प्रकाशितवाक्य 3:1 - सादरी नवाँ नियम

¹ सरदीस शहर केर कलीसिया केर स्वरगदूत के इ संदेश लीख: मोंय ओहे हेकों जेकर ठिना परमेश्‍वर केर सात गो आत्मा आउर सात गो तइरगन अहैं। मोंय तोके जे कहाथों उके सुन: मोंय तोर काममन के जानोना कि तोंय जिंदा तो कहाइसला, मगर मोरल अहिस।

प्रकाशितवाक्य 3:1 Iomraidhean Croise

लूका 15:24

काले कि मोर इ बेटा मोइर जाय रहे, फिन जी गेलक, हेराय जाय रहे, अब मिल गेलक।’ आउर उमन खुशी मनायक लगलैं।

लूका 15:32

मगर एखन खुशी मनाएक आउर रिझेक चाही काले कि इ तोर भाई मोरल जइसन रहे फिन जी गेलक, हेराय जाय रहे, अब मिल गेलक।’ ”

यूहन्ना 1:16

काले कि उकर भरपूरी में से हमरे आशीष उपरे आशीष पाली।

यूहन्ना 1:33

मोंय हों उके नी चिन्हत रहों कि उ मसीह हेके, मगर जे मोके पानी में बपतिस्मा जल संस्कार देवेक लगिन भेजलक, ओहे मोर से कहलक, ‘जेकर उपरे तोंय पवितर आत्मा के उतरते आउर उकर में रुकते देखबे, ओहे पवितर आत्मा से बपतिस्मा देवेक वाला हेके।’

यूहन्ना 20:22

इ कइह के यीशु उ मनक उपरे साँस के फूकलक आउर उमन से कहलक, “पवितर आत्मा के लेवा।

यूहन्ना 3:34

परमेश्‍वर जे आदमी के भेइज हे, उ आदमी परमेश्‍वर केर हें गोइठ के बतायला, काले कि परमेश्‍वर पवितर आत्मा के नाइप-नाइप के नी देवेला, मगर उ भरपूरी से देवेला।

खास चेलामन केर काम 2:33

अब उ स्वरग में परमेश्‍वर केर भतखाइया आरा सोउब से ऊँचा पद पाय के बइठल अहे, आउर आबा परमेश्‍वर जइसन उ करार काइर रहे तइसनेहें यीशु के पवितर आत्मा देलक आउर उ पवितर आत्मा के हमरे के देलक, जइसन आइज तोहरे देखाथा आउर सुनाथा।

इफिसियनमन 2:1

तोहरेमन ठिना पहिले परमेश्‍वर केर नवाँ जिंदगी नी रहे, तोहरे तो अपन बुरा काममन आउर पापमन केर चलते मोरल आदमीमन नियर रहा।

कुलुसियनमन 2:13

आउर परमेश्‍वर तोहरेमन के हों, जे अपन गुन्हामन आउर पापी स्वभाव केर चलते आत्मा में मोरल रहा, उकर संगे जियालक, आउर हमर सोउब पापमन के क्षमा करलक।

1 तीमुथियुस 5:6

मगर उ बिधवामन जेमन अपन पूरा समय भोग बिलास में बिताय देवैना, उमन जिंदा रहते हों एगो मोरल आदमी नियर अहैं।

याकूब 2:26

जइसन काया बेगर आत्मा केर मोरल अहे तइसनेहें बिसवास हों बेगर भला काममन केर मोरल अहे।

1 पतरस 1:11

मसीह केर आत्मा उमन में रहे, आउर उमन के बतात रहे कि मसीह कइसन दुःख उठाई आउर उके कइसन महिमा देवल जाई। इ लगिन उमन इ खोज-बीन करलैं कि मसीह केहर होवी आउर इ सोउब कहिया होवी।

यहूदा 1:12

जब इमन प्रभु केर प्रेम के याइद करते तोहर संगे तोहरे केर संगति में भोजन करैना, तो इमन उ खतरनाक चट्टाइनमन नियर होवैना जे समुदर केर हेंठे लुकल रहेला, जे तोहर डुबेक केर कारण बाइन सकेला। उमन उ चरवाहामन नियर अहैं जे सिरिफ अपनेहें केर चिंता करैना। उमन उ बदरीमन नियर अहैं, जे भूंई में बरसल बिना सिरिफ गरजेला। उमन ठंढा मौसम केर गाँछमन नियर होवैना जेमन केर दूई बेर माउत होवेला काले कि उमन कोनों फार नी देवैना आउर जाइर से उखइर जायना।

प्रकाशितवाक्य 1:11

उ कहत रहे, “जे कुछ तोंय देखाथिस उके किताब में लीख के सातों कलीसियामन ठिना भेइज दे, मतलब इफिसुस, स्मुरना, पिरगमुन, थुआतीरा, सरदीस, फिलदिलफिया आउर लौदीकिया शहर केर कलीसिया के भेइज दे।”

प्रकाशितवाक्य 1:16

उ अपन भतखाइया हाँथ में सात गो तइरगन लेई रहे, आउर उकर मुँह से दुइयो आरा तेज धार वाला एगो तलवाइर निकलत रहे। उकर मुँह एइसन चमकत रहे, जइसन बेइर कलवा बेरा चमकेला।

प्रकाशितवाक्य 1:20

उ सात तइरगनमन केर भेद, जेमन के तोंय मोर भतखाइया हाँथ में देइख रहिस, आउर उ सात गो दीया रखेक केर खूँटा केर भेद: उ सात तइरगनमन सातों कलीसियामन केर दूत हेकैं, आउर उ सात दीया खूँटा सात कलीसियामन हेकैं।”

प्रकाशितवाक्य 1:4

इ चिट्ठी मोंय यूहन्ना केर बटले हेके, जेके मोंय आसिया परदेस केर सातों कलीसिया केर आदमीमन के लिखाथों। मोंय प्रार्थना कराथों कि तोहरे सोउबमन के परमेश्‍वर बटले किरपा आउर शांति मिलते रहोक। उ जे अहे, आउर जे रहे, आउर जे आवेक वाला अहे, आउर उ सात आत्मामन बटले, जेमन उकर सिंहासन केर भीरे अहैं।

प्रकाशितवाक्य 2:13

मोंय इ तो जानोना कि तोंय हूवाँ रहिसला जहाँ शैतान केर सिंहासन अहे, आउर तोंय मोर नाँव में स्थिर रहिसला। तोंय मोर उपरे बिसवास करेक से उ दिनमन में हों पिछे नी हटले, जेकर में मोर बिसवास लायक गवाह अन्तिपास, तोहर माझे उ ठाँव में मोराल गेलक जहाँ शैतान रहेला।

प्रकाशितवाक्य 2:19

मोंय तोर काममन, तोर प्रेम आउर बिसवास आउर सेवा, आउर धीरज के जानोना, आउर एहो जानोना कि तोर पिछला काम पहिले केर काममन से बाइढ़ के अहे।

प्रकाशितवाक्य 2:2

मोंय तोर काम, मेहनइत आउर तोर धीरज के जानोना। मोंय एहो जानोना कि तोंय बुरा आदमीमन के देखेक नी पारिसला। जे खुद के खास चेला कहैना मगर उमन ना लगैं, उमन के तोंय परइख के झूठा पाले।

प्रकाशितवाक्य 2:9

मोंय तोर दुःख आउर गरीबी के जानोना, मगर हकीकत में तोंय धनी अहिस। आउर जे आदमीमन खुद के यहूदी कहैना आउर ना लगैं, मगर शैतान केर सभा हेकैं, उमन केर निंदा के हों जानोना।

प्रकाशितवाक्य 3:15

मोंय तोर काममन के जानोना कि तोंय ना तो ठंढा हेकिस आउर ना गरम: भला होतक कि तोंय ठंढा या गरम होते।

प्रकाशितवाक्य 3:2

से लगिन सावधान होई जा, तोर भीतरे जे मोर उपरे थोरेक बिसवास बाइच हे उके मजबूत कर, ताकि इ पूरा रीति से ना सिराय जाओक। काले कि मोंय तोर कोनों काम के अपन परमेश्‍वर केर भीरे पूरा नी पालों।

प्रकाशितवाक्य 3:8

मोंय तोर काममन के जानोना, देख, मोंय तोर सामने एगो दुरा खोइल के राइख हों, जेके केऊ बंद करेक नी पारी, तोर शक्ति थोरेसन तो अहे, फिन भी तोंय मोर बचन केर पालन काइर हिस आउर मोर नाँव केर इंकार नी करले।

प्रकाशितवाक्य 4:5

उ सिंहासन में से बिजली आउर गरजेक केर आवाज निकलाथे आउर सिंहासन केर भीरे आइग केर सात गो दीया बराथे, उमन परमेश्‍वर केर सात आत्मामन हेकैं।

प्रकाशितवाक्य 5:6

तब मोंय उ सिंहासन आउर चाइरो जीवमन आउर उ मुखियामन केर माझे, एगो मेमना के ठड़ाल देखलों। उ बलि करल मेमना नियर रहे। उकर सात गो सींग आउर सात गो आँइख रहे, इ परमेश्‍वर केर सातों आत्मामन हेकैं, जे समूचा धरती में भेजल जाय हैं।