प्रकाशितवाक्य 22:1 - सादरी नवाँ नियम

¹ तब स्वरगदूत मोके एगो नदी देखालक, जे जीवन केर पानी केर नदी रहे। उ नदी बिल्लौर मतलब साफ काँच केर नियर चमकत रहे। इ नदी परमेश्‍वर आउर मेमना केर सिंहासन से बहत रहे।

प्रकाशितवाक्य 22:1 Iomraidhean Croise

यूहन्ना 13:32

आउर परमेश्‍वर हों अपन में उकर महिमा करी, आउर उ उके तुरते करी।

यूहन्ना 15:26

मगर मोंय आबा परमेश्‍वर बटे से तोहर लगिन एगो मदइत करेक वाला के भेजमूँ, उ सच्चाई केर आत्मा हेके, जे आबा परमेश्‍वर बटे से आवेला आउर जे सच्चाई हेके, उखे दिस्तार करेला। उ तोहरेमन के मोर बारे में बताई।

यूहन्ना 4:14

मगर जे केऊ मोर देवल पानी के पियी, उके कहियो पियास नी लगी। जे पानी मोंय उके देमूँ, उ उकर में पानी केर सोता बाइन जाई आउर इ सोता से पानी निकलते रही, जे उके जुग-जुग केर जिंदगी देवी।”

खास चेलामन केर काम 2:33

अब उ स्वरग में परमेश्‍वर केर भतखाइया आरा सोउब से ऊँचा पद पाय के बइठल अहे, आउर आबा परमेश्‍वर जइसन उ करार काइर रहे तइसनेहें यीशु के पवितर आत्मा देलक आउर उ पवितर आत्मा के हमरे के देलक, जइसन आइज तोहरे देखाथा आउर सुनाथा।

प्रकाशितवाक्य 1:1

इ प्रकाशितवाक्य यीशु मसीह केर बटले अहे, जेके परमेश्‍वर उकर उपरे इ लगिन दिस्तार काइर हे कि उ अपन सेवकमन के, उ गोइठमन के जे जरूर हें जल्दी होवेक वाला अहे, देखाओक। यीशु मसीह अपन स्वरगदूत के भेइज के उकर जरिया से, इ प्रकाशन के अपन सेवक यूहन्ना के बतालक।

प्रकाशितवाक्य 21:11

परमेश्‍वर केर महिमा उकर में रहे, आउर उकर तेज रोशनी बिल्लौर केर जइसन मतलब यशब नाँव केर ढेइर किमती पखना नियर चमकत रहे आउर काँच नियर सफा रहे।

प्रकाशितवाक्य 21:6

फिन उ मोर से कहलक, “इ गोइठमन पूरा होई जाय हे। मोंय अलफा आउर ओमिगा, शुरु आउर आखरी हेकों। मोंय पियासा के जीवन केर पानी केर सोता में से मुफत में पियामूँ।

प्रकाशितवाक्य 21:9

फिन जे सात स्वरगदूतमन ठिना सात आखरी बिपइतमन से भरल सात कटोरा रहे, उमन में से एक मोर ठिना आय के कहलक, “हिने आव, मोंय तोके दुलहिन मतलब मेमना केर पत्नी देखामूँ।”

प्रकाशितवाक्य 22:17

आत्मा आउर दुलहिन दुइयो कहैना, “आव!” आउर सुनेक वालामन हों कहोक, “आव!” जे पियासा अहे, उ आवोक, आउर जे केऊ चाही, उ जीवन केर पानी मुफत में लेवोक।

प्रकाशितवाक्य 22:6

फिन उ मोर से कहलक, “इ गोइठमन बिसवास केर लायक आउर सच्चा हेके। प्रभु जे उकर संदेश के बताएक वालामन केर आत्मामन केर परमेश्‍वर हेके, अपन स्वरगदूत के इ लगिन भेजलक कि अपन सेवकमन के उ गोइठमन जेमन केर जल्दी पूरा होवेक जरुरी अहे, देखाओक।”

प्रकाशितवाक्य 3:21

जे जीत जाई, मोंय उके अपन संगे अपन सिंहासन में बइठामूँ, जइसन मोंय हों जीत के अपन आबा केर संगे उकर सिंहासन में बाइठ गेलों।

प्रकाशितवाक्य 5:13

फिन मोंय स्वरग में, आउर धरती में आउर धरती केर हेंठे आउर समुदर केर सोउब सिरजाल चीजमन के आउर सोउब कुछ के जे उकर में अहे, इ कहते सुनलों, “जे सिंहासन में बाइठ हे, उकर आउर मेमना केर धन्यबाद, आदर आउर महिमा आउर राइज जुग-जुग रहोक।”

प्रकाशितवाक्य 5:6

तब मोंय उ सिंहासन आउर चाइरो जीवमन आउर उ मुखियामन केर माझे, एगो मेमना के ठड़ाल देखलों। उ बलि करल मेमना नियर रहे। उकर सात गो सींग आउर सात गो आँइख रहे, इ परमेश्‍वर केर सातों आत्मामन हेकैं, जे समूचा धरती में भेजल जाय हैं।

प्रकाशितवाक्य 7:17

काले कि मेमना, जे सिंहासन केर माझे में अहे, उमन केर रखवाली करी आउर उमन के जीवन रुपी पानी केर सोता ठिना लेई जाई, आउर परमेश्‍वर उ मनक आँइख से सोउब आँसू के पोंइछ देवी।”