प्रकाशितवाक्य 2:9 - सादरी नवाँ नियम

⁹ मोंय तोर दुःख आउर गरीबी के जानोना, मगर हकीकत में तोंय धनी अहिस। आउर जे आदमीमन खुद के यहूदी कहैना आउर ना लगैं, मगर शैतान केर सभा हेकैं, उमन केर निंदा के हों जानोना।

प्रकाशितवाक्य 2:9 Iomraidhean Croise

मत्ती 4:10

तब यीशु उकर से कहलक, “हे शैतान मोर से दूर होई जा, काले कि पवितर किताब में लिखल अहे, ‘तोंय प्रभु अपन परमेश्‍वर केर भक्ति कर, आउर सिरिफ उकरे सेवा कर’ ”

लूका 12:21

एइसनेहें उ आदमी केर संगे हों होवी, जे अपन लगिन सम्पति जमा करेला, मगर परमेश्‍वर केर सेवा करेक लगिन अपन लियाकत आउर सम्पति के खरचा नी करेला, उ परमेश्‍वर केर नजइर में गरीब अहे।”

लूका 22:65

एहे लेखे उमन ढेइर हें निंदा केर गोइठमन के उकर बिरोध में कहलैं।

लूका 4:18

“प्रभु केर आत्मा मोर उपरे अहे, काले कि उ मोके इकर लगिन भेइज हे कि मोंय गरीब आदमीमन के शुभ समाचार सुनामूँ, बंधुवामन के छोड़ामूँ, अंधरामन केर आँइख खोलमूँ आउर दबल-कुचल आदमीमन के आजाद करमूँ,

लूका 6:20

तब यीशु अपन चेलामन बटे देइख के कहलक, “धाइन अहा तोहरेमन, काले कि अपन जिंदगी में परमेश्‍वर केर जरुरत के जानाला, तोहरेमन परमेश्‍वर केर राइज में जबा।

यूहन्ना 16:33

मोंय तोहरेमन के इ गोइठमन के आगे हें बताय देलों, ताकि तोहरेमन के शांति मिलोक। दुनिया में तोहरेमन के दुःख सहेक होवी, मगर ढाढ़स बाँधा, मोंय दुनिया केर सरदार शैतान के हराय देई हों।”

खास चेलामन केर काम 14:22

उमन हरेक नगर में चेलामन के मजबूत आउर बिसवास में स्थिर रहेक लगिन इ उपदेस देवत रहैं कि हमरे के ढेइर दुःख साइह के स्वरग राइज में जाएक होवी।

खास चेलामन केर काम 26:11

मोंय उमन के सोउब यहूदी मनक प्रार्थना घरमन में जाय के घरी-घरी सजा देवाय के यीशु केर निंदा करुवात रहों। हिंयाँ तक कि खीस केर मारे मोंय एइसन पगला होई गेलों कि दोसर नगरमन में हों जाय के सतात रहों।

रोमानियनमन 12:12

जे आसरा तोहरे ठिना अहे, उकर में खुश रहा, बिपइत में धीरज धरा, रोज दिन प्रार्थना में लगल रहा।

रोमानियनमन 2:17

अगर तोहरेमन खुद हें यहूदी कहावला आउर मूसा केर नियम उपरे भरसा कराला, आउर तोहरे परमेश्‍वर केर बारे में घमंड कराला कि हमरे परमेश्‍वर केर खास आदमी हेकी।

रोमानियनमन 5:3

सिरिफ एहे निहीं बल्कि हमरे दुःख में हों आनंद करब, एहे जाइन के कि दुःख से धीरज मिलेला,

रोमानियनमन 8:35

कोनोवें चीज हमरे के मसीह केर प्रेम से अलग करेक नी पारी। ना सताव, ना संकट, ना हुड़दंग, ना अकाल, ना गरीबी, ना खतरा, या तलवाइर।

रोमानियनमन 9:6

मगर मोंय इ नी कहाथों कि परमेश्‍वर अपन करार के पूरा करेक नी पारलक, काले कि सोउब इसराइल केर बंशमन सच्चा इसराइली ना लगैं।

2 कुरिनथियनमन 6:10

हमरे ढेइर दुःख उठाइला, मगर सोउब बेरा खुशी मनाइला, हमरे खुद तो गरीब अही, मगर ढेइर आदमीमन के आत्मिक रीति से धनी बनाय देवीला, एइसन अही जइसन हमरे ठिना कोनों नखे, फिन भी हमरे ठिना सोउब कुछ अहे।

2 कुरिनथियनमन 8:2

जब उमन ढेइर दुःखमन से परखल गेलैं, तो उमन ढेइर खुश होलैं आउर भारी गरीबी में उमन खुला दिल से दोसर बिसवासीमन के मदइत करलैं।

2 कुरिनथियनमन 8:9

तोहरेमन हमर प्रभु यीशु मसीह केर किरपा के जानाला कि उ धनी होई के हों तोहरे लगिन गरीब बाइन गेलक, ताकि उकर गरीब बाइन जाएक से तोहरेमन धनी बाइन जबा।

1थिस्सलुनीकियनमन 3:4

हमरे पहिलेहें जब तोहरे ठिना रही तो तोहरेमन के कहत रही कि हमरे उपरे सताव आवी, आउर एइसनेहें होलक जेके तोहरेमन हों जानाला।

1 तीमुथियुस 1:13

मोंय तो बिसवासी बनेक से पहिले मसीह केर बारे में निंदा करेक वाला, आउर बिसवासीमन के सताएक वाला, आउर उमन केर नोकसान करेक वाला रहों, फिन भी परमेश्‍वर केर दया मोर उपरे होलक, काले कि इ काम मोंय अनजाने में करत रहों आउर यीशु मसीह उपरे बिसवास नी करत रहों।

1 तीमुथियुस 6:18

उमन के बेस काम करेक लगिन कह, आउर ढेइर बगरा भलाई करेक लगिन, आउर दयालु बनेक लगिन कह, आउर दोसर आदमीमन के जे कोनों बेस चीजमन केर जरुरत अहे, उ चीजमन के देवेक लगिन तेयार रहोक।

प्रकाशितवाक्य 1:9

मोंय यूहन्ना जे तोहर संगी बिसवासी आउर मसीह केर लगिन दुःख सहेक में, आउर आबा परमेश्‍वर केर राइज में, आउर धीरज केर संगे उ दुःखमन के सहेक में तोहर संगी हेकों, जे उ आदमीमन उपरे आवेला जेमन केर रिश्ता उकर संगे अहे। मोके पतमुस टापू में कैदी बनाय के भेइज देवल जाय रहे। काले कि मोंय आबा परमेश्‍वर केर बचन के परचार काइर रहों आउर यीशु केर सच्चा संदेश के बताय रहों।

प्रकाशितवाक्य 2:13

मोंय इ तो जानोना कि तोंय हूवाँ रहिसला जहाँ शैतान केर सिंहासन अहे, आउर तोंय मोर नाँव में स्थिर रहिसला। तोंय मोर उपरे बिसवास करेक से उ दिनमन में हों पिछे नी हटले, जेकर में मोर बिसवास लायक गवाह अन्तिपास, तोहर माझे उ ठाँव में मोराल गेलक जहाँ शैतान रहेला।

प्रकाशितवाक्य 2:2

मोंय तोर काम, मेहनइत आउर तोर धीरज के जानोना। मोंय एहो जानोना कि तोंय बुरा आदमीमन के देखेक नी पारिसला। जे खुद के खास चेला कहैना मगर उमन ना लगैं, उमन के तोंय परइख के झूठा पाले।

प्रकाशितवाक्य 2:24

मगर तोहरे थुआतीरा नगर केर बचल आदमीमन से जेतनामन इ शिक्षा के नी मानैना, आउर उ गोइठमन के जेके शैतान केर गहरा गोइठमन कहैना नी जानैना, उमन से मोंय इ कहोना कि मोंय तोहर उपरे आउर बोझ नी देमूँ।

प्रकाशितवाक्य 3:9

देख, मोंय शैतान केर उ सभा केर आदमीमन के तोर वश में काइर देमूँ जे यहूदी बाइन बाइठ हैं, मगर ना लगैं, उमन झूठ कहैना, देख, मोंय एइसन करमूँ कि उमन आय के तोर पाँव में गिरबैं आउर इ जाइन लेबैं कि मोंय तोर से प्रेम करोना।

प्रकाशितवाक्य 7:14

मोंय उके जबाब देलों, “हे मालिक, तोंय हें जानिसला।” उ मोर से कहलक, “इमन उमन हेकैं, जे उ बड़का दुःख में से निकइल के आय हैं, इमन अपन-अपन लुगा के मेमना केर लोहू में धोई के चरका काइर हैं।