प्रकाशितवाक्य 2:26 - सादरी नवाँ नियम

²⁶ जे जीत जाई आउर आखरी तक मोर काममन केर मोताबिक करते रही, तो मोंय उके जाइत-जाइत केर आदमीमन उपरे अधिकार देमूँ।

प्रकाशितवाक्य 2:26 Iomraidhean Croise

मत्ती 10:22

तोहरेमन मोर उपरे बिसवास कराला से लगिन आदमीमन तोहरेमन से नफरत करबैं, मगर जे आदमीमन दुःख तकलीफ केर आखरी बेरा तक मोर उपरे भरसा करबैं आउर हार नी मानबैं उमन के परमेश्‍वर बचाय लेई।

मत्ती 19:28

यीशु उमन से कहलक, “मोंय तोहर से सच कहाथों कि नवाँ जुग में जब मोंय आदमी केर बेटा अपन महिमा केर सिंहासन में बइठमूँ, तो तोहरेमन जे मोर पिछे होई लेई हा, बारह गो सिंहासन में बाइठ के इसराइल केर बारहों गोतरमन केर न्याय करबा।

मत्ती 24:13

मगर जे आदमीमन दुःख तकलीफ केर आखरी बेरा तक मोर उपरे भरसा करबैं आउर हार नी मानबैं उमन बाइच जबैं।

यूहन्ना 6:29

यीशु उमन के जबाब देलक, “परमेश्‍वर केर काम इ हेके कि जेके उ भेइज हे, उकर उपरे तोहरेमन बिसवास करा।”

रोमानियनमन 2:7

परमेश्‍वर उमन के जेमन बेस काम में स्थिर रइह के महिमा, आउर आदर, आउर नाश नी होवेक वाला जिंदगी केर खोजार में अहैं, उमन के उ जुग-जुग केर जिंदगी देवी।

रोमानियनमन 8:37

मगर इ सोउब बुरा चीजमन में हमरे उकर चलते जे हमर से प्रेम काइर हे पूरा जीत पाय ही।

1थिस्सलुनीकियनमन 3:5

इ लगिन जब मोर से तोहरेमन केर बिसवास केर हाल जानल बिना रहल नी गेलक, तो मोंय तोहरे केर बिसवास केर हाल जानेक लगिन तीमुथियुस के भेजलों, काले कि मोंय डरात रहों कहीं एइसन ना होवोक कि परीक्षा करेक वाला शैतान तोहरे के फँसाय तो नी लेई हे, आउर हमर मेहनइत बेकार तो नी होई गेलक।

इब्रानीमन 3:6

मसीह एगो बेटा नियर परमेश्‍वर केर परिवार में बिसवास लायक अहे, अगर हमरे अपन साहस आउर उ आसरा में बिसवास के बनाय के राखिला, तो हमरे उकर परिवार हेकी।

याकूब 2:20

मगर हे निरबुद्धिया आदमी, का तोंय एहो नी जानिसला कि भला काममन केर बिना बिसवास बेकार अहे?

1 यूहन्ना 2:19

उ मसीह बिरोधीमन तो हमरेमन में से हें आय हैं, मगर उमन हमर अपन नी रहैं। अगर उमन हमरेमन केर होतैं तो हमरेमन केर संगे रहतैं। मगर उमन हमरेमन के छोइड़ के चाइल गेलैं, ताकि उमन इ देखाएक पारोक कि उमन हमर माझे केर ना लगैं।

1 यूहन्ना 3:23

आउर उकर आगया इ हेके कि हमरे उकर बेटा यीशु मसीह केर नाँव उपरे बिसवास करब आउर जइसन उ हमरे के आगया देई हे उकरे मोताबिक एक दोसर से प्रेम करब।

1 यूहन्ना 5:5

दुनिया में जीत पावेक वाला के हेके? सिरिफ उ जेकर इ बिसवास अहे कि यीशु हें परमेश्‍वर केर बेटा हेके।

प्रकाशितवाक्य 2:11

जेमन केर कान अहे, उमन धेयान से सुइन लेवा कि पवितर आत्मा कलीसिया केर आदमीमन से का कहेला: जे जीत जाई, उके दूसरा मरण से कोनों हानि नी होवी।

प्रकाशितवाक्य 2:17

जेमन केर कान अहे, उमन धेयान से सुइन लेवा कि पवितर आत्मा कलीसिया केर आदमीमन से का कहेला: जे जीत जाई, उके मोंय लुकल मन्ना में से देमूँ, आउर उके एगो चरका पखना हों देमूँ, आउर उ पखना में एगो नाँव लिखल होवी, जेके उके पावेक वालामन केर सिवाय आउर केऊ नी जानी।

प्रकाशितवाक्य 2:7

जेमन केर कान अहे उमन धेयान से सुइन लेवा कि पवितर आत्मा कलीसिया केर आदमीमन से का कहेला। जे जीत जाई, उके मोंय उ जिंदगी केर गाँछ में से जे परमेश्‍वर केर स्वरग लोक में अहे, खाएक लगिन फार देमूँ।

प्रकाशितवाक्य 20:4

फिन मोंय थोरेक सिंहासन देखलों। उ मनक उपरे थोरेक आदमीमन बाइठ रहैं। आउर उमन के फैसला करेक केर अधिकार देवल गेलक। मोंय उमन केर आत्मामन के हों देखलों, जेमन केर मूँड़ यीशु केर गवाही देवेक आउर परमेश्‍वर केर बचन केर परचार केर खातिर काटल जाय रहे, आउर जेमन ना तो उ खूंखार जानवर केर, आउर ना उकर मूर्ति केर पूजा काइर रहैं, आउर ना उकर छाप अपन माथा आउर हाँथ उपरे लेई रहैं। उमन जिंदा होई के मसीह केर संगे हजार बरिस तक राइज करते रहलैं।

प्रकाशितवाक्य 21:7

जे जीत जाई, ओहे इ चीजमन केर हकदार होवी। आउर मोंय उकर परमेश्‍वर होमूँ, आउर उ मोर बेटा होवी।

प्रकाशितवाक्य 22:5

हूवाँ कहियो राइत नी होवी आउर उमन के दीया आउर बेइर केर इंजोत केर दरकार नी होवी, काले कि प्रभु परमेश्‍वर उमन के इंजोत देई, आउर उमन जुग-जुग राइज करबैं।

प्रकाशितवाक्य 3:12

जे जीत जाई, उके मोंय अपन परमेश्‍वर केर मंदिर में एगो खंभा बनामूँ आउर उ फिन कहियो बाहरे नी निकली, आउर मोंय अपन परमेश्‍वर केर नाँव आउर अपन परमेश्‍वर केर नगर मतलब नवाँ यरुशलेम केर नाँव, जे मोर परमेश्‍वर ठिना से स्वरग से उतरेक वाला अहे, आउर अपन नवाँ नाँव उकर में लिखमूँ।

प्रकाशितवाक्य 3:21

जे जीत जाई, मोंय उके अपन संगे अपन सिंहासन में बइठामूँ, जइसन मोंय हों जीत के अपन आबा केर संगे उकर सिंहासन में बाइठ गेलों।

प्रकाशितवाक्य 3:5

जे जीत जाई, उ एहे लेखे चरका लुगा पिंधी, आउर मोंय उकर नाँव जिंदगी केर किताब में से कोनों रीति से नी काटमूँ, मगर उकर नाँव अपन आबा आउर उकर स्वरग दूतमन केर सामने माइन लेमूँ।