प्रकाशितवाक्य 21:8 - सादरी नवाँ नियम

⁸ मगर डरपोकमन, अबिसवासीमन, घिनघिना काम करेक वालामन, आउर हत्यारामन, ब्यभिचारीमन, ओझामन, मूर्ति पूजा करेक वालामन आउर सोउब झूठा आदमीमन केर हिस्सा उ झील में मिली, जे आइग आउर गंधक से बरते रहेला: इ दूसरा माउत हेके।”

प्रकाशितवाक्य 21:8 Iomraidhean Croise

मत्ती 10:28

तोहरेमन उमन से ना डरावा, जेमन काया के तो माइर मोराएक पारबैं, मगर आत्मा के मोराएक नी पारबैं, तोहरेमन उकरे से डरावा, जे आत्मा आउर काया दुयो के नरक में नाश करेक पारेला।

मत्ती 25:25

से लगिन मोंय डराय गेलों आउर जाय के तोर सोना केर सिक्का के भूंई कोइड़ के माटी में लुकाय देलों। देख, जे तोर हेके, उ इ हेके।’

मत्ती 8:26

यीशु उमन से कहलक, “हे थोर बिसवास करइयामन, काले डराथा? तोहरेमन के बिसवास नखे कि मोंय तोहरेमन के बचाएक पारमूँ।” तब यीशु उइठ के आँधी आउर पानी के डाँटलक आउर सोउब स्थिर होई गेलक।

मरकुस 9:44

काले कि हूवाँ केर आइग नी बुतेला आउर कीड़ा हों नी मोरेला।

यूहन्ना 8:44

तोहर आबा शैतान हेके आउर तोहरेमन उकर इच्छा के हें पूरा करेक चाहाला। उ तो शुरु से हें हत्यारा अहे। आउर उके सच्चाई से कोनों लेना-देना नखे, काले कि सच्चाई उकर में हइये नखे। जब उ झूठ बोलेला, तो अपन स्वभाव केर मोताबिक बोलेला, काले कि उ झूठा हेके आउर झूठ केर आबा हेके।

2 थिस्सलुनीकियनमन 2:9

उ अधरमी मरद ठिना शैतान केर शक्ति होवी, उ सोउब रकम केर झूठा चमत्कार, चिन्हा आउर अदभुत काम करी जेकर से आदमीमन सोचेक लगबैं कि इ काम परमेश्‍वर कराथे।

1 तीमुथियुस 4:2

कपट से भरल आउर झूठा ओहेमन हेकैं जेमन झूठा शिक्षामन के सिखायना, उमन केर बिवेक जे सही गलत के नी बतायला, मोइर जाय हे, जइसन कि एगो गरम लोहा उके दाइग देई हे।

तीतुस 1:16

झूठा सिखाएक वलामन कहैना, हमरे परमेश्‍वर के जानिला, मगर उ मनक काम सफा-सफा बतायला कि उमन परमेश्‍वर के नी जानैना। काले कि उमन घिनघिना आउर आगया नी मानेक वाला हेकैं, आउर कोनों बेस काम केर लाएक नखैं।

इब्रानीमन 12:24

तोहरेमन यीशु ठिना आय हा, जे नवाँ करार में परमेश्‍वर से आदमीमन के मिलाएक लगिन बलिदान होलक आउर अपन लोहू से आदमीमन केर पाप के क्षमा करलक, यीशु केर लोहू हाबील केर लोहू नियर न्याय करेक केर माँग करेक वाला निहीं, बल्कि पाप क्षमा केर बारे में बतायला।

इब्रानीमन 13:4

बिहा केर आदर करा, आउर बिहाउ जनाना आउर मरद तोहरे एक दोसर लगिन बिसवास लायक बनल रहा, काले कि परमेश्‍वर ब्यभिचारीमन केर आउर दोसर जनानामन से रिश्ता बनाएक वालामन केर न्याय करी।

1 यूहन्ना 2:22

झूठा के हेके? सिरिफ ओहे जे यीशु के मसीह मानेक से इनकार करेला आउर मसीह केर बिरोधी हों ओहे हेके, जे आबा परमेश्‍वर केर आउर उकर बेटा यीशु केर इंकार करेला।

1 यूहन्ना 3:15

जे केऊ अपन बिसवासी भाई-बहिनमन से बैर करेला, उ हत्यारा हेके आउर तोहरेमन जानाला कि केऊ हत्यारा ठिना जुग-जुग केर जिंदगी नखे।

1 यूहन्ना 5:10

जे परमेश्‍वर केर बेटा यीशु उपरे बिसवास करेला उ अपनेहें में गवाही रखेला। जे परमेश्‍वर केर उपरे बिसवास नी करलक, उ परमेश्‍वर के झूठा ठहरालक, काले कि उ परमेश्‍वर केर गवाही उपरे बिसवास नी करलक जेके परमेश्‍वर अपन बेटा केर बारे में देई हे।

प्रकाशितवाक्य 14:10

तो उके परमेश्‍वर केर परकोप केर मदिरा जे बेगर मिलावट केर उकर खीस केर कटोरा में उझलल जाय हे, पियी आउर उके पवितर स्वरगदूतमन केर भीरे आउर मेमना केर सामने आइग आउर गंधक केर बाथा देवल जाई।

प्रकाशितवाक्य 19:20

आउर उ जानवर आउर उकर संगे झूठा संदेश देवेक वाला धराय गेलक। इ झूठा संदेश देवेक वाला ओहे हेके, जे उ जानवर केर बटले चमत्कार केर चिन्हा देखात रहे आउर उ सोउब आदमीमन के बहकाय देई रहे, जेमन केर उपरे उ जानवर केर छाप रहे, आउर जेमन उकर मूर्ति केर पूजा करत रहैं। इ दुयो के जीते-जी आइग केर झील में जे गंधक से बरेला, साइज देलैं।

प्रकाशितवाक्य 2:11

जेमन केर कान अहे, उमन धेयान से सुइन लेवा कि पवितर आत्मा कलीसिया केर आदमीमन से का कहेला: जे जीत जाई, उके दूसरा मरण से कोनों हानि नी होवी।

प्रकाशितवाक्य 2:2

मोंय तोर काम, मेहनइत आउर तोर धीरज के जानोना। मोंय एहो जानोना कि तोंय बुरा आदमीमन के देखेक नी पारिसला। जे खुद के खास चेला कहैना मगर उमन ना लगैं, उमन के तोंय परइख के झूठा पाले।

प्रकाशितवाक्य 21:27

मगर उ नगर में कोनों अपवितर चीज या घिनघिना काम करेक वालामन या झूठा गोठियाएक वालामन कोनों रीति से ढूकेक नी पारबैं। मगर सिरिफ उ आदमीमन जे मनक नाँव मेमना केर जिंदगी केर किताब में लिखल अहे, ढूकेक पारबैं।

प्रकाशितवाक्य 22:15

मगर अपवितरमन, ओझामन, ब्यभिचारीमन, हत्यारामन, मूर्ति पूजा करेक वालामन, हरेक झूठ के चाहेक वालामन आउर झूठ बनाएक वालामन बाहरे रहबैं।

प्रकाशितवाक्य 9:17

आउर मोके इ दर्शन में उ घोड़ामन आउर उ मनक उपरे सवार सेनामन इ लेखे दिसलैं, जेमन केर कवच आइग नियर लाल, धूम्रकांत आउर गंधक नियर पीला रहे, आउर उ घोड़ामन केर मूँड़ सिंहमन केर मूँड़ नियर रहे, आउर उमन केर मुँह से आइग, धुंगिया आउर गंधक निकलत रहे।

प्रकाशितवाक्य 9:21

उमन अपन करल हत्यामन, जादू-टोना, ब्यभिचार आउर चोरी करेक से मन नी फिरालैं।