प्रकाशितवाक्य 3:10 - सादरी नवाँ नियम

¹⁰ काले कि तोंय मोर धीरजरूपी आगया केर पालन काइर हिस, से लगिन मोंय हों तोके परीक्षा केर उ बेरा बचाय रखमूँ, जे धरती में रहेक वाला आदमीमन के परखेक लगिन गोटा दुनिया में आवेक वाला अहे।

प्रकाशितवाक्य 3:10 Iomraidhean Croise

मत्ती 24:14

आउर परमेश्‍वर केर राइज केर शुभ समाचार गोटा दुनिया में परचार करल जाई, ताकि सोउब जाइत केर आदमीमन के यीशु के ग्रहण करेक केर मोका मिली, तब इकर पाछे दुनिया केर अंत होई जाई।

मत्ती 26:41

“तोहरेमन सोउब जागते रहा आउर प्रार्थना करते रहा, जेकर से तोहरे के शैतान बहकाएक ना पारोक। जे मोंय चाहोना उके तोहरेमन करेक तो चाहाला मगर तोहरे केर काया में उके पूरा करेक केर ताकत नखे।”

मत्ती 6:13

आउर हमरे के परीक्षा में ना लान, मगर शैतान केर बहकाएक से बचाव, काले कि राइज आउर पराक्रम आउर महिमा सोउब बेरा तोर हें हेके। आमीन।

मरकुस 14:9

मोंय तोहरेमन से सच कहाथों, समूचा दुनिया में जहाँव-कहाँ शुभ समाचार केर परचार करल जाई, हूवाँ उकर इ काम केर चरचा हों उकर याइद में करल जाई।”

लूका 2:1

उ दिनमन रोमी महाराजा औगुस्तुस अपन राइज केर आदमीमन केर गिनती करेक केर आगया देलक।

यूहन्ना 17:6

तोंय जे आदमीमन के दुनिया केर आदमीमन में से चुइन के मोके देले। उमन के मोंय बतालों कि तोंय के हेकिस, उमन तोर रहैं आउर तोंय उमन के मोके देले आउर उमन तोर बचन के माइन लेई हैं।

रोमानियनमन 1:8

पहिले मोंय तोहरे सोउबमन केर लगिन यीशु मसीह केर द्वारा अपन परमेश्‍वर के धन्यबाद देवोना, काले कि ढेइर ठाँवमन में यीशु मसीह उपरे तोहर बिसवास केर बारे में चरचा होवाथे।

1 कुरिनथियनमन 10:13

तोहरेमन कोनों एइसन परीक्षा में नी पाइड़ हा, जे आदमी केर सहेक से बाहर अहे। आउर परमेश्‍वर बिसवास लायक अहे, उ तोहरेमन के सहेक से बाहर परीक्षा में पड़ेक नी देवी, बल्कि परीक्षा से बचेक में मदइत करी।

इफिसियनमन 6:13

इ लगिन परमेश्‍वर केर सोउब हँथियार के धाइर के तेयार रहा, ताकि जब बुरा दिन आवी तो जे कोनों करेक पराई उके करल पाछे तोहरेमन मजबूती से स्थिर रहेक पारबा।

2 तीमुथियुस 2:12

अगर हमरे धीरज से उकर लगिन दुःख सहते रहब, तो उकर संगे राजा नियर राइज हों करब, मगर हमरे उके जानेक से इंकार काइर देवब, तो उ हों हमरे के कइह देवी कि मोंय तोहरे के नी जानोना।

याकूब 3:12

हे मोर भाईमन, अंजीर केर गाँछ में जैतून चाहे अंगूर केर गाँछ में अंजीर नी फरेला, एहे नियर खारा कुआँ से मिठा पानी नी निकलेक पारेला।

1 पतरस 4:12

हे बिसवासी भाईमन, उ दुःख देवेक वाला चीजमन केर बारे में ताजुब ना होवा जेकर खातिर तोहरेमन दुःख उठाथा, काले कि तोहरेमन मसीह केर हेका। मगर इ चीज इ देखाएक लगिन होवाथे कि का तोहरे सच में आबा परमेश्‍वर उपरे बिसवास कराला। से लगिन, इ ना सोचा कि तोहर संगे कुछ अजीब होवाथे।

2 पतरस 2:9

इ सोउब काम के जे आबा परमेश्‍वर बितल दिन में करलक, तो इकर से साफ पता चलेला कि परमेश्‍वर जानेला कि धरमी आदमी के का लेखे परीक्षा से निकलाई आउर दुष्ट आदमीमन के का लेखे फैसला होवेक केर दिन तक सजा देवेक लगिन रखी।

प्रकाशितवाक्य 1:9

मोंय यूहन्ना जे तोहर संगी बिसवासी आउर मसीह केर लगिन दुःख सहेक में, आउर आबा परमेश्‍वर केर राइज में, आउर धीरज केर संगे उ दुःखमन के सहेक में तोहर संगी हेकों, जे उ आदमीमन उपरे आवेला जेमन केर रिश्ता उकर संगे अहे। मोके पतमुस टापू में कैदी बनाय के भेइज देवल जाय रहे। काले कि मोंय आबा परमेश्‍वर केर बचन के परचार काइर रहों आउर यीशु केर सच्चा संदेश के बताय रहों।

