Biblia Todo Logo
Bìoball air-loidhne

- Sanasan -




प्रकाशितवाक्य 20:4 - सादरी नवाँ नियम

4 फिन मोंय थोरेक सिंहासन देखलों। उ मनक उपरे थोरेक आदमीमन बाइठ रहैं। आउर उमन के फैसला करेक केर अधिकार देवल गेलक। मोंय उमन केर आत्मामन के हों देखलों, जेमन केर मूँड़ यीशु केर गवाही देवेक आउर परमेश्‍वर केर बचन केर परचार केर खातिर काटल जाय रहे, आउर जेमन ना तो उ खूंखार जानवर केर, आउर ना उकर मूर्ति केर पूजा काइर रहैं, आउर ना उकर छाप अपन माथा आउर हाँथ उपरे लेई रहैं। उमन जिंदा होई के मसीह केर संगे हजार बरिस तक राइज करते रहलैं।

Faic an caibideil Dèan lethbhreac




प्रकाशितवाक्य 20:4
40 Iomraidhean Croise  

यीशु उमन से कहलक, “मोंय तोहर से सच कहाथों कि नवाँ जुग में जब मोंय आदमी केर बेटा अपन महिमा केर सिंहासन में बइठमूँ, तो तोहरेमन जे मोर पिछे होई लेई हा, बारह गो सिंहासन में बाइठ के इसराइल केर बारहों गोतरमन केर न्याय करबा।


तब ढेइर आदमीमन जेमन मोर उपरे बिसवास करैना, बिसवास करेक छोइड़ देबैं आउर एक दोसर के धरुवाबैं आउर एक दोसर से बैर करबैं।


मगर राजा हेरोदेस इ सुइन के कहलक, “जे यूहन्ना केर मूँड़ मोंय कटुवाय रहों, ओहे जी उइठ हे।”


आउर राजा तुरते एगो सिपाही के आगया देई के जेहेल घर में भेजलक कि उकर मूँड़ के काइट लानोक।


फिन चेलामन यीशु से पूछलैं, “मूसा केर नियम के सिखाएक वालामन काले कहैना कि मसीह केर आवेक से आगे एलिय्याह केर आवेक जरुरी अहे?”


यूहन्ना एगो एइसन आदमी होवी, जे परमेश्‍वर केर संदेश के बताएक वाला एलिय्याह नियर आत्मा आउर शक्ति में होई के प्रभु केर आगे-आगे चली। उ प्रभु केर डहर तेयार करी आउर आबामन केर मन के छउवा-पुतामन बटे घुराई देई। उ आगया नी मानेक वालामन के परमेश्‍वर केर गेयान के मानेक सिखाई आउर परमेश्‍वर लगिन एगो बेस परजा तेयार करी।”


तब तोंय धाइन होबे, काले कि बदला चुकाएक लगिन उ मनक ठिना कोनों नी होवेला, आउर जब धरमी आदमीमन फिन से जी उठबैं, तब परमेश्‍वर तोके इनाम देवी।”


ताकि तोहरेमन मोर राइज में मोर टेबुल में खाबा-पीबा आउर बारह गो सिंहासन में बाइठ के इसराइल केर बारहों गोतरमन केर न्याय करबा।”


मोंय थोरहें देरी आउर रहमूँ, फिन दुनिया केर आदमीमन मोके नी देखबैं, मगर तोहरेमन मोके देखबा, काले कि मोंय जिंदा अहों, से लगिन तोहरेमन हों जिंदा रहबा।


काले कि जब इसराइलीमन के छोइड़ देवल जाएक दुनिया केर आदमीमन केर परमेश्‍वर से मेल-जोल होवेक केर कारण होलक, तो जब इसराइलीमन यीशु के मसीह केर रूप में ग्रहण करबैं, तब उमन लगिन एइसन होवी जइसन कि उमन मोरलमन में से जी उठलैं।


आउर अगर संतान हेकी, तो हकदार हों हेकी बल्कि परमेश्‍वर केर हकदार आउर मसीह केर संगी हकदार हेकी, जब एखन हमरे उकर संगे दुःख उठाथी तो उकर संगे महिमा हों पावब।


अगर हमरे धीरज से उकर लगिन दुःख सहते रहब, तो उकर संगे राजा नियर राइज हों करब, मगर हमरे उके जानेक से इंकार काइर देवब, तो उ हों हमरे के कइह देवी कि मोंय तोहरे के नी जानोना।


यूहन्ना उ सोउब गोइठमन के लिखलक जे उके देखाल जाय रहे, मतलब परमेश्‍वर केर बटले देवल बचन आउर उ सोउब कुछ, जेके यीशु मसीह कइह रहे।


मोंय यूहन्ना जे तोहर संगी बिसवासी आउर मसीह केर लगिन दुःख सहेक में, आउर आबा परमेश्‍वर केर राइज में, आउर धीरज केर संगे उ दुःखमन के सहेक में तोहर संगी हेकों, जे उ आदमीमन उपरे आवेला जेमन केर रिश्ता उकर संगे अहे। मोके पतमुस टापू में कैदी बनाय के भेइज देवल जाय रहे। काले कि मोंय आबा परमेश्‍वर केर बचन के परचार काइर रहों आउर यीशु केर सच्चा संदेश के बताय रहों।


मगर साढ़े तीन दिन केर पाछे परमेश्‍वर केर बटले जिंदगी केर साँस आलक, आउर उमन उइठ के ठड़ाय गेलैं। तब उमन के देखेक वालामन केर उपरे डार समाय गेलक।


जब सातवाँ दूत तुरही फुँकलक, तो स्वरग में से जोर से रकम-रकम केर आवाज इ कहते सुनाई देलक, “दुनिया केर राइज हमर प्रभु केर आउर उकर मसीह केर होई गेलक आउर उ जुग-जुग राइज करी।”


मोंय अपन दूई गो गवाहमन के इ अधिकार देमूँ कि एक हजार दूई सौ साठ दिन तक भविष्यवाणी करोक। उमन एक एइसन लुगा के पिंधल होबैं, जेके दुःख देखाएक लगिन पिंधल जायला।”


जब उमन अपन गवाही देई चुकबैं, तो उ जानवर जे बेथाह गढ़हा में से निकली, उमन से लइड़ के उमन के जीत जाई आउर उमन के माइर मोराई।


आउर उमन मेमना केर लोहू केर खातिर आउर अपन गवाही केर बचन केर खातिर, उकर उपरे जीत पालैं, आउर उमन अपन प्राण केर मोह छोइड़ के माउत के अपनाय लेलैं।


उकर बाथा केर धुंगिया जुग-जुग उठते रही, आउर जेमन उ जानवर आउर उ मूर्ति केर पूजा करैना, आउर जे उकर नाँव केर छाप लेवैना, उमन के राइत दिन चैन नी मिली।”


तब मोंय आइग मिलाल काँच नियर एगो समुदर देखलों, आउर जेमन उ जानवर उपरे, उकर मूर्ति उपरे, आउर उकर नाँव केर अंक उपरे जीत पाय रहैं, उमन के उ काँच केर समुदर भीरे परमेश्‍वर केर बीना बाजामन के लेई के ठड़ाल देखलों।


जे जानवर तोंय देइख हिस, उ पहिले तो रहे, मगर अब नखे, मगर उ बेथाह गढ़हा से निकइल के आवी, सेहे बेरा उकर बिनाश होई जाई। आउर धरती केर रहेक वाला आदमीमन जेमन केर नाँव दुनिया केर सिरजेक बेरा से जिंदगी केर किताब में लिखल नखे, इ जानवर केर इ दशा देइख के कि पहिले रहे, आउर अब नखे आउर फिन आय जाई, ताजुब करबैं।


जे जीत जाई आउर आखरी तक मोर काममन केर मोताबिक करते रही, तो मोंय उके जाइत-जाइत केर आदमीमन उपरे अधिकार देमूँ।


धाइन आउर पवितर उ हेके, जे इ पहिला जी उठेक केर भागीदार हेके। एइसन आदमीमन उपरे दूसरा माउत केर कोनोवें अधिकार नखे, मगर उमन परमेश्‍वर आउर मसीह केर पुरोहित होबैं, आउर उकर संगे हजार बरिस तक राइज करबैं।


हूवाँ कहियो राइत नी होवी आउर उमन के दीया आउर बेइर केर इंजोत केर दरकार नी होवी, काले कि प्रभु परमेश्‍वर उमन के इंजोत देई, आउर उमन जुग-जुग राइज करबैं।


जे जीत जाई, मोंय उके अपन संगे अपन सिंहासन में बइठामूँ, जइसन मोंय हों जीत के अपन आबा केर संगे उकर सिंहासन में बाइठ गेलों।


उ सिंहासन केर चाइरो बटे चोबीस गो सिंहासन अहे आउर उ सिंहासनमन में चोबीस मुखियामन चरका लुगा पिंध के बइठल अहैं, आउर उ मनक मूँड़ उपरे सोना केर मुकुट अहे।


आउर जब मेमना पाँचवाँ मोहर खोललक तो मोंय बेदी केर हेंठे उ मनक प्राण के देखलों, जे परमेश्‍वर केर बचन केर परचार करेक केर खातिर आउर उ गवाही केर खातिर कि यीशु हमर प्रभु हेके, जे उमन देई रहैं, माइर मोराल जाय रहैं।


“जब तक हमरे अपन परमेश्‍वर केर सेवकमन केर माथा में मोहर नी लगाय देब, तब तक धरती आउर समुदर आउर गाँछमन के हानि ना पोंहचाबा।”


Lean sinn:

Sanasan


Sanasan