प्रकाशितवाक्य 2:3 - सादरी नवाँ नियम

³ तोंय धीरज धरिसला आउर मोर नाँव लगिन दुःख उठाते-उठाते नी थकिसला।

प्रकाशितवाक्य 2:3 Iomraidhean Croise

मरकुस 15:21

जब उमन यीशु के शहर से बाहरे लेई जात रहैं, तब सिकंदर आउर रूफुस केर आबा सिमोन के धारलैं। उ कुरेन शहर केर रहेक वाला रहे, आउर गाँव से यरुशलेम शहर आवत रहे। उमन उके यीशु केर क्रूस उठाय के लेई जाएक लगिन जबरजस्ती करलैं।

लूका 14:27

आउर जे केऊ मोर खातिर दुःख उठाएक आउर मोइर जाएक ले तेयार नी रही, ओहो मोर चेला बनेक नी पारी।

लूका 18:1

यीशु अपन चेलामन के इ बताएक लगिन कि उमन के सोउब बेरा प्रार्थना करेक चाही आउर अपन धीरज के नी छोड़ेक चाही, इ उदाहरन बतालक।

लूका 21:19

तोहरेमन दुःख तकलीफ केर आखरी बेरा तक मोर उपरे भरसा कराला आउर हार नी मानाला। से लगिन अपन जीउ के बचाय लेबा।

लूका 5:5

सिमोन उके जबाब देलक, “हे गुरु, हमरे राइत भइर मेहनइत करली आउर गोटको मछरी नी मारली। मगर, अगर तोंय एइसन कहाथिस तो मोंय जाल के फेकमूँ।”

लूका 8:15

मगर थोरेक आदमीमन उ उपजाऊ भूंई नियर अहैं, जेमन बचन सुइन के भला आउर ईमानदार मन में जोगाय के रखैना आउर स्थिर रइह के फार लानैना।

यूहन्ना 15:21

तोहरेमन मोर चेला हेका से लगिन उमन इ सोउब कुछ तोहर संगे करबैं, काले कि उमन मोके भेजेक वाला परमेश्‍वर के नी जानैना।

रोमानियनमन 12:12

जे आसरा तोहरे ठिना अहे, उकर में खुश रहा, बिपइत में धीरज धरा, रोज दिन प्रार्थना में लगल रहा।

रोमानियनमन 16:12

त्रूफेना आउर त्रूफोसा, दुइयो बिसवासी बहिनमन के जोहार, जेमन प्रभु में मेहनइत करैना। दुलारी बहिन पिरसिस के जोहार, जे प्रभु में ढेइर मेहनइत काइर हे।

रोमानियनमन 2:7

परमेश्‍वर उमन के जेमन बेस काम में स्थिर रइह के महिमा, आउर आदर, आउर नाश नी होवेक वाला जिंदगी केर खोजार में अहैं, उमन के उ जुग-जुग केर जिंदगी देवी।

1 कुरिनथियनमन 13:7

प्रेम करेक वाला आदमीमन सोउब गोइठमन के साइह लेवैना, उमन हर स्थिति में परमेश्‍वर उपरे बिसवास करेक नी छोड़ैना, आउर उमन बिसवास केर संगे परमेश्‍वर उपरे आसरा करैना, उमन दुःख तकलीफ के हों साइह के स्थिर बनल रहैना।

1 कुरिनथियनमन 16:16

से लगिन मोंय तोहरेमन से बिनती करोना कि एइसनमन केर अगुवाई में चलबा, बल्कि उ सोउबमन केर अगुवाई में हों चलबा जेमन कड़ा मेहनइत करैना आउर भक्ति से सेवा करैना।

2 कुरिनथियनमन 10:15

हमरे सीमा से बाहरे दोसरमन केर मेहनइत उपरे घमंड नी करिला, मगर हमरे के आसरा अहे कि जइसन-जइसन तोहर बिसवास बढ़ते जाई तइसन-तइसन हमरे अपन सीमा केर मोताबिक तोहरे केर माझे आउर बड़का काम करेक पारब।

2 कुरिनथियनमन 11:23

का उमन हें मसीह केर सेवक हेकैं? मोंय पगला नियर कहोना, मोंय उमन से बाइढ़ के हेकों! मोंय उमन से बगरा मेहनइत काइर हों, उमन से बगरा जेहेल खाइट हों, अनगिनइत बेर माउर खाय हों, अक्सर मोर प्राण संकट में पाइड़ हे।

2 कुरिनथियनमन 4:1

इ लगिन जब हमरे उपरे परमेश्‍वर केर एइसन दया होलक कि हमरे के परमेश्‍वर केर संदेश के परचार करेक केर सेवा मिललक, तो हमरे हिम्मत नी हारिला।

2 कुरिनथियनमन 4:16

इ लगिन हमरे हिम्मत नी हारिला, जबकि हमरे केर काया धीरे-धीरे मोइर जायला, फिन भी हमरे केर आत्मा रोज दिन नवाँ होते जायला।

2 कुरिनथियनमन 5:9

इ लगिन हमर मन केर इ खुशी अहे कि चाहे हमरे उकर संगे स्वरग में रहब, चाहे हिंयाँ धरती में रहब, मगर उके खुश करते रहब।

2 कुरिनथियनमन 6:5

आउर कोड़रा खाएक से, जेहेल जाएक से, हुड़दंग से, मेहनइत करेक से, नींद अकाम करेक से, भूखे रहेक से,

गलातियनमन 6:2

हमर में से जेमन दुःखमन में अहैं, तो हमरे के उमन केर मदइत करेक चाही, एहे नियर हमरे मसीह केर नियम के मानिला।

गलातियनमन 6:9

हमरे के भला काम करेक में निराश नी होवेक चाही, काले कि अगर हमरे हार नी मानब, तो परमेश्‍वर केर अपन समय में हमरे के इनाम मिली।

फिलिप्पियनमन 2:16

ताकि मोंय मसीह केर फिन से घूइर आवेक केर दिन इ गोइठ लगिन घमंड करमूँ कि मोर दौड़-धूप आउर मोर मेहनइत बेकार नी होलक।

फिलिप्पियनमन 4:3

आउर हे मोर संगे सच्चाई से काम करेक वाला सुन्तुखे, मोंय तोर से हों बिनती करोना कि तोंय उ जनानामन केर मेल-मिलाप से रहेक लगिन मदइत कर। काले कि उमन मोर संगे शुभ समाचार के फैलाएक में क्लेमेंस आउर मोर संगे काम करेक वाला आउरोमन समेत मेहनइत काइर हैं जे मनक नाँव जिंदगी केर किताब में लिखल अहे।

कुलुसियनमन 1:11

मोंय प्रार्थना करोना कि परमेश्‍वर अपन महिमा से भरल शक्ति से तोहरेमन के ढेइर मजबूत करोक ताकि तोहरे धीरज आउर आनंद से अपन दुःखमन के सहेक पारबा।

1थिस्सलुनीकियनमन 1:3

आउर जब हमरे अपन परमेश्‍वर से प्रार्थना करिला, तो तोहरे केर उ काम के जेके बिसवास से कराला, आउर दोसरमन केर परती प्रेम देखाएक लगिन कठिन मेहनइत कराला, आउर यीशु मसीह केर घूइर आवेक केर आसरा से दुःख में तोहरेमन केर धीरज के लगातार याइद करिला।

1थिस्सलुनीकियनमन 2:9

हे भाईमन, तोहरेमन हमर मेहनइत आउर दुःख के याइद कराला, कि हमरे इ लगिन राइत दिन काम धंधा करते तोहरेमन में परमेश्‍वर केर शुभ समाचार परचार करली, ताकि तोहर में से केकरो उपरे भार ना होवोक।

1थिस्सलुनीकियनमन 5:12

आउर हे भाईमन, हमरे तोहर से बिनती करिला कि जेमन तोहर में मेहनइत करैना, आउर प्रभु में तोहर अगुवा हेकैं, आउर तोहरेमन के शिक्षा देवैना, उमन केर इज्जत करा।

2 थिस्सलुनीकियनमन 3:13

आउर तोहरे हे भाईमन, भलाई करेक में हिम्मत ना हारा।

2 थिस्सलुनीकियनमन 3:5

हमरे प्रार्थना करिला, प्रभु यीशु तोहरे के समझेक लायक बनाओक कि परमेश्‍वर तोहरे के कतइ प्रेम करेला, आउर सताव केर बेरा ओइसनेहें सहबा जइसन यीशु मसीह सहलक।

2 थिस्सलुनीकियनमन 3:8

हमरे केकरो रोटी मुफत में नी खाली, मगर कष्ट आउर मेहनइत से राइत दिन काम धंधा करत रही, जेकर से हमरे के अपन जरुरतमन के पूरा करेक लगिन केकरो उपरे भरसा करेक नी पड़लक।

1 तीमुथियुस 4:10

से लगिन हमरे इ जिंदगी के पावेक लगिन कठिन मेहनइत करिला, काले कि हमरे जिंदा परमेश्‍वर उपरे आसरा करिला जे सोउब आदमीमन केर छुटकारा देवाइया हेके, खास काइर के उमन के जेमन उकर उपरे बिसवास करैना।

1 तीमुथियुस 5:17

जे कलीसिया केर अगुवामन अपन काम के ठीक से करैना, उमन के उचित आदर आउर भरपूर तनखा पावेक केर लायक समझेक चाही, खास काइर के उमन के जेमन परमेश्‍वर केर बचन के परचार करेक आउर सिखाएक में कठिन मेहनइत करैना।

इब्रानीमन 10:36

तोहरे के लगातार बिसवास में धीरज से आसरा देखते रहेक चाही, तब तोहरे परमेश्‍वर केर इच्छा के पूरा करेक पारबा, आउर तोहरे उ सोउब के पाबा जेकर करार परमेश्‍वर तोहरे से काइर हे।

इब्रानीमन 12:1

से लगिन जबकि ढेइर आदमीमन केर जिंदगी से बिसवास केर गवाही मिल हे, जे एगो बड़का भीड़ नियर हमर चाइरो आरा अहे, तो आवा हमरे हरेक रोकेक वाला चीज, आउर फँसाएक वाला पाप के दूर काइर के, उ डहर में धीरज से चलब जेकर में हमरे के चलेक अहे।

इब्रानीमन 13:13

से लगिन आवा, हमरे बलिदान चढ़ाएक केर यहूदी नियम के छोइड़ के यीशु उपरे बिसवास करब आउर उकर निंदा के अपन उपरे उठाब। आउर छावनी केर बाहरे निकइल जाब।

इब्रानीमन 6:10

काले कि परमेश्‍वर भला अहे, उ तोहरे जे काम काइर हा, आउर दोसर बिसवासीमन केर मदइत काइर के परमेश्‍वर के प्रेम देखाय हा उके नी भुलाई। आउर तोहरे एखनो तक उमन केर मदइत करते अहा उखो याइद करी।

इब्रानीमन 6:15

अब्राहम ढेइर समय तक धीरज धारल केर पाछे करार केर फल पालक।

2 पतरस 1:6

तोहरे सिरिफ समझदारी से ब्यवहार करेक वाला ना बना, मगर अपन उपरे काबू रखेक वाला हों बना। तोहरे सिरिफ अपन उपरे काबू रखेक वाला ना बना, मगर दुःखमन में धीरज रखेक वाला हों बना। तोहरे सिरिफ धीरज रखेक वाला हें ना बना, मगर एइसन जिंदगी जियेक वाला हों बना जे परमेश्‍वर के खुश करेला।

प्रकाशितवाक्य 1:9

मोंय यूहन्ना जे तोहर संगी बिसवासी आउर मसीह केर लगिन दुःख सहेक में, आउर आबा परमेश्‍वर केर राइज में, आउर धीरज केर संगे उ दुःखमन के सहेक में तोहर संगी हेकों, जे उ आदमीमन उपरे आवेला जेमन केर रिश्ता उकर संगे अहे। मोके पतमुस टापू में कैदी बनाय के भेइज देवल जाय रहे। काले कि मोंय आबा परमेश्‍वर केर बचन के परचार काइर रहों आउर यीशु केर सच्चा संदेश के बताय रहों।

प्रकाशितवाक्य 3:10

काले कि तोंय मोर धीरजरूपी आगया केर पालन काइर हिस, से लगिन मोंय हों तोके परीक्षा केर उ बेरा बचाय रखमूँ, जे धरती में रहेक वाला आदमीमन के परखेक लगिन गोटा दुनिया में आवेक वाला अहे।