प्रकाशितवाक्य 11:10

आउर धरती केर रहेक वाला आदमीमन, उ दुयो गवाह केर मोरेक से रिझे होई के खुशी मनाबैं, आउर एक-दोसर ठिना भेंट भेजबैं, काले कि इ दुयो संदेश के बताएक वालामन धरती केर रहेक वालामन के सताए रहैं।

प्रकाशितवाक्य 13:10

जेकर बंदी बनेक लिखल अहे, उके बंदी बनाल जाई, आउर जेमन लगिन इ ठहराल जाय हे कि उमन तलवाइर से मारल जाबैं। उमन लगिन इ पक्का अहे कि उमन तलवाइर से हें मोराल जाबैं। से लगिन परमेश्‍वर केर आदमीमन के इ सोउब गोइठमन में धीरज धारेक चाही, आउर परमेश्‍वर उपरे भरसा करेक चाही।

प्रकाशितवाक्य 13:14

आउर उ चिन्हामन केर खातिर जेके उ जानवर केर सामने देखाएक केर अधिकार उके देवल जाय रहे, उ धरती केर रहेक वाला आदमीमन के बहकात रहे आउर उमन से इ कहत रहे कि जे जानवर के तलवाइर लाइग रहे, उ जी जाय हे, उकर मूर्ति बनावा।

प्रकाशितवाक्य 13:8

धरती केर उपरे रहेक वाला सोउब आदमीमन राक्षस केर पूजा करेक लगलैं। सिरिफ ओहेमन उकर पूजा नी करलैं, जेमन केर नाँव दुनिया केर सिरजन होवेक से पहिलेहें से जिंदगी केर किताब में लिखल जाय रहे। इ जिंदगी केर किताब उ मेमना केर किताब हेके, जेके बलिदान केर रूप में माइर देवल जाय रहे।

प्रकाशितवाक्य 14:12

अब पवितर आदमीमन केर धीरज इकरे में अहे, जे परमेश्‍वर केर आगयामन के मानैना आउर यीशु केर उपरे बिसवास रखैना।

प्रकाशितवाक्य 14:6

फिन मोंय एक आउर स्वरगदूत के आकाश केर माझे में उड़ते देखलों, जेकर ठिना धरती केर रहेक वाला आदमीमन केर हर एक जाइत, गोतर, भाषा आउर आदमीमन के सुनाएक लगिन जुग-जुग केर शुभ समाचार रहे।

प्रकाशितवाक्य 16:14

इमन चिन्हा देखाएक वाला भूतमन हेकैं, जे समूचा दुनिया केर राजामन ठिना निकइल के इ लगिन जायना कि उमन के सर्वशक्तिमान परमेश्‍वर केर उ महान दिन केर लड़ाई लगिन जमा करोक।

प्रकाशितवाक्य 17:2

जेकर संगे धरती केर राजामन ब्यभिचार करलैं, आउर धरती केर रहेक वाला आदमीमन उकर ब्यभिचार केर नशा से माइत जाय रहैं।”

प्रकाशितवाक्य 17:8

जे जानवर तोंय देइख हिस, उ पहिले तो रहे, मगर अब नखे, मगर उ बेथाह गढ़हा से निकइल के आवी, सेहे बेरा उकर बिनाश होई जाई। आउर धरती केर रहेक वाला आदमीमन जेमन केर नाँव दुनिया केर सिरजेक बेरा से जिंदगी केर किताब में लिखल नखे, इ जानवर केर इ दशा देइख के कि पहिले रहे, आउर अब नखे आउर फिन आय जाई, ताजुब करबैं।

प्रकाशितवाक्य 2:10

जे दुःख तोके झेलेक होवी, उमन से ना डराव। काले कि देख, शैतान तोहर में से थोरेक आदमीमन के जेहेल घर में साजेक वाला अहे, ताकि तोहरेमन परखल जबा, आउर तोहरेमन के दस दिन तक दुःख उठाएक होवी। प्राण देवेक तक बिसवासी रहा, तो मोंय तोहरे के जिंदगी केर मुकुट देमूँ।

प्रकाशितवाक्य 3:8

मोंय तोर काममन के जानोना, देख, मोंय तोर सामने एगो दुरा खोइल के राइख हों, जेके केऊ बंद करेक नी पारी, तोर शक्ति थोरेसन तो अहे, फिन भी तोंय मोर बचन केर पालन काइर हिस आउर मोर नाँव केर इंकार नी करले।

प्रकाशितवाक्य 6:10

आउर उमन जोर से आवाज देई के कहलैं, “हे मालिक, तोंय पवितर आउर सच्चा हेकिस। तोंय कब तक फैसला नी करबे? आउर धरती में रहेक वाला आदमीमन से हमर लोहू केर पलटा केखन तक नी लेबे?”

प्रकाशितवाक्य 8:13

जब मोंय फिन देखलों तो आकाश केर माझे में एगो उकाब चरई के उड़ते आउर जोर से इ कहते सुनलों, “उ तीन गो स्वरगदूतमन केर तुरही केर शबदमन केर खातिर जेमन केर फुँकेक एखन बचल अहे, धरती केर रहेक वालामन उपरे हाय! हाय! हाय!”