प्रकाशितवाक्य 20:3 - सादरी नवाँ नियम

³ आउर उके बेथाह गढ़हा में साइज के बंद काइर देलक आउर उकर उपरे मोहर लगाय देलक, ताकि उ हजार बरिस केर पूरा होवेक तक जाइत-जाइत केर आदमीमन के फिन ना बहकाओक। हजार बरिस पूरा होवेक केर पाछे उके थोरेक देरी लगिन फिन खोलल जाएक हों जरुरी अहे।

प्रकाशितवाक्य 20:3 Iomraidhean Croise

मत्ती 24:24

काले कि झूठा मसीह आउर झूठा परमेश्‍वर केर संदेश बताएक वालामन उइठ खड़ा होबैं उमन बड़का-बड़का चिन्हा आउर चमत्कार केर काममन के देखाबैं आउर होई सके तो उमन चुनलमन के हों बहकाय देबैं।

मत्ती 27:66

उमन सिपाहीमन के अपन संगे लेई के गेलैं, आउर कबर केर दुरा में सील माइर के उके बंद काइर देलैं आउर थोरेक सिपाहीमन के पहरादारी करेक लगिन हूवाँ छोइड़ देलैं, ताकि केऊ दुरा केर पखना के अपन ठाँव से ना हटाओक।

मरकुस 4:15

थोरेक आदमीमन उ डहर किनारे केर भूंई नियर अहैं, जेकर उपरे बिहीन गिरलक, उमन परमेश्‍वर केर बचन के तो सुनैना, मगर शैतान तुरते आय के उ मनक मन से बचन के मेटाय देवेला, जे बचन के उमन सुइन रहैना।

लूका 8:31

आउर उमन यीशु से बिनती करलैं कि हमरे के बेथाह गढ़हा में जाएक केर आगया ना दे।

2 कुरिनथियनमन 11:3

मगर मोंय डरावना कि जइसन शैतान साँप केर रूप में अपन चलाँकी से पहिला जनाना हव्वा के बहकालक, तइसनेहें तोहरे केर मन के हों उ सिधाई आउर पवितरता से मसीह के जे आदर देवेक चाही, उकर से कहीं दूर ना काइर देओक।

2 पतरस 3:8

हे दुलार बिसवासी भाई-बहिनमन, इ गोइठ के जरूर याइद रखा कि प्रभु केर नजइर में एक दिन हजार साल केर नियर अहे आउर हजार साल एक दिन केर नियर अहे, उकर देखेक में दुइयो बराबइर अहे।

प्रकाशितवाक्य 12:9

तब उ बड़का अजगर मतलब ओहे पुरना साँप, जे इबलीस आउर शैतान कहायला, आउर गोटा दुनिया केर आदमीमन के भरमाएक वाला हेके, उकर दूतमन केर संगे उके धरती में गिराय देवल गेलक।

प्रकाशितवाक्य 13:14

आउर उ चिन्हामन केर खातिर जेके उ जानवर केर सामने देखाएक केर अधिकार उके देवल जाय रहे, उ धरती केर रहेक वाला आदमीमन के बहकात रहे आउर उमन से इ कहत रहे कि जे जानवर के तलवाइर लाइग रहे, उ जी जाय हे, उकर मूर्ति बनावा।

प्रकाशितवाक्य 17:2

जेकर संगे धरती केर राजामन ब्यभिचार करलैं, आउर धरती केर रहेक वाला आदमीमन उकर ब्यभिचार केर नशा से माइत जाय रहैं।”

प्रकाशितवाक्य 17:8

जे जानवर तोंय देइख हिस, उ पहिले तो रहे, मगर अब नखे, मगर उ बेथाह गढ़हा से निकइल के आवी, सेहे बेरा उकर बिनाश होई जाई। आउर धरती केर रहेक वाला आदमीमन जेमन केर नाँव दुनिया केर सिरजेक बेरा से जिंदगी केर किताब में लिखल नखे, इ जानवर केर इ दशा देइख के कि पहिले रहे, आउर अब नखे आउर फिन आय जाई, ताजुब करबैं।

प्रकाशितवाक्य 20:1

इकर पाछे मोंय आकाश से एगो स्वरगदूत के स्वरग से उतरते देखलों। उकर हाँथ में बेथाह गढ़हा केर कुंजी आउर एगो बड़का सिकड़ रहे।