प्रकाशितवाक्य 20:2 - सादरी नवाँ नियम

² उ अजगर के मतलब पुरना साँप के, जे इबलीस आउर शैतान हेके, धाइर के हजार बरिस केर लगिन बाइंध देलक।

प्रकाशितवाक्य 20:2 Iomraidhean Croise

मत्ती 19:29

आउर जे केऊ अपन घर, भाईमन, बहिनमन, आबामन, आयोमन, छउवामन या खेतमन के मोर चेला बनेक लगिन छोइड़ देई हे, उके सौ गुणा भेटाई: आउर उ जुग-जुग केर जिंदगी केर हकदार होवी।

मत्ती 8:29

उमन चिल्लाय के कहलैं, “हे परमेश्‍वर केर बेटा, तोर से हमरे केर का काम अहे? का तोंय समय से पहिले हमरे के दुःख देवेक आय हिस?”

मरकुस 4:15

थोरेक आदमीमन उ डहर किनारे केर भूंई नियर अहैं, जेकर उपरे बिहीन गिरलक, उमन परमेश्‍वर केर बचन के तो सुनैना, मगर शैतान तुरते आय के उ मनक मन से बचन के मेटाय देवेला, जे बचन के उमन सुइन रहैना।

मरकुस 5:7

आउर जोर से चिल्लाय के कहलक, “हे यीशु, परमप्रधान परमेश्‍वर केर बेटा, मोके तोर से का काम अहे? मोंय तोर से परमेश्‍वर केर नाँव से बिनती कराथों कि मोके ना सताव।”

यूहन्ना 12:31

अब दुनिया केर आदमीमन केर न्याय करेक लगिन परमेश्‍वर केर समय आय जाहे, दुनिया में राइज करेक वाला शैतान केर शक्ति के नाश काइर के उके निकलाय देवल जाई।

यूहन्ना 16:11

न्याय केर बारे में इ बताई कि दुनिया केर सरदार शैतान दोषी ठहराल जाय हे।

रोमानियनमन 16:20

शांति केर परमेश्‍वर शैतान के जल्दी हें नाश काइर देवी आउर तोहरे केर अधीन काइर देवी। हमर प्रभु यीशु मसीह केर किरपा तोहरे उपरे बनल रहोक।

इब्रानीमन 2:14

से लगिन जबकि परमेश्‍वर केर छउवामन माँस आउर लोहू से बाइन हैं, तो यीशु हों खुद हें उमन नियर माँस आउर लोहू केर आदमी बाइन गेलक, ताकि अपन माउत केर जरिया से उके, जेके माउत केर उपरे शक्ति मिल रहे, मतलब शैतान के नाश काइर देवोक।

1 पतरस 5:8

सोउब बेरा तेयार रहा आउर जागते रहा, काले कि शैतान, तोहर दुश्मन तोहर उपरे हमला करेक चाहेला कि तोहरे आबा परमेश्‍वर केर आगयामन के ना माना। उ गरजेक वाला सिंह नियर अहे, जे आगे-पिछे जाय के इ खोजेला कि उ केखो खाएक पारोक।

2 पतरस 2:4

तोहरेमन जानाला कि ढेइर समय पहिले आबा परमेश्‍वर इ स्वरग दूतमन के हों दंड देवेक से नी छोड़लक जब उमन पाप करलैं। मगर उमन के हेंठे नरक में भेइज देलक, जहाँ उमन के अंधार में सिकड़मन में बाइंध के राइख देलक, जबकि उमन फैसला होवेक केर दिन केर इन्तजार कराथैं, जब उमन के दंड मिली, जेकर उमन लायक हेकैं।

यहूदा 1:6

मोंय तोहरे के एहो याइद कराएक चाहोना कि परमेश्‍वर उ स्वरग दूतमन के कइसन दंड देलक जेमन अपन जिम्मेदारीमन के नी निभालैं आउर अपन पद के छोइड़ देलैं। परमेश्‍वर इ स्वरग दूतमन के अंधार ठाँव में सिकड़ से बाइंध के राइख हे, ताकि फैसला केर दिन उ मनक फैसला होवेक पारोक।

प्रकाशितवाक्य 12:13

जब अजगर देखलक कि मोंय धरती में गिराय देवल जाय हों, तो उ जनाना के जे बेटा जनमाय रहे, सतालक।

प्रकाशितवाक्य 12:15

तब साँप उ जनाना केर पिछे अपन मुँह से नदी केर नियर पानी बहालक ताकि उके नदी केर पानी बोहाय के लेई जाओक।

प्रकाशितवाक्य 12:17

तब अजगर जनाना उपरे ढेइर खिसाय गेलक, आउर उकर बचल छउवामन से जे परमेश्‍वर केर आगया के मानैना आउर यीशु केर बारे में देवल गवाही में स्थिर अहैं, लड़ेक लगिन गेलक।

प्रकाशितवाक्य 12:3

फिन एक आउर चिन्हा आकाश में दिस्तार देलक, एगो बड़का लाल अजगर रहे, जेकर सात मूँड़ आउर दस सींग रहे, आउर उकर मूँड़मन में सात राजमुकुट रहे।

प्रकाशितवाक्य 12:4

उकर पूँइछ आकाश केर एक तिहाई तइरगनमन के खींच के धरती में फेइक देलक। उ अजगर उ जनाना केर भीरे ठड़ालक, जे छउवा जनम देवेक केर बाथा में रहे ताकि छउवा केर जनमते हें उके लील जाओक।

प्रकाशितवाक्य 12:9

तब उ बड़का अजगर मतलब ओहे पुरना साँप, जे इबलीस आउर शैतान कहायला, आउर गोटा दुनिया केर आदमीमन के भरमाएक वाला हेके, उकर दूतमन केर संगे उके धरती में गिराय देवल गेलक।

प्रकाशितवाक्य 13:2

जे जानवर के मोंय देखलों, उ चीता नियर रहे आउर उकर गोड़ भालू केर गोड़ नियर आउर मुँह सिंह केर मुँह नियर रहे। आउर उ अजगर अपन शक्ति, अपन सिंहासन आउर बड़का अधिकार उके देई देलक।

प्रकाशितवाक्य 13:4

उ आदमीमन अजगर केर पूजा करलैं, काले कि उ जानवर के अपन अधिकार देई दे रहे आउर उमन इ कहते उ जानवर केर हों पूजा करलैं, “इ जानवर केर नियर के अहे? के उकर से लड़ेक पारेला?”

प्रकाशितवाक्य 20:10

आउर उमन के बहकाएक वाला शैतान आइग आउर गंधक केर उ झील में, जेकर में उ खूंखार जानवर आउर झूठा संदेश देवेक वाला आदमी हों होवी, साइज देवल जाई, आउर उमन जुग-जुग राइत दिन बाथा में तड़पते रहबैं।

प्रकाशितवाक्य 20:7

फिन जब हजार बरिस पूरा होई जाई, तो शैतान के कैद से छोइड़ देवल जाई।

प्रकाशितवाक्य 9:11

बेथाह गढ़हा केर दूत उमन केर राजा रहे, उकर नाँव इब्रानी भाषा में अबद्दोन आउर यूनानी भाषा में अपुल्लयोन हेके।