प्रकाशितवाक्य 22:9 - सादरी नवाँ नियम

⁹ मगर उ मोर से कहलक, “देख, एइसन ना कर। काले कि मोंय तोर आउर परमेश्‍वर केर संदेश के बताएक वाला तोर भाईमन आउर उ आदमीमन केर जे इ किताब केर गोइठमन के मानैना, उ मनक संगी सेवक भाइर हेकों। तोंय परमेश्‍वर केर हें आराधना कर।”

प्रकाशितवाक्य 22:9 Iomraidhean Croise

मत्ती 4:9

यीशु से कहलक, “अगर तोंय ठेहुना टेइक के मोर भक्ति करबे, तो मोंय इ सोउब कुछ के तोके देई देमूँ।”

लूका 4:7

से लगिन अगर तोंय ठेहुना टेइक के मोर भक्ति करबे, तो इ सोउब तोर होई जाई।”

1 यूहन्ना 5:20

हमरेमन एहो जानिला कि परमेश्‍वर केर बेटा यीशु मसीह इ दुनिया में आय जाय हे आउर उ हमरेमन के समझ देई हे कि हमरे उ सच्चा परमेश्‍वर के चिन्हब, हमरेमन उकर में जे सच्चाई हेके मतलब उकर बेटा यीशु मसीह में रहिला। सच्चा परमेश्‍वर आउर जुग-जुग केर जिंदगी एहे हेके।

प्रकाशितवाक्य 1:1

इ प्रकाशितवाक्य यीशु मसीह केर बटले अहे, जेके परमेश्‍वर उकर उपरे इ लगिन दिस्तार काइर हे कि उ अपन सेवकमन के, उ गोइठमन के जे जरूर हें जल्दी होवेक वाला अहे, देखाओक। यीशु मसीह अपन स्वरगदूत के भेइज के उकर जरिया से, इ प्रकाशन के अपन सेवक यूहन्ना के बतालक।

प्रकाशितवाक्य 1:11

उ कहत रहे, “जे कुछ तोंय देखाथिस उके किताब में लीख के सातों कलीसियामन ठिना भेइज दे, मतलब इफिसुस, स्मुरना, पिरगमुन, थुआतीरा, सरदीस, फिलदिलफिया आउर लौदीकिया शहर केर कलीसिया के भेइज दे।”

प्रकाशितवाक्य 14:7

आउर उ जोर से कहलक, “परमेश्‍वर से डरावा आउर उकर महिमा करा। काले कि उकर फैसला करेक केर बेरा आय पोंहइच हे, आउर उकर आराधना करा, जे स्वरग आउर धरती आउर समुदर आउर पानी केर सोता सिरजालक।”

प्रकाशितवाक्य 15:4

हे प्रभु, के तोर से नी डराई आउर तोर नाँव केर महिमा नी करी? काले कि सिरिफ तोंय हें पवितर अहिस। सोउब जाइत केर आदमीमन आय के तोर भीरे आराधना करबैं, काले कि तोर फैसला केर काम दिस्तार होई जाय हे।”

प्रकाशितवाक्य 19:10

तब मोंय उकर पाँव केर भीरे निहइर के माथा टेकलो आउर उकर आराधना करलों। उ मोर से कहलक, “देख, एइसन ना कर, मोंय तोर आउर तोर भाईमन केर संगी दास हेकों, जे यीशु केर गवाही देवेक में स्थिर अहैं। परमेश्‍वर केर हें आराधना कर। काले कि यीशु केर गवाही भविष्यवाणी केर आत्मा हेके।”

प्रकाशितवाक्य 22:10

फिन उ मोर से कहलक, “इ किताब केर भविष्यवाणी केर गोइठमन के बंद ना कर, काले कि समय भीरे अहे।

प्रकाशितवाक्य 22:18

मोंय हर एक के जे इ किताब केर भविष्यवाणी केर गोइठमन के सुनेला, गवाही देवोना: अगर केऊ आदमी इ गोइठमन में कुछ बढ़ाई, तो परमेश्‍वर उ बिपइतमन के जे इ किताब में लिखल अहे, उकर उपरे बढ़ाई।

प्रकाशितवाक्य 22:7

यीशु कहलक, “देख, मोंय जल्दी आवेक वाला अहों! धाइन अहे उ, जे इ किताब केर भविष्यवाणी केर गोइठमन के मानेला।”

प्रकाशितवाक्य 4:10

तब चोबिसो मुखियामन सिंहासन में बइठेक वाला केर सामने गिरबैं आउर उकर जे जुग-जुग जिंदा अहे, भक्ति करबैं आउर उमन अपन-अपन मुकुट सिंहासन केर सामने इ कहते डाइल देबैं:

प्रकाशितवाक्य 9:20

आउर बचल आदमीमन जे उ बिपइतमन से नी मोइर रहैं अपन हाँथमन केर बुरा काममन के करेक नी छोड़लैं। उमन भूत-प्रेतमन आउर, सोना, चाँदी, पीतल, पखना आउर काठ केर बनाल मूर्तिमन केर पूजा करेक नी छोड़लैं, जेमन ना देखेक पारैना, ना सुनेक पारैना आउर ना हें चलेक पारैना।