प्रकाशितवाक्य 21:6 - सादरी नवाँ नियम

⁶ फिन उ मोर से कहलक, “इ गोइठमन पूरा होई जाय हे। मोंय अलफा आउर ओमिगा, शुरु आउर आखरी हेकों। मोंय पियासा के जीवन केर पानी केर सोता में से मुफत में पियामूँ।

प्रकाशितवाक्य 21:6 Iomraidhean Croise

यूहन्ना 4:10

यीशु उके जबाब देलक, “अगर तोंय जानते कि परमेश्‍वर तोके का देवेक चाहाथे, आउर एहो जानते कि तोर से के पानी माँगाथे, तो तोंय मोर से इके माँगते आउर मोंय तोके जिंदगी देवेक वाला पानी देतो।”

यूहन्ना 4:11

उ जनाना यीशु से कहलक, “हे प्रभु, तोर ठिना पानी भरेक लगिन कोनोवें नखे आउर कुआँ ढेइर गढ़हा अहे, तो फिन तोके इ जिंदगी केर पानी कहाँ से मिली?

यूहन्ना 4:14

मगर जे केऊ मोर देवल पानी के पियी, उके कहियो पियास नी लगी। जे पानी मोंय उके देमूँ, उ उकर में पानी केर सोता बाइन जाई आउर इ सोता से पानी निकलते रही, जे उके जुग-जुग केर जिंदगी देवी।”

रोमानियनमन 3:24

मगर परमेश्‍वर अपन किरपा से हमरे के हमर पापमन केर दंड से छुटकारा यीशु मसीह केर जरिया से देलक, आउर परमेश्‍वर हमरे के हमर बेगर कोनों काम करले धरमी ठहरालक।

रोमानियनमन 8:32

परमेश्‍वर अपन नीज बेटा के हों नी बचालक, मगर उके हमरे सोउब केर खातिर दुश्मनमन के जिम्मा देई देलक, तो परमेश्‍वर उ सोउब कुछ के हों हमरे के देवी, जेके देवेक केर करार काइर हे।

1 कुरिनथियनमन 2:12

इ दुनिया केर दोसर आदमीमन का सोचैना उके हमरे नी बुझिला, मगर परमेश्‍वर हमरे के अपन आत्मा देई हे जेकर से हमरे उ गोइठमन के जानेक पारब, जेके परमेश्‍वर हमरे के देई हे।

1 कुरिनथियनमन 3:12

अगर मसीह केर सेवकमन उ शिक्षा के सिखायना जेके परमेश्‍वर उमन के देई हे, तब उमन उ राज मिस्त्रीमन नियर अहैं, जेमन नेव में बेस किसिम केर चीजमन के देई के घर बनायना, जइसन कि सोना, चाँदी आउर किमती पखनामन। मगर, अगर उमन झूठा शिक्षा के सिखायना, तब उमन एइसन राज मिस्त्रीमन नियर अहैं, जेमन कमजोर चीजमन के नेव में देवैना, जइसन कि काठ, सुखल घास आउर पोरा।

1 कुरिनथियनमन 3:21

इ लगिन इ दुनिया केर केऊ अगुवा केर पिछे चलेक उपरे घमंड ना करा। पौलुस आउर अपुल्लोस आउर पतरस सोउब तोहरे केर हेकैं, सचमुच में सोउब कुछ तोहरे केर हेके, इ दुनिया, जिंदगी, माउत, एखन केर बेरा आउर आवेक वाला बेरा, सोउब कुछ तोहरे केर हेके,

1 कुरिनथियनमन 3:5

अपुल्लोस के हेके? आउर पौलुस के हेके? उमन सिरिफ परमेश्‍वर केर सेवक हेकैं, जेमन केर द्वारा तोहरेमन मसीह में बिसवास करला, हमर में से हरेक झन उ काम के करली जेके प्रभु हमरे के करेक लगिन देई रहे।

प्रकाशितवाक्य 1:11

उ कहत रहे, “जे कुछ तोंय देखाथिस उके किताब में लीख के सातों कलीसियामन ठिना भेइज दे, मतलब इफिसुस, स्मुरना, पिरगमुन, थुआतीरा, सरदीस, फिलदिलफिया आउर लौदीकिया शहर केर कलीसिया के भेइज दे।”

प्रकाशितवाक्य 1:17

जब मोंय उके देखलों तो उकर पाँव में मुरदा नियर गिर गेलों। उ मोर उपरे अपन भतखाइया हाँथ राइख के कहलक, “ना डराव, मोंय शुरु आउर आखरी हेकों आउर जिंदा अहों।

प्रकाशितवाक्य 1:8

प्रभु परमेश्‍वर इ कहेला, “मोंय हें अलफा आउर ओमेगा हेकों। मोंय हें उ हेकों, जे रहे, आउर जे अहे, आउर जे आवेक वाला अहे, आउर सर्वशक्तिमान अहे।”

प्रकाशितवाक्य 10:6

आउर जे जुग-जुग जिंदा अहे, आउर जे स्वरग के आउर जे कुछ उकर में अहे, आउर धरती के आउर जे कुछ उकर में अहे, आउर समुदर के आउर जे कुछ उकर में अहे, उ सोउब के सिरजालक, उकरे किरिया खाय के कहलक, “अब तो आउर देरी नी होवी।

प्रकाशितवाक्य 16:17

आउर सातवाँ स्वरगदूत अपन कटोरा हवा में उझइल देलक, आउर परमेश्‍वर केर मंदिर केर सिंहासन से इ बड़का शबद सुनालक, “होई चुकलक!”

प्रकाशितवाक्य 22:13

मोंय अलफा आउर ओमिगा, पहला आउर आखरी, शुरु आउर आखरी हेकों।

प्रकाशितवाक्य 22:17

आत्मा आउर दुलहिन दुइयो कहैना, “आव!” आउर सुनेक वालामन हों कहोक, “आव!” जे पियासा अहे, उ आवोक, आउर जे केऊ चाही, उ जीवन केर पानी मुफत में लेवोक।

प्रकाशितवाक्य 3:14

लौदीकिया शहर केर कलीसिया केर स्वरगदूत के इ संदेश लीख: मोंय ओहे हेकों जे आमीन आउर बिसवास लायक आउर सच्चा गवाह हेके। आउर परमेश्‍वर जे कोनों बनाय हे उकर निचोड़ हेके। मोंय तोके जे कहाथों उके सुन:

प्रकाशितवाक्य 7:17

काले कि मेमना, जे सिंहासन केर माझे में अहे, उमन केर रखवाली करी आउर उमन के जीवन रुपी पानी केर सोता ठिना लेई जाई, आउर परमेश्‍वर उ मनक आँइख से सोउब आँसू के पोंइछ देवी।”