प्रकाशितवाक्य 22:2 - सादरी नवाँ नियम

² उ नगर केर सड़क केर माझे-माझे बहत रहे। नदी केर इ पाखी आउर उ पाखी, जीवन केर गाँछ रहे। उकर में बारह रकम केर फार फरत रहे, आउर उ हर महिना फरत रहे, आउर उ गाँछ केर पत्तइ से जाइत-जाइत केर आदमीमन ठीक होई जात रहैं।

प्रकाशितवाक्य 22:2 Iomraidhean Croise

लूका 4:18

“प्रभु केर आत्मा मोर उपरे अहे, काले कि उ मोके इकर लगिन भेइज हे कि मोंय गरीब आदमीमन के शुभ समाचार सुनामूँ, बंधुवामन के छोड़ामूँ, अंधरामन केर आँइख खोलमूँ आउर दबल-कुचल आदमीमन के आजाद करमूँ,

1 पतरस 2:24

जब मसीह क्रूस उपरे मोरलक, तो उ अपन काया में हमर पाप केर बदली में दंड के सहलक, उ एइसन इ लगिन करलक ताकि अब हमरे आगे पाप करेक छोइड़ के धरमी जिंदगी जियब, आउर उ अपन काया में माउर खाय के घवाहा होई गेलक जेकर से हमरे चंगा होई गेली।

प्रकाशितवाक्य 2:7

जेमन केर कान अहे उमन धेयान से सुइन लेवा कि पवितर आत्मा कलीसिया केर आदमीमन से का कहेला। जे जीत जाई, उके मोंय उ जिंदगी केर गाँछ में से जे परमेश्‍वर केर स्वरग लोक में अहे, खाएक लगिन फार देमूँ।

प्रकाशितवाक्य 21:21

बारहों फाटक, बारह मोतीमन केर रहे, एक-एक फाटक, एक-एक मोती केर बनाल रहे। आउर नगर केर सड़क सफा काँच नियर शुद्ध सोना केर रहे।

प्रकाशितवाक्य 21:24

जाइत-जाइत केर आदमीमन उकर इंजोत में चलबैं-फिरबैं, आउर इ धरती केर राजामन अपन-अपन धन-दौलत के उकर में लानबैं।

प्रकाशितवाक्य 22:1

तब स्वरगदूत मोके एगो नदी देखालक, जे जीवन केर पानी केर नदी रहे। उ नदी बिल्लौर मतलब साफ काँच केर नियर चमकत रहे। इ नदी परमेश्‍वर आउर मेमना केर सिंहासन से बहत रहे।

प्रकाशितवाक्य 22:14

धाइन हेकैं उमन, जेमन अपन लुगा के मेमना केर लोहू से धोई लेवैना, काले कि उमन के जीवन केर गाँछ ठिना आवेक केर अधिकार मिली आउर उमन फाटकमन से होई के नगर में ढूकबैं।

प्रकाशितवाक्य 22:19

अगर केऊ इ भविष्यवाणी केर किताब केर गोइठमन में से कुछ के निकलाय देई, तो परमेश्‍वर उ जीवन केर गाँछ आउर पवितर नगर में से जेकर चरचा इ किताब में अहे, उकर हिस्सा निकलाय देई।