प्रकाशितवाक्य 3:12 - सादरी नवाँ नियम

¹² जे जीत जाई, उके मोंय अपन परमेश्‍वर केर मंदिर में एगो खंभा बनामूँ आउर उ फिन कहियो बाहरे नी निकली, आउर मोंय अपन परमेश्‍वर केर नाँव आउर अपन परमेश्‍वर केर नगर मतलब नवाँ यरुशलेम केर नाँव, जे मोर परमेश्‍वर ठिना से स्वरग से उतरेक वाला अहे, आउर अपन नवाँ नाँव उकर में लिखमूँ।

प्रकाशितवाक्य 3:12 Iomraidhean Croise

मरकुस 12:16

उमन लेई लानलैं, आउर यीशु उमन से कहलक, “मोके बतावा कि इ चाँदी केर सिक्का उपरे केकर फोटो आउर नाँव अहे?” उमन कहलैं, “महाराजा केर।”

गलातियनमन 2:9

आउर जेमन कलीसिया केर खूँटा समझल जायना, मतलब याकूब, पतरस (कैफा) आउर यूहन्ना, उमन परमेश्‍वर केर किरपा केर उ बरदान के जे मोके मिल हे जाइन गेलैं। उमन मोके आउर बरनाबास के अपन संगे काम करेक वाला समइझ के खुशी से अपन भतखाइया हाँथ के हिलालैं। उमन इकर लगिन सहमत होलैं कि हमरे परजाइत आदमीमन ठिना जाब आउर उमन यहूदीमन ठिना।

इफिसियनमन 3:15

जे सोउब बिसवासीमन केर परिवार केर आबा हेके, जेमन स्वरग में आउर धरती उपरे अहैं।

इब्रानीमन 12:22

मगर तोहरेमन सिय्योन पहार ठिना आय हा, जहाँ स्वरग केर यरुशलेम अहे, आउर जे जिंदा परमेश्‍वर केर नगर हेके, जहाँ लाखो स्वरगदूतमन खुशी मनायना।

इब्रानीमन 13:14

काले कि हिंयाँ इ धरती में हमरे केर सोउब दिन लगिन रहेक केर घर नखे, बल्कि हमरे के मिलेक वाला एगो नवाँ घर केर खोज में हमरे अही।

1 यूहन्ना 4:4

हे दुलार छउवामन, तोहरेमन परमेश्‍वर केर हेका आउर तोहरेमन परमेश्‍वर केर संदेश के बताएक वाला झूठा आदमीमन के जीत लेई हा, आउर जे पवितर आत्मा तोहर में अहे उ शैतान से हों बाड़ अहे जे दुनिया में राइज करेला।

प्रकाशितवाक्य 14:1

उकर पाछे मोंय नजइर उठाय के देखलों, उ मेमना सिय्योन पहार उपरे ठड़ाल अहे। उकर संगे एक लाख चौवालीस हजार आदमीमन अहैं, जे मनक माथा में उकर आउर उकर आबा केर नाँव लिखल अहे।

प्रकाशितवाक्य 17:14

इमन मेमना से लड़बैं, आउर मेमना उमन केर उपरे जीत जाई, काले कि उ प्रभुमन केर प्रभु आउर राजामन केर राजा हेके आउर जेमन बोलाल आउर चुनाल अहैं, आउर उकर परती बिसवास लायक अहैं, आउर उमन उकर संगे अहैं, उमन हों जीत जबैं।”

प्रकाशितवाक्य 2:11

जेमन केर कान अहे, उमन धेयान से सुइन लेवा कि पवितर आत्मा कलीसिया केर आदमीमन से का कहेला: जे जीत जाई, उके दूसरा मरण से कोनों हानि नी होवी।

प्रकाशितवाक्य 2:17

जेमन केर कान अहे, उमन धेयान से सुइन लेवा कि पवितर आत्मा कलीसिया केर आदमीमन से का कहेला: जे जीत जाई, उके मोंय लुकल मन्ना में से देमूँ, आउर उके एगो चरका पखना हों देमूँ, आउर उ पखना में एगो नाँव लिखल होवी, जेके उके पावेक वालामन केर सिवाय आउर केऊ नी जानी।

प्रकाशितवाक्य 2:7

जेमन केर कान अहे उमन धेयान से सुइन लेवा कि पवितर आत्मा कलीसिया केर आदमीमन से का कहेला। जे जीत जाई, उके मोंय उ जिंदगी केर गाँछ में से जे परमेश्‍वर केर स्वरग लोक में अहे, खाएक लगिन फार देमूँ।

प्रकाशितवाक्य 21:2

फिन मोंय पवितर नगर नवाँ यरुशलेम के स्वरग से परमेश्‍वर ठिना से उतरते देखलों। उ, उ दुलहिन केर नियर रहे, जे अपन पति केर लगिन सिंगार काइर रहेला।

प्रकाशितवाक्य 22:4

उमन उकर मुँह देखबैं आउर उकर नाँव उकर माथा उपरे लिखल होवी।

प्रकाशितवाक्य 3:5

जे जीत जाई, उ एहे लेखे चरका लुगा पिंधी, आउर मोंय उकर नाँव जिंदगी केर किताब में से कोनों रीति से नी काटमूँ, मगर उकर नाँव अपन आबा आउर उकर स्वरग दूतमन केर सामने माइन लेमूँ।