प्रकाशितवाक्य 3:2 - सादरी नवाँ नियम

² से लगिन सावधान होई जा, तोर भीतरे जे मोर उपरे थोरेक बिसवास बाइच हे उके मजबूत कर, ताकि इ पूरा रीति से ना सिराय जाओक। काले कि मोंय तोर कोनों काम के अपन परमेश्‍वर केर भीरे पूरा नी पालों।

प्रकाशितवाक्य 3:2 Iomraidhean Croise

मत्ती 23:5

उमन अपन सोउब काम आदमीमन के देखाएक लगिन करैना: उमन पवितर किताब केर बचन के चाकर पट्टीमन में लीख के अपन घेंचा आउर बाँइह में बाँधैना आउर अपन लुगामन केर झलइर के लम्बा बनायना।

मत्ती 25:13

से लगिन जागते रहा, काले कि तोहरेमन ना तो उ दिन के जानाला आउर ना उ बेरा के।

मत्ती 25:7

तब सोउब कुँवारीमन उइठ के अपन-अपन दीया के बारेक लगलैं।

खास चेलामन केर काम 18:23

पौलुस थोरेक दिन अन्ताकिया शहर में बिताय के हूवाँ से बिदा होलक आउर फ्रूगिया आउर गलातिया परदेस से होई के एक शहर से दोसर शहर घूमते सोउब चेलामन के स्थिर करते रहलक।

1 पतरस 4:7

सोउब गोइठमन केर अंत तुरते होवेक वाला अहे, से लगिन ठीक से सोचा आउर खुद के काबू में रखा, ताकि तोहरे प्रार्थना लगिन तेयार रहेक पारबा।

1 पतरस 5:8

सोउब बेरा तेयार रहा आउर जागते रहा, काले कि शैतान, तोहर दुश्मन तोहर उपरे हमला करेक चाहेला कि तोहरे आबा परमेश्‍वर केर आगयामन के ना माना। उ गरजेक वाला सिंह नियर अहे, जे आगे-पिछे जाय के इ खोजेला कि उ केखो खाएक पारोक।

प्रकाशितवाक्य 16:15

उ भूतमन राजामन के आउर उमन केर सेनामन के उ ठाँव में जमा करलैं, जेके इब्रानी भाषा में हर-मगिदोन कहल जायला। एहे लगिन प्रभु यीशु कहलक, “सावधान! मोंय चोर नियर अचका आमूँ, धाइन हेके उ, जे जागते रहेला आउर अपन लुगा केर रखवाली करेला, ताकि उ नंगा ना फिरोक, आउर आदमीमन उकर नंगापन के ना देखोक।”

प्रकाशितवाक्य 2:4

मगर मोके तोर बिरोध में इ कहेक अहे कि तोंय अपन पहिला जइसन प्रेम छोइड़ देई हिस।

प्रकाशितवाक्य 3:1

सरदीस शहर केर कलीसिया केर स्वरगदूत के इ संदेश लीख: मोंय ओहे हेकों जेकर ठिना परमेश्‍वर केर सात गो आत्मा आउर सात गो तइरगन अहैं। मोंय तोके जे कहाथों उके सुन: मोंय तोर काममन के जानोना कि तोंय जिंदा तो कहाइसला, मगर मोरल अहिस।

प्रकाशितवाक्य 3:3

से लगिन याइद कर कि तोंय कइसन गेयान पाले आउर सुइन रहिस, आउर उकर में बनल रह, आउर पाप करेक छोइड़ दे। आउर अगर तोंय सावधान नी रहबे तो मोंय चोर नियर आय जामूँ आउर तोंय नी जानेक पारबे कि कोन घड़ी तोर ठिना आय जामूँ।