प्रकाशितवाक्य 3:14 - सादरी नवाँ नियम

¹⁴ लौदीकिया शहर केर कलीसिया केर स्वरगदूत के इ संदेश लीख: मोंय ओहे हेकों जे आमीन आउर बिसवास लायक आउर सच्चा गवाह हेके। आउर परमेश्‍वर जे कोनों बनाय हे उकर निचोड़ हेके। मोंय तोके जे कहाथों उके सुन:

प्रकाशितवाक्य 3:14 Iomraidhean Croise

यूहन्ना 1:3

परमेश्‍वर सोउब कुछ उकरे से सिरजालक आउर जे कुछ सिरइज हे, उकर में से कोनोवें चीज उकर बिना नी सिरइज हे।

यूहन्ना 8:14

यीशु उमन के जबाब देलक, “अगर मोंय अपन गवाही खुद देवोना, फिन भी मोर गवाही सच्चा अहे, काले कि मोंय जानोना कि मोंय कहाँ से आय हों आउर कहाँ जामूँ, मगर तोहरेमन नी जानाला कि मोंय कहाँ से आय हों आउर कहाँ जाथों।

2 कुरिनथियनमन 1:20

काले कि परमेश्‍वर केर जेतना करारमन अहे उ सोउब मसीह में हाँ केर साथ पूरा होलक, आउर से लगिन हमरे यीशु मसीह केर द्वारा से परमेश्‍वर केर महिमा लगिन आमीन कहिला।

कुलुसियनमन 1:15

केऊ हों परमेश्‍वर के देखेक नी पारैना, मगर जब उकर बेटा मनवा बनलक, तो उ परमेश्‍वर के आदमीमन केर माझे दिस्तार काइर देलक, उकरे ठिना परमेश्‍वर केर बनाल सोउब कुछ केर उपरे पूरा अधिकार अहे।

कुलुसियनमन 1:18

ओहे कलीसिया केर अगुवाई ओइसनेहें करेला, जइसन एगो आदमी केर मूँड़ उकर काया के चलायला। ओहे शुरु हेके, आउर मोरलमन में से जी उठेक वालामन में हों पहिला हेके कि सोउब गोइठमन में ओहे मुध ठहरोक।

कुलुसियनमन 2:1

मोंय चाहोना कि तोहरेमन जाइन लेवा, कि मोंय तोहरे आउर उमन लगिन जेमन लौदीकिया शहर में अहैं, आउर उ सोउबमन केर लगिन जेमन से मोंय नी भेटाय हों कइसन मेहनइत करोना।

कुलुसियनमन 4:16

जब इ चिट्ठी तोहर हिंयाँ पइढ़ लेवल जाई तो एइसन करबा कि इ चिट्ठी लौदीकिया शहर केर कलीसिया में हों पढ़ाल जाओक। आउर उ चिट्ठी जे लौदीकिया शहर केर कलीसिया से आवी उके तोहरेमन हों पढ़बा।

प्रकाशितवाक्य 1:11

उ कहत रहे, “जे कुछ तोंय देखाथिस उके किताब में लीख के सातों कलीसियामन ठिना भेइज दे, मतलब इफिसुस, स्मुरना, पिरगमुन, थुआतीरा, सरदीस, फिलदिलफिया आउर लौदीकिया शहर केर कलीसिया के भेइज दे।”

प्रकाशितवाक्य 1:5

आउर यीशु मसीह केर बटले, जे बिसवास लायक गवाह आउर मोरलमन में से फिन से जी उठेक वालामन में पहिलौठा, आउर धरती केर राजामन केर हों राजा हेके, तोहरे के किरपा आउर शांति मिलते रहोक। उ हमरे से प्रेम करेला, आउर उ अपन लोहू से हमरे के पापमन से छोड़ाय हे।

प्रकाशितवाक्य 19:11

फिन मोंय देखलों कि स्वरग खोलल अहे, हूवाँ मोर सामने एगो चरका घोड़ा रहे आउर उकर उपरे एक झन चढ़ल रहे, जे बिसवास लायक आउर सच्चा कहायला। उ जे गोइठ परमेश्‍वर केर नजइर में सही है उकर मोताबिक परमेश्‍वर केर दुश्मनमन केर बिरोध फैसला करेला आउर लड़ाई करेला।

प्रकाशितवाक्य 2:1

उ मोके एहो कहलक, “इफिसुस शहर केर कलीसिया केर स्वरगदूत के इ संदेश लीख कि मोंय ओहे हेकों जे सात गो तइरगन अपन भतखाइया हाँथ में लेवल अहों आउर सोना केर सात गो दीया रखेक केर खूँटा केर माझे चलोना-फिरोना। मोंय तोके जे कहाथों उके सुन:

प्रकाशितवाक्य 21:6

फिन उ मोर से कहलक, “इ गोइठमन पूरा होई जाय हे। मोंय अलफा आउर ओमिगा, शुरु आउर आखरी हेकों। मोंय पियासा के जीवन केर पानी केर सोता में से मुफत में पियामूँ।

प्रकाशितवाक्य 22:13

मोंय अलफा आउर ओमिगा, पहला आउर आखरी, शुरु आउर आखरी हेकों।

प्रकाशितवाक्य 22:6

फिन उ मोर से कहलक, “इ गोइठमन बिसवास केर लायक आउर सच्चा हेके। प्रभु जे उकर संदेश के बताएक वालामन केर आत्मामन केर परमेश्‍वर हेके, अपन स्वरगदूत के इ लगिन भेजलक कि अपन सेवकमन के उ गोइठमन जेमन केर जल्दी पूरा होवेक जरुरी अहे, देखाओक।”

प्रकाशितवाक्य 3:7

आउर फिलदिलफिया शहर केर कलीसिया केर स्वरगदूत के इ संदेश लीख: मोंय ओहे हेकों जे पवितर आउर सच्चा हेके, आउर जे दाऊद केर कुंजी रखेला। आउर मोर खोलल के केऊ बंद नी करेक पारी आउर बंद करल के केऊ खोलेक नी पारी। मोंय तोके जे कहाथों उके सुन: