प्रकाशितवाक्य 20:12 - सादरी नवाँ नियम

¹² फिन मोंय छोट बाड़ सोउब मोरल आदमीमन के सिंहासन केर सामने ठड़ाल देखलों। किताबमन के खोलल गेलक। फिन एक आउर किताब खोलल गेलक, मतलब जिंदगी केर किताब। जइसन उ किताबमन में लिखल रहे, तइसनेहें उ मनक काममन केर मोताबिक मोरल आदमीमन केर फैसला करल गेलक।

प्रकाशितवाक्य 20:12 Iomraidhean Croise

मत्ती 11:22

मोंय तोहरेमन से कहाथों कि न्याय केर दिन परमेश्‍वर सूर आउर सैदा नगर केर आदमीमन के तो सजा देवी, मगर तोहरेमन केर सजा उ मनक सजा से हों कहीं बगरा होवी।

मत्ती 16:27

मोंय आदमी केर बेटा अपन स्वरगदूतमन केर संगे अपन आबा केर तेज चमक में आमूँ, आउर उ बेरा मोंय हरेक झन के उकर काममन केर मोताबिक इनाम देमूँ।

लूका 10:20

फिन भी तोहरेमन ना रिझबा कि भूतमन तोहर अधिकार में अहैं, मगर इ गोइठ लगिन रिझे होवा कि तोहर नाँव स्वरग में लिखल जाय हे।”

खास चेलामन केर काम 24:15

जइसन उमन आसरा करैना कि परमेश्‍वर धरमी आउर अधरमी दुयो रकम केर आदमी के मोरलमन में से फिन जिंदा करी, तइसनेहें मोंय हों आसरा करोना।

रोमानियनमन 2:6

उ हर एक के उ मनक काम केर मोताबिक बदला देवी।

1 कुरिनथियनमन 4:5

से लगिन जब तक प्रभु घूइर नी आवी केकरो न्याय ना करा, ओहे तो आदमीमन केर लुकल बिचारमन के सफा-सफा बताय देवी जेके केऊ नी जानैना, प्रभु आदमीमन केर मकसद के खोइल देवी, जे उमन केर हिरदय में अहे, तब परमेश्‍वर बटले हरेक झन केर बड़ाई होवी।

2 कुरिनथियनमन 5:10

इ जरुरी अहे कि हमरे सोउब केर हाल मसीह केर फैसला करेक केर कुरसी केर सामने खुइल जाओक, ताकि हरेक आदमी अपन-अपन भला-बुरा काममन केर बदला, जे उ, काया केर जिंदगी में काइर हे, पाओक।

फिलिप्पियनमन 4:3

आउर हे मोर संगे सच्चाई से काम करेक वाला सुन्तुखे, मोंय तोर से हों बिनती करोना कि तोंय उ जनानामन केर मेल-मिलाप से रहेक लगिन मदइत कर। काले कि उमन मोर संगे शुभ समाचार के फैलाएक में क्लेमेंस आउर मोर संगे काम करेक वाला आउरोमन समेत मेहनइत काइर हैं जे मनक नाँव जिंदगी केर किताब में लिखल अहे।

प्रकाशितवाक्य 11:18

परजाइत आदमीमन तोर से खिसाल अहैं, काले कि बेरा आय पोंहइच हे कि तोंय अपन खीस के देखाबे, आउर उ बेरा हों आय पोंहइच हे कि मोरलमन केर फैसला करल जाओक, आउर तोर संदेश के बताएक वाला तोर सेवकमन आउर पवितर आदमीमन के आउर उ छोट बाड़मन के जे तोर नाँव से डरायना, इनाम देवल जाओक आउर धरती के बिगड़ाएक वालामन के नाश करल जाओक।”

प्रकाशितवाक्य 13:8

धरती केर उपरे रहेक वाला सोउब आदमीमन राक्षस केर पूजा करेक लगलैं। सिरिफ ओहेमन उकर पूजा नी करलैं, जेमन केर नाँव दुनिया केर सिरजन होवेक से पहिलेहें से जिंदगी केर किताब में लिखल जाय रहे। इ जिंदगी केर किताब उ मेमना केर किताब हेके, जेके बलिदान केर रूप में माइर देवल जाय रहे।

प्रकाशितवाक्य 17:8

जे जानवर तोंय देइख हिस, उ पहिले तो रहे, मगर अब नखे, मगर उ बेथाह गढ़हा से निकइल के आवी, सेहे बेरा उकर बिनाश होई जाई। आउर धरती केर रहेक वाला आदमीमन जेमन केर नाँव दुनिया केर सिरजेक बेरा से जिंदगी केर किताब में लिखल नखे, इ जानवर केर इ दशा देइख के कि पहिले रहे, आउर अब नखे आउर फिन आय जाई, ताजुब करबैं।

प्रकाशितवाक्य 19:5

तब सिंहासन में से एक आवाज आलक, “हे हमर परमेश्‍वर से डराएक वाला सोउब सेवकमन, चाहे छोट चाहे बाड़ सोउब परमेश्‍वर केर स्तुति करा।”

प्रकाशितवाक्य 2:23

मोंय उकर छउवामन के माइर मोरामूँ, तब सोउब कलीसियामन जाइन लेबैं कि हिरदय आउर मन के परखेक वाला मोंय हें हेकों, आउर मोंय तोहर में से हरेक झन से उकर काममन केर मोताबिक पलटा लेमूँ।

प्रकाशितवाक्य 20:11

फिन मोंय एगो बड़का चरका सिंहासन आउर उके जे उकर उपरे बाइठ रहे, देखलों। उकर सामने से धरती आउर आकाश भाइग गेलैं, आउर उमन केर कहीं पता नी चललक।

प्रकाशितवाक्य 20:13

समुदर, उ मोरल आदमीमन के जे उकर में रहैं, देई देलक। माउत आउर मरणलोक हों जे उमन में रहैं देई देलक। उमन में से सोउब केर उमन केर काम केर मोताबिक फैसला करल गेलक।

प्रकाशितवाक्य 20:15

आउर जेकर हों नाँव जिंदगी केर किताब में लिखल नी मिललक, उ आइग केर झील में साजल गेलक।

प्रकाशितवाक्य 21:27

मगर उ नगर में कोनों अपवितर चीज या घिनघिना काम करेक वालामन या झूठा गोठियाएक वालामन कोनों रीति से ढूकेक नी पारबैं। मगर सिरिफ उ आदमीमन जे मनक नाँव मेमना केर जिंदगी केर किताब में लिखल अहे, ढूकेक पारबैं।

प्रकाशितवाक्य 22:12

प्रभु यीशु कहलक, “देख, मोंय जल्दी आवेक वाला अहों, आउर हरेक झन केर काम केर मोताबिक बदला देवेक लगिन मोर ठिना इनाम अहे।

प्रकाशितवाक्य 3:5

जे जीत जाई, उ एहे लेखे चरका लुगा पिंधी, आउर मोंय उकर नाँव जिंदगी केर किताब में से कोनों रीति से नी काटमूँ, मगर उकर नाँव अपन आबा आउर उकर स्वरग दूतमन केर सामने माइन लेमूँ।