प्रकाशितवाक्य 21:12 - सादरी नवाँ नियम

¹² आउर उ नगर केर घेरा ढेइर ऊँचा रहे, आउर उकर में बारह गो बड़का-बड़का फाटक रहे आउर हर एक फाटक में एक-एक स्वरगदूत ठड़ाय रहैं। आउर फाटकमन में इसराइलीमन केर बारह गोतरमन केर नाँव लिखल रहे।

प्रकाशितवाक्य 21:12 Iomraidhean Croise

मत्ती 18:10

देखा, तोहरेमन इ छोटमन में से केखो तुच्छ ना मानबा, काले कि मोंय तोहर से कहाथों, स्वरग में उ मनक दूतमन मोर स्वरगीय आबा केर भीरे सोउब बेरा रहैना।

लूका 15:10

मोंय तोहरेमन से कहाथों कि एहे नियर पसताय के पाप करेक छोड़ेक वाला एगो पापी आदमी लगिन हों स्वरग में परमेश्‍वर केर दूतमन केर सामने खुशी मनाल जायला।”

लूका 16:22

आउर एक दिन एइसन होलक कि उ गरीब आदमी मोइर गेलक, आउर स्वरगदूतमन उके लेई के अब्राहम ठिना आदर केर साथ बइठाय देलैं, थोरेक दिन केर पाछे उ धनी आदमी हों मोइर गेलक।

खास चेलामन केर काम 26:7

इ ओहे करार हेके, जेकर पूरा होवेक केर आसरा में हमर बारहों गोतर केर आदमीमन दिन राइत पूरा सच्चाई केर साथ परमेश्‍वर केर भक्ति करते आवाथैं। हे राजा, एहे आसरा केर चलते यहूदी अगुवामन मोर उपरे दोष लगाथैं।”

इब्रानीमन 1:14

स्वरगदूतमन का करैना? उमन तो परमेश्‍वर केर सेवा करते रहैना, उमन के परमेश्‍वर छुटकारा पावेक वाला आदमीमन केर हों, सेवा करेक लगिन भेजेला।

प्रकाशितवाक्य 21:13

पूरब बटे तीन फाटक, उत्तर बटे तीन फाटक, दक्खिन बटे तीन फाटक आउर पच्छिम बटे तीन फाटक रहे।

प्रकाशितवाक्य 21:15

उ स्वरगदूत जे मोर संगे गोठियात रहे, उकर ठिना नगर आउर नगर केर फाटकमन आउर उकर घेरा के नापेक लगिन एगो सोना केर गज रहे।

प्रकाशितवाक्य 21:25

उकर फाटक दिन में कहियो बंद नी होवी, आउर हूवाँ कहियो राइत नी होवी।

प्रकाशितवाक्य 22:14

धाइन हेकैं उमन, जेमन अपन लुगा के मेमना केर लोहू से धोई लेवैना, काले कि उमन के जीवन केर गाँछ ठिना आवेक केर अधिकार मिली आउर उमन फाटकमन से होई के नगर में ढूकबैं।