के संभराएक में बिसवास लाएक रहले, मोंय तोके ढेइर चीजमन केर अधिकारी बनामूँ। अपन मालिक केर खुशी में भागीदार हो।’

मत्ती 28:18

यीशु उमन ठिना आय के कहलक, “स्वरग आउर धरती केर समूचा अधिकार मोके देवल जाय हे।

लूका 22:30

ताकि तोहरेमन मोर राइज में मोर टेबुल में खाबा-पीबा आउर बारह गो सिंहासन में बाइठ के इसराइल केर बारहों गोतरमन केर न्याय करबा।”

यूहन्ना 13:32

आउर परमेश्‍वर हों अपन में उकर महिमा करी, आउर उ उके तुरते करी।

यूहन्ना 16:33

मोंय तोहरेमन के इ गोइठमन के आगे हें बताय देलों, ताकि तोहरेमन के शांति मिलोक। दुनिया में तोहरेमन के दुःख सहेक होवी, मगर ढाढ़स बाँधा, मोंय दुनिया केर सरदार शैतान के हराय देई हों।”

2 तीमुथियुस 2:12

अगर हमरे धीरज से उकर लगिन दुःख सहते रहब, तो उकर संगे राजा नियर राइज हों करब, मगर हमरे उके जानेक से इंकार काइर देवब, तो उ हों हमरे के कइह देवी कि मोंय तोहरे के नी जानोना।

प्रकाशितवाक्य 1:6

आउर हमरे के एगो राइज, आउर अपन आबा परमेश्‍वर केर लगिन पुरोहित हों बनाय देलक, उकरे हें महिमा आउर शक्ति जुग-जुग बनल रहोक। आमीन।

प्रकाशितवाक्य 12:11

आउर उमन मेमना केर लोहू केर खातिर आउर अपन गवाही केर बचन केर खातिर, उकर उपरे जीत पालैं, आउर उमन अपन प्राण केर मोह छोइड़ के माउत के अपनाय लेलैं।

प्रकाशितवाक्य 17:14

इमन मेमना से लड़बैं, आउर मेमना उमन केर उपरे जीत जाई, काले कि उ प्रभुमन केर प्रभु आउर राजामन केर राजा हेके आउर जेमन बोलाल आउर चुनाल अहैं, आउर उकर परती बिसवास लायक अहैं, आउर उमन उकर संगे अहैं, उमन हों जीत जबैं।”

प्रकाशितवाक्य 2:7

जेमन केर कान अहे उमन धेयान से सुइन लेवा कि पवितर आत्मा कलीसिया केर आदमीमन से का कहेला। जे जीत जाई, उके मोंय उ जिंदगी केर गाँछ में से जे परमेश्‍वर केर स्वरग लोक में अहे, खाएक लगिन फार देमूँ।

प्रकाशितवाक्य 20:4

फिन मोंय थोरेक सिंहासन देखलों। उ मनक उपरे थोरेक आदमीमन बाइठ रहैं। आउर उमन के फैसला करेक केर अधिकार देवल गेलक। मोंय उमन केर आत्मामन के हों देखलों, जेमन केर मूँड़ यीशु केर गवाही देवेक आउर परमेश्‍वर केर बचन केर परचार केर खातिर काटल जाय रहे, आउर जेमन ना तो उ खूंखार जानवर केर, आउर ना उकर मूर्ति केर पूजा काइर रहैं, आउर ना उकर छाप अपन माथा आउर हाँथ उपरे लेई रहैं। उमन जिंदा होई के मसीह केर संगे हजार बरिस तक राइज करते रहलैं।

प्रकाशितवाक्य 20:6

धाइन आउर पवितर उ हेके, जे इ पहिला जी उठेक केर भागीदार हेके। एइसन आदमीमन उपरे दूसरा माउत केर कोनोवें अधिकार नखे, मगर उमन परमेश्‍वर आउर मसीह केर पुरोहित होबैं, आउर उकर संगे हजार बरिस तक राइज करबैं।

प्रकाशितवाक्य 5:10

आउर उमन के हमर परमेश्‍वर लगिन तोंय एइसन आदमी बनाय देई हिस, जेमन केर उपरे उ राइज करेला आउर पुरोहित बनाले जे उकर सेवा करैना आउर उमन दुनिया में राइज करबैं।”

प्रकाशितवाक्य 6:2

तब मोंय नजइर उठाय के देखलों, तो मोर आगे एगो चरका घोड़ा अहे, आउर उ घोड़ा में जे बाइठ हे उकर हाँथ में एगो धनुष अहे, उके एक मुकुट देवल गेलक आउर उ जय-जय करते निकललक कि आउर हें जीत पाओक।

प्रकाशितवाक्य 7:17

काले कि मेमना, जे सिंहासन केर माझे में अहे, उमन केर रखवाली करी आउर उमन के जीवन रुपी पानी केर सोता ठिना लेई जाई, आउर परमेश्‍वर उ मनक आँइख से सोउब आँसू के पोंइछ देवी।”