प्रकाशितवाक्य 3:11 - सादरी नवाँ नियम

¹¹ मोंय जल्दी हें आवेक वाला अहों, जे गेयान तोर ठिना अहे, उकर में मजबूत बनल रह ताकि केऊ तोर मुकुट के लुटेक ना पारोक।

प्रकाशितवाक्य 3:11 Iomraidhean Croise

1 कुरिनथियनमन 9:25

आउर हरेक पहलवान अपन काया केर सोउब रकम केर इच्छामन के रोकेला, उ तो एगो मुरझाएक वाला मुकुट के पावेक लगिन इ सोउब के करेला। मगर हमरे तो उ मुकुट के पावेक लगिन मेहनइत करिला जे मुरझाएक वाला नखे।

फिलिप्पियनमन 4:5

तोहरे केर नरम स्वभाव के सोउब आदमीमन जाइन जाओक, प्रभु जल्दी हें स्वरग से घूइर आवाथे।

2 तीमुथियुस 2:5

फिन जब केऊ कोनों खेल-कूद में भाग लेवेला, तो उ तब तक इनाम जितेक नी पारी, जब तक कि उ नियम केर मोताबिक नी खेली।

2 तीमुथियुस 4:8

प्रभु मोर लगिन स्वरग में इनाम राइख हे, काले कि मोंय धारमिकता केर जिंदगी जी के उके खुश काइर हों, इ इनाम के हमर प्रभु यीशु मसीह जब उ घूइर आवी तब मोके देवी, जे धरमी आउर फैसला करेक वाला हाकिम हेके। आउर ना सिरिफ मोके भइर इनाम देवी, मगर उ सोउबमन के हों देवी जेमन उकर घूइर आवेक केर बे सबरी से आसरा देखाथैं।

याकूब 1:12

धाइन अहे उ आदमी, जे परीक्षा में स्थिर रहेला, काले कि उ खरा निकइल के जिंदगी केर उ मुकुट के पावी, जेकर करार प्रभु अपन प्रेम करइयामन से काइर हे।

याकूब 5:9

हे भाईमन, एक दोसर उपरे दोष ना लगावा ताकि तोहरेमन उपरे हों दोष ना लगाल जाओक। देखा फैसला करेक वाला हाकिम दुरा ठिना ठड़ाल अहे।

प्रकाशितवाक्य 1:3

धाइन हेके उ, जे इ भविष्यवाणी केर बचन के पढ़ेला, आउर उमन, जेमन सुनैना आउर इकर में लिखल गोइठमन के मानैना, काले कि समय भीरे अहे।

प्रकाशितवाक्य 16:15

उ भूतमन राजामन के आउर उमन केर सेनामन के उ ठाँव में जमा करलैं, जेके इब्रानी भाषा में हर-मगिदोन कहल जायला। एहे लगिन प्रभु यीशु कहलक, “सावधान! मोंय चोर नियर अचका आमूँ, धाइन हेके उ, जे जागते रहेला आउर अपन लुगा केर रखवाली करेला, ताकि उ नंगा ना फिरोक, आउर आदमीमन उकर नंगापन के ना देखोक।”

प्रकाशितवाक्य 2:10

जे दुःख तोके झेलेक होवी, उमन से ना डराव। काले कि देख, शैतान तोहर में से थोरेक आदमीमन के जेहेल घर में साजेक वाला अहे, ताकि तोहरेमन परखल जबा, आउर तोहरेमन के दस दिन तक दुःख उठाएक होवी। प्राण देवेक तक बिसवासी रहा, तो मोंय तोहरे के जिंदगी केर मुकुट देमूँ।

प्रकाशितवाक्य 2:13

मोंय इ तो जानोना कि तोंय हूवाँ रहिसला जहाँ शैतान केर सिंहासन अहे, आउर तोंय मोर नाँव में स्थिर रहिसला। तोंय मोर उपरे बिसवास करेक से उ दिनमन में हों पिछे नी हटले, जेकर में मोर बिसवास लायक गवाह अन्तिपास, तोहर माझे उ ठाँव में मोराल गेलक जहाँ शैतान रहेला।

प्रकाशितवाक्य 2:25

मगर हाँ, जे तोहर ठिना अहे उके मोर आवेक तक थाइम रहा।

प्रकाशितवाक्य 22:12

प्रभु यीशु कहलक, “देख, मोंय जल्दी आवेक वाला अहों, आउर हरेक झन केर काम केर मोताबिक बदला देवेक लगिन मोर ठिना इनाम अहे।

प्रकाशितवाक्य 22:20

जे इ गोइठमन केर गवाही देवेला, उ इ कहेला, “हाँ, मोंय जल्दी आवेक वाला अहों।” आमीन। हे प्रभु यीशु आव!

प्रकाशितवाक्य 22:7

यीशु कहलक, “देख, मोंय जल्दी आवेक वाला अहों! धाइन अहे उ, जे इ किताब केर भविष्यवाणी केर गोइठमन के मानेला।”

प्रकाशितवाक्य 3:3

से लगिन याइद कर कि तोंय कइसन गेयान पाले आउर सुइन रहिस, आउर उकर में बनल रह, आउर पाप करेक छोइड़ दे। आउर अगर तोंय सावधान नी रहबे तो मोंय चोर नियर आय जामूँ आउर तोंय नी जानेक पारबे कि कोन घड़ी तोर ठिना आय जामूँ।

प्रकाशितवाक्य 4:10

तब चोबिसो मुखियामन सिंहासन में बइठेक वाला केर सामने गिरबैं आउर उकर जे जुग-जुग जिंदा अहे, भक्ति करबैं आउर उमन अपन-अपन मुकुट सिंहासन केर सामने इ कहते डाइल देबैं:

प्रकाशितवाक्य 4:4

उ सिंहासन केर चाइरो बटे चोबीस गो सिंहासन अहे आउर उ सिंहासनमन में चोबीस मुखियामन चरका लुगा पिंध के बइठल अहैं, आउर उ मनक मूँड़ उपरे सोना केर मुकुट अहे।