प्रकाशितवाक्य 21:4 - सादरी नवाँ नियम

⁴ उ, उमन केर आँइख से सोउब आँसू पोंइछ देई आउर इकर पाछे माउत नी रही, आउर ना दुःख, ना बिलाप, ना बाथा रही। काले कि पुरना गोइठमन बीत गेलक।”

प्रकाशितवाक्य 21:4 Iomraidhean Croise

मत्ती 24:35

आकाश आउर धरती नाश होई जाई, मगर मोर कहल सोउब गोइठ सोउब दिन लगिन बनल रही।

1 कुरिनथियनमन 15:26

सोउब से आखरी बैरी जे सत्यानाश करल जाई उ माउत हेके।

1 कुरिनथियनमन 7:31

आउर इ दुनिया में जे कोनों चीजमन हमरे ठिना अहे, हमरे के उ चीजमन के ढेइर खास नी समझेक चाही, काले कि इ दुनिया केर सोउब चीजमन ढेइर दिन तक नी रही।

2 कुरिनथियनमन 5:17

अगर केकरो रिश्ता मसीह केर संगे अहे, तो उ नवाँ सिरजन हेके, पुरना पापी स्वभाव दूर होई गेलक, देखा, नवाँ जिंदगी केर शुरुवात होई गेलक।

2 कुरिनथियनमन 6:17

इ लगिन पवितर किताब में प्रभु हमरे से कहेला, “उ आदमीमन केर माझे से निकला, जेमन परमेश्‍वर केर पिछे नी चलैना, आउर अशुद्ध काममन से दूर रहा, तो मोंय तोहरेमन के ग्रहण करमूँ।

इब्रानीमन 12:27

आउर इ गोइठ, “एक बेर फिन” इके देखायला कि जे चीजमन सिरजाल जाय हे, उ हिलाल जाई आउर हटाय देवल जाई, ताकि जे चीजमन हिलाल नी जाई उमन अटल बनल रही।

2 पतरस 3:10

काले कि प्रभु पक्का घूइर आवी, उ अचका आय जाई जे नियर चोर अचका आवेला, उ बेरा आकाश में गरजेक केर आवाज सुनाई आउर आकाश लोप होई जाई। आकाश में सोउब कुछ, मतलब बेइर, चाँद आउर तइरगनमन पूरा रीति से जाइल जबैं। उ दिन परमेश्‍वर उ सोउब काममन के देखाई जेके आदमीमन काइर हैं, ताकि उमन केर फैसला करेक पारोक।

1 यूहन्ना 2:17

दुनिया आउर उकर इच्छामन दुयो मेटते जायला, मगर जे परमेश्‍वर केर इच्छा केर मोताबिक चलेला, उ सोउब बेरा बनल रही।

प्रकाशितवाक्य 20:13

समुदर, उ मोरल आदमीमन के जे उकर में रहैं, देई देलक। माउत आउर मरणलोक हों जे उमन में रहैं देई देलक। उमन में से सोउब केर उमन केर काम केर मोताबिक फैसला करल गेलक।

प्रकाशितवाक्य 20:14

इकर पाछे माउत आउर मरणलोक आइग केर झील में साजल गेलैं। इ आइग केर झील तो दूसरा माउत हेके।

प्रकाशितवाक्य 21:1

फिन मोंय एक नवाँ आकाश आउर नवाँ धरती के देखलों। काले कि पहिला आकाश आउर पहिला धरती लोप होई जाय रहे, आउर समुदर हों अब नी रहलक।

प्रकाशितवाक्य 22:3

हूवाँ कोनों रकम केर श्राप नी होवी। परमेश्‍वर आउर मेमना केर सिंहासन उ नगर में बनल रही। आउर उकर सेवकमन उकर आराधना करबैं।

प्रकाशितवाक्य 7:17

काले कि मेमना, जे सिंहासन केर माझे में अहे, उमन केर रखवाली करी आउर उमन के जीवन रुपी पानी केर सोता ठिना लेई जाई, आउर परमेश्‍वर उ मनक आँइख से सोउब आँसू के पोंइछ देवी।”