प्रकाशितवाक्य 21:1 - सादरी नवाँ नियम

¹ फिन मोंय एक नवाँ आकाश आउर नवाँ धरती के देखलों। काले कि पहिला आकाश आउर पहिला धरती लोप होई जाय रहे, आउर समुदर हों अब नी रहलक।

प्रकाशितवाक्य 21:1 Iomraidhean Croise

रोमानियनमन 8:21

आउर परमेश्‍वर केर सिरजाल चीजमन उ दिन के देखाथैं, जब उमन परमेश्‍वर केर संतानमन से, माउत आउर नाश होवेक से छूइट के महिमा से भरल आजादी केर संगे मिलबैं।

2 पतरस 3:10

काले कि प्रभु पक्का घूइर आवी, उ अचका आय जाई जे नियर चोर अचका आवेला, उ बेरा आकाश में गरजेक केर आवाज सुनाई आउर आकाश लोप होई जाई। आकाश में सोउब कुछ, मतलब बेइर, चाँद आउर तइरगनमन पूरा रीति से जाइल जबैं। उ दिन परमेश्‍वर उ सोउब काममन के देखाई जेके आदमीमन काइर हैं, ताकि उमन केर फैसला करेक पारोक।

2 पतरस 3:13

मगर हमरे बिसवासी आदमीमन परमेश्‍वर केर करार केर मोताबिक एगो नवाँ आकाश आउर नवाँ धरती केर आसरा देखाथी, जहाँ सिरिफ धरमी आदमीमन रहैना।

प्रकाशितवाक्य 13:1

तब मोंय समुदर में से खूंखार जानवर के निकलते देखलों। उकर दस गो सींग आउर सात गो मूँड़ रहे। उकर दसो सींगमन में एक-एक राजमुकुट रहे आउर उकर मूँड़मन उपरे परमेश्‍वर केर निंदा करेक वाला नाँव लिखल रहे।

प्रकाशितवाक्य 20:11

फिन मोंय एगो बड़का चरका सिंहासन आउर उके जे उकर उपरे बाइठ रहे, देखलों। उकर सामने से धरती आउर आकाश भाइग गेलैं, आउर उमन केर कहीं पता नी चललक।

प्रकाशितवाक्य 21:5

जे सिंहासन उपरे बाइठ रहे, उ कहलक, “देख, मोंय सोउब कुछ नवाँ काइर देवाथों।” फिन उ कहलक, “लीख ले, काले कि इ बचन बिसवास केर लायक आउर सच्चा हेके।”

प्रकाशितवाक्य 6:14

आउर आकाश एइसन लोप होई गेलक, जइसन कागज मोढ़ेक से सिकुइड़ जायला आउर हरेक पहार आउर टापू, अपन-अपन ठाँव से हाइट गेलक